സ്വര്‍ണ്ണ വ്യാപാരിയെ ആക്രമിച്ചു സ്വര്‍ണം തട്ടിയെടുത്ത കേസില്‍ പിടിയിലായ അര്‍ജുന്‍ ആയങ്കിയെ റിമാന്‍ഡ് ചെയ്തു. ചിറ്റൂര്‍ കോടതിയില്‍ ഹാജരാക്കിയ അര്‍ജുനെ 14 ദിവസത്തേക്കാണ് റിമാന്‍ഡ് ചെയ്തത്.
കഴിഞ്ഞ മാര്‍ച്ച് 26നാണ് കേസിനാസ്പദമായ സംഭവം. തൃശ്ശൂരില്‍ നിന്നും മധുരയിലെ ജ്വല്ലറിയിലേക്ക് സ്വര്‍ണാഭരണങ്ങള്‍ കൊണ്ടുപോയ വ്യാപാരിയെ ആക്രമിച്ച് 75 പവന്‍ സ്വര്‍ണം തട്ടിയെടുക്കുകയായിരുന്നു. സിപിഎം നേതാക്കള്‍ ഉള്‍പ്പെടെ 11 പേരെ പോലീസ് അറസ്റ്റ് ചെയ്തിരുന്നു. മഹാരാഷ്ട്ര പൂനെയില്‍ നിന്ന് കഴിഞ്ഞ ദിവസമാണ് അര്‍ജുന്‍ പിടിയിലാവുന്നത്. ഇയാളാണ് മുഖ്യസൂത്രധാരന്‍ എന്നാണ് പോലീസ് പറയുന്നത്.
നേരത്തെയും സ്വര്‍ണകടത്തില്‍ പ്രതിയാണ് ഇദ്ദേഹം.