Culture
സ്വിസ് ബാങ്കിലെത് കള്ളപ്പണമാണെന്ന് പറയാനാകില്ലെന്ന് കേന്ദ്രമന്ത്രി പിയൂഷ് ഗോയല്‍; രൂക്ഷ പരിഹാസവുമായി രാഹുല്‍ ഗാന്ധി
ന്യൂഡല്‍ഹി: സ്വിസ് ബാങ്കിലെ ഇന്ത്യന്‍ നിക്ഷേപങ്ങള്‍ കള്ളപ്പണമാണോ, അനധികൃത സാമ്പത്തിക ഇടപാടാണോ എന്ന് പറയാന്‍ സാധിക്കില്ലെന്ന് കേന്ദ്രമന്ത്രി പിയൂഷ് ഗോയല്‍. ബാങ്കിലെ എല്ലാ ഇടപാടുകളുടെയും വിവരങ്ങള്‍ ഈ സാമ്പത്തിക വാര്‍ഷാവസാനം ലഭിക്കുമെന്ന് കേന്ദ്രമന്ത്രി അറിയിച്ചു.
സ്വിറ്റ്‌സര്‍ലന്‍ഡില്‍ ഇന്ത്യക്കാരുടെ കള്ളപ്പണനിക്ഷേപത്തില്‍ 50 ശതമാനം വര്‍ധനയുണ്ടാെയന്ന് സെന്‍ട്രല്‍ യുറോപ്യന്‍ നാഷന്‍ കണക്കുകള്‍ പുറത്ത് വിട്ടതിന് പിന്നാലെയാണ് കേന്ദ്രമന്ത്രിയുടെ പുതിയ പ്രസ്താവന. എന്നാല്‍ വിവരങ്ങള്‍ ലഭിച്ചാല്‍ കള്ളപ്പണം വിഷയത്തില്‍ എന്ത് നടപടി സ്വീകരിക്കുമെന്ന ചോദ്യത്തില്‍ നിന്നും അദ്ദേഹം ഒഴിഞ്ഞുമാറി.
കേന്ദ്രമന്ത്രി പിയൂഷ് ഗോയല്‍
അതേസമയം സ്വിസ് ബാങ്കുകളിലെ ഇന്ത്യക്കാരുടെ നിക്ഷേപം 7,000 കോടി രൂപയായെന്ന റിപ്പോര്‍ട്ടുകള്‍ പുറത്തു വന്നതിന് പിന്നാലെ കേന്ദ്ര സര്‍ക്കാരിനെ രൂക്ഷമായി പരിഹസിച്ച് കോണ്‍ഗ്രസ് ദേശീയ അധ്യക്ഷന്‍ രാഹുല്‍ ഗാന്ധി രംഗത്തെത്തി. വിദേശത്തെ കള്ളപ്പണം പിടിച്ചെടുത്ത് 15 ലക്ഷം രൂപ വീതം എല്ലാ അക്കൗണ്ടുകളിലും എത്തിക്കുമെന്ന് അന്ന് പറഞ്ഞവര്‍ ഇപ്പോള്‍ കള്ളപ്പണമില്ലെന്ന് പറയുന്നു എന്നായിരുന്നു രാഹുലിന്റെ പരിഹാസം. ട്വിറ്ററിലൂടെയായിരുന്നു രാഹുലിന്റെ പരിഹാസം.
2014, HE said: I will bring back all the “BLACK” money in Swiss Banks & put 15 Lakhs in each Indian bank A/C.
2016, HE said: Demonetisation will cure India of “BLACK” money.
2018, HE says: 50% jump in Swiss Bank deposits by Indians, is “WHITE” money. No “BLACK” in Swiss Banks! pic.twitter.com/7AIgT529ST
— Rahul Gandhi (@RahulGandhi) June 29, 2018
വിദേശത്തെ കള്ളപ്പണം തിരിച്ചുകൊണ്ടുവന്ന് ഓരോരുത്തരുടെയും അക്കൗണ്ടില്‍ 15 ലക്ഷം നിക്ഷേപിക്കുമെന്നു പറഞ്ഞവര്‍ ഇന്ന് പറയുന്നത്് സ്വിസ് ബാങ്കില്‍ കള്ളപ്പണമില്ലെന്നാണ് എല്ലാം വെള്ളപ്പണമായെന്ന് രാഹുല്‍ കുറിച്ചു.
2014ല്‍ അദ്ദേഹം പറഞ്ഞു, സ്വിസ് ബാങ്കുകളിലെ കള്ളപ്പണമെല്ലാം ഞാന്‍ തിരിച്ചുകൊണ്ടുവരും, ഓരോ ഇന്ത്യക്കാരന്റെയും അക്കൗണ്ടില്‍ 15 ലക്ഷം രൂപ വീതം നിക്ഷേപിക്കും. 2016ല്‍ അദ്ദേഹം പറഞ്ഞു, കള്ളപ്പണം നോട്ട് നിരോധനംകൊണ്ട് അവസാനിപ്പിക്കും. 2018ല്‍ അദ്ദേഹം പറഞ്ഞു, സ്വിസ് ബാങ്കില്‍ ഇന്ത്യക്കാരുടേതായി വര്‍ധിച്ച 50 ശതമാനം നിക്ഷേപം കള്ളപ്പണമല്ല, സ്വിസ് ബാങ്കില്‍ കള്ളപ്പണമേയില്ല. ഇനി വാചോടാപം 2019ലേക്ക് മാറ്റിവെച്ചിരിക്കുകയാണ്. രാഹുല്‍ ട്വീറ്റ് ചെയ്തു.
സ്വിസ് ബാങ്കുകളില്‍ ഇന്ത്യക്കാരുടെ നിക്ഷേപം മൂന്നു വര്‍ഷം കുറഞ്ഞതിന് ശേഷം 2017ല്‍ 50 ശതമാനത്തിലധികം ഉയര്‍ന്നതായി കഴിഞ്ഞ ദിവസം പുറത്തു വന്ന രേഖകളിലാണ് വ്യക്തമായത്. 2017ല്‍ സ്വിസ് ബാങ്കില്‍ 7000 കോടി രൂപയാണ് ഇന്ത്യക്കാര്‍ നിക്ഷേപിച്ചത്. ആഗോള തലത്തില്‍ സ്വിസ് ബാങ്ക് നിക്ഷേപം മൂന്ന് ശതമാനം ഉയര്‍ന്ന് 100 ലക്ഷം കോടിയായി ഉയര്‍ന്നതായാണ് സ്വിസ് നാഷണല്‍ ബാങ്ക് (എസ്.എന്‍.ബി) രേഖകള്‍ പറയുന്നത്. കള്ളപ്പണ നിക്ഷേപം അവസാനിപ്പിക്കുമെന്ന് വാഗ്ദാനം നല്‍കുകയും കള്ളപ്പണം പിടികൂടാനെന്ന് അവകാശപ്പെട്ട് നോട്ട് അസാധുവാക്കലടക്കമുള്ള നടപടികള്‍ സ്വീകരിക്കുകയും ചെയ്ത മോദി സര്‍ക്കാറിന് വന്‍ തിരിച്ചടിയാണ് സ്വിസ് ബാങ്ക് അധികൃതര്‍ കഴിഞ്ഞ ദിവസം പുറത്തു വിട്ട കണക്കുകള്‍.
crime
ബില്ലടക്കാന്‍ ഫോണില്‍ വിളിച്ച് ആവശ്യപ്പെട്ടു; കെഎസ്ഇബി ഉദ്യോഗസ്ഥനെ ഓഫീസിലെത്തി മര്‍ദിച്ച് യുവാവ്
മലപ്പുറം വണ്ടൂര്‍ കെഎസ്ഇബി സെക്ഷന്‍ ഓഫീസിലെ ലൈന്‍മാന്‍ സുനില്‍ ബാബുവിനാണ് മര്‍ദനമേറ്റത്
kerala
പ്രശസ്ത സാഹിത്യകാരന്‍ ഓംചേരി എന്‍ എന്‍ പിള്ള അന്തരിച്ചു
101ാം വയസില്‍ ഡല്‍ഹിയില്‍ ആണ് അന്ത്യം
Film
ചലച്ചിത്ര മേഖലയില്‍ പെരുമാറ്റച്ചട്ടം നിര്‍മ്മിക്കണം; ഡബ്യൂസിസി ഹൈക്കോടതിയില്‍
ഹേമ കമ്മിറ്റിയുമായി ബന്ധപ്പെട്ട് ഹൈക്കോടതി സ്‌പെഷല്‍ ബെഞ്ചിന്റെ സിറ്റിങ് നടന്നിരുന്നു.
-
Film3 days agoരാജ്. ബി. ഷെട്ടിയും അപർണ ബാലമുരളിയും ഒന്നിക്കുന്ന “രുധിരം” ഫസ്റ്റ് ലുക്ക് പോസ്റ്റർ റിലീസായി
-
crime3 days agoവിവാഹാഭ്യർത്ഥന നിരസിച്ച അധ്യാപികയെ ക്ലാസ് മുറിയിൽ കയറി കുട്ടികളുടെ മുന്നിൽ വെച്ച് കുത്തിക്കൊന്നു
-
Film3 days agoമോഹന്ലാല് തിരിതെളിച്ചു, മമ്മൂട്ടിയും എത്തി മലയാളത്തിന്റെ വമ്പൻ സിനിമക്ക് ശ്രീലങ്കയിൽ ആരംഭം
-
News3 days agoസന്തോഷ് ട്രോഫി; കേരളത്തിന് വിജയത്തുടക്കം
-
News3 days agoവനിതാ ഏഷ്യന് ചാംപ്യന്സ് ട്രോഫി; ഇന്ത്യക്ക് വിജയക്കിരീടം
-
kerala3 days agoഎറണാകുളത്ത് മഞ്ഞപ്പിത്തം കൂടുന്നു; മുന്നറിയിപ്പ്
-
kerala3 days agoമലപ്പുറത്ത് ഭാര്യയുടെ മയ്യിത്ത് നമസ്കാരം ആരംഭിക്കാനിരിക്കെ ഭർത്താവ് പള്ളിയിൽ കുഴഞ്ഞു വീണു മരിച്ചു
-
india3 days agoയുപിയില് വോട്ട് ചെയ്യാനെത്തിയ മുസ്ലിം യുവതികള്ക്കു നേരെ തോക്ക് ചൂണ്ടി തിരികെ പോകാനാവശ്യപ്പെട്ട് പൊലീസ്