കണ്ണൂര്‍ തളിപ്പറമ്പില്‍ ഭാര്യയെയും മകനെയും മര്‍ദ്ദിച്ച ഭര്‍ത്താവ് അറസ്റ്റില്‍. ചപ്പാത്തിക്കോല്‍ കൊണ്ടാണ് മര്‍ദിച്ചത്. പട്ടുവം വെള്ളിക്കീല്‍ സ്വദേശി എം സന്തോഷാണ്(48) പിടിയിലായത്. ബുധനാഴ്ച രാത്രിയായിരുന്നു സംഭവം.
വീട്ടിലെത്തിയ സന്തോഷ് ഭാര്യയെ ചപ്പാത്തിക്കൊല്‍ കൊണ്ട് തലയ്ക്ക് അടിക്കുകയായിരുന്നു. ഇത് കണ്ട് മര്‍ദ്ദനം തടയാനെത്തിയ മകനെ ഇയാള്‍ പിടിച്ചു തള്ളി. മകന്റെ കഴുത്തില്‍ പിടിച്ചാണ് തള്ളിയത്. മര്‍ദ്ദനത്തില്‍ പരിക്കേറ്റ യുവതിയെ തളിപ്പറമ്പ് സഹകരണ ആശുപത്രിയില്‍ പ്രവേശിപ്പിച്ചു.