ചെന്നൈയില്‍ നടക്കുന്ന മുസ്‌ലിം ലീഗ് പ്ലാറ്റിനം ജൂബിലി സമ്മേളനത്തില്‍ പങ്കെടുക്കാന്‍ മോട്ടോര്‍ സൈക്കിളില്‍ 60 കാരനും. ഊട്ടി സ്വദേശി നിസാര്‍ സേട്ടാണ് ഹരിത പതാകയും ഖാഇദേമില്ലത്തിന്റെയും മറ്റും ചിത്രങ്ങളുമായി ചെന്നൈയിലെത്തിയത്. റോഡപകടങ്ങളില്‍ പെടുന്നവരെ രക്ഷിക്കുന്ന,പാവങ്ങള്‍ക്ക് സഹായം നല്‍കുന്ന നിസാര്‍ സേട്ട് പല സ്ഥലങ്ങളിലായി ഈ വണ്ടിയില്‍ സഞ്ചരിച്ചിട്ടുണ്ട്.
കഴിഞ്ഞ ലോക്‌സഭാ തെരഞ്ഞെടുപ്പ് കാലത്ത് പാണക്കാട്ടും എത്തിയിരുന്നു. മുസ്‌ലിം ലീഗ് നേതാവ് ഇബ്രാഹിം സുലൈമാന്‍ സേട്ടിന്റെ കുടുംബാംഗമാണ് താനെന്ന് നിസാര്‍ സേട്ട് പറഞ്ഞു. ദരിദ്രര്‍ക്കുള്ള സാധനങ്ങളും ടെന്റും മറ്റുമാണ് വാഹനത്തില്‍. സ്വന്തമായി മെക്കാനിക് ജോലിയും നിസാര്‍ സേട്ട് ചെയ്യുന്നുണ്ട്.