ബസും ബൈക്കും കൂട്ടിയിടിച്ച് തീപ്പിടിച്ചു. ബൈക്ക് യാത്രക്കാരനായ പൊലീസ് ഉദ്യോഗസ്ഥന്‍ പൊള്ളലേറ്റു മരിച്ചു. ചിന്നമന്നൂര്‍ പൊലീസ് സ്‌റ്റേഷനിലെ ഹെഡ് കോണ്‍സ്റ്റബിള്‍ കമ്പം മാലയമ്മാപുരം സ്വദേശി രാമകൃഷ്ണന്‍ (40) ആണ് മരിച്ചത്. ഇടിയുടെ ആഘാതത്തില്‍ ബസിനു തീപ്പിടിക്കുകയായിരുന്നു. യാത്രക്കാര്‍ ഇറങ്ങ് ഓടിയതിനാല്‍ ആളാപയമില്ല.
തിങ്കളാഴ്ച രാത്രി കമ്പംതേനി റോഡില്‍ ഉത്തമപാളയത്തിനു സമീപമാണ് സംഭവം. ജോലി കഴിഞ്ഞു വീട്ടിലേക്കു മടങ്ങുന്ന വഴി കമ്പത്തുനിന്നു ബെംഗളൂരുവിലേക്കു പോവുകയായിരുന്ന സ്വകാര്യബസുമായി കൂട്ടിയിടിക്കുകയായിരുന്നു. ഇദ്ദേഹം ചിന്നമന്നൂര്‍ പൊലീസ് സ്‌റ്റേഷനിലെ ഹെഡ് കോണ്‍സ്റ്റബിളാണ്. ബൈക്ക് ബസിനടിയിലേക്ക് ഇടിച്ചുകയറിയതോടെ തീ പടര്‍ന്നു. അഗ്‌നിരക്ഷാസേനയെത്തിയാണു തീയണച്ചത്. രാമകൃഷ്ണന്റെ മൃതദേഹം കത്തിക്കരിഞ്ഞ നിലയിലായിരുന്നു.