പട്ടാമ്പി : മാരക മയക്കുമരുന്നായ എംഡിഎംഎ യുമായി കൊപ്പം സ്വദേശി പിടിയില്‍. കൊപ്പം പോലീസും ജില്ലാ ലഹരി വിരുദ്ധ സ്‌ക്വാഡും നടത്തിയ പരിശോധനയില്‍ കൊപ്പം മണ്ണേങ്കോട് അത്താണിക്ക് വെച്ച് 18.28 ഗ്രാം എം ഡി എം എ യുമായി കൊപ്പം വിളയൂര്‍ വിളയൂര്‍ സ്വദേശിയായ തോണിക്കടവത്ത് മുഹമ്മദ് നാഫി (20) പിടിയിലായത്.
നാട്ടില്‍ വില്പന നടത്തുന്നതിന്നായി പ്രതി ബാംഗ്ലൂരില്‍ നിന്നാണ് ലഹരിമരുന്ന് എത്തിച്ചത്. ലഹരിമരുന്നിന്റെ ഉറവിടത്തെക്കുറിച്ചും പ്രതിഉള്‍പ്പെട്ട ലഹരി വില്പന ശൃംഖലയെക്കുറിച്ചും കൊപ്പം പോലീസ് അന്വേഷണം ഊര്‍ജ്ജിതമാക്കി.
പാലക്കാട് ജില്ലാ പോലീസ് മേധാവി ആര്‍. ആനന്ദിന്റെ നിര്‍ദ്ദേശപ്രകാരം നാര്‍ക്കോട്ടിക് സെല്‍ ഡി.വൈ.എസ്.പി ആര്‍.മനോജ് കുമാര്‍, ഷൊര്‍ണൂര്‍ ഡി.വൈ.എസ്.പി. ഹരിദാസ് പി സി എന്നിവരുടെ നേത്യത്വത്തില്‍ സബ്ബ് ഇന്സ്പെക്ടര് രാജേഷ് എം ബി യുടെ നേതൃത്വത്തിലുള്ള കൊപ്പം പോലീസും സബ്ബ് ഇന്സ്പെക്ടര് എച്ച്. ഹര്‍ഷാദിന്റെ നേതൃത്വത്തിലുള്ള ജില്ലാ ലഹരി വിരുദ്ധ സ്‌ക്വാഡും ചേര്‍ന്നാണ് പരിശോധന നടത്തി ലഹരിമരുന്നും പ്രതിയെയും പിടികൂടിയത്.