മൂവാറ്റുപുഴയില്‍ കോളേജ് വിദ്യാര്‍ഥിനിയെ ബൈക്കിടിച്ച് കൊലപ്പെടുത്തിയ കേസില്‍ പ്രതിയെ കാപ്പ ചുമത്തി പൊലീസ് ജയിലിലടച്ചു. നിര്‍മ്മല കോളേജില്‍ ബികോം അവസാന വര്‍ഷ വിദ്യാര്‍ത്ഥിയായിരുന്ന നമിത (19) നെ കൊലപ്പെടുത്തിയ കേസിലെ പ്രതി ആന്‍സണ്‍ റോയിയെയാണ് (22) കാപ്പ ചുമത്തി ജയിലിലടച്ചത്.
ജൂലൈ 26ന് മൂവാറ്റുപുഴ നിര്‍മ്മല കോളേജ് വിദ്യാര്‍ത്ഥിനി നമിത അമിതവേഗതയില്‍ എത്തിയ ബൈക്കിടിച്ച് മരിക്കുകയായിരുന്നു. റോഡ് മുറിച്ച് കടക്കവെയാണ് അപകടം. ഒപ്പം ഉണ്ടായിരുന്ന ഒരു വിദ്യാര്‍ത്ഥിക്കും പരിക്കേറ്റിരുന്നു. നമിതയുടെ മരണവുമായി ബന്ധപ്പെട്ട് പ്രതിയെ അറസ്റ്റ് ചെയ്തിരുന്നു.