Connect with us

More

സമ്മേളന നഗരിക്ക് ക്ലീന്‍ ചീറ്റ് ; പുതിയ മാതൃക തീര്‍ത്ത് യൂത്ത് ലീഗ് സമ്മേളനം

Published

on

കോഴിക്കോട്: കോഴിക്കോട്: ഒരു മഹാസമ്മേളനം സമാപിച്ച നഗരി അന്ന് നേരം പുലരും മുന്നേ മാലിന്യങ്ങളൊന്നും ഇല്ലാതെ ക്ലീന്‍ ആയി മാറുക എന്നത് ഏതൊരു സ്വച് ഭാരത് ചിന്തകന്റെയും മോഹമാണ്. എന്നാല്‍ അത്തരമൊരു മാതൃകക്ക് സാക്ഷ്യം വഹിച്ചിരിക്കയാണ് കഴിഞ്ഞ ദിവസം കോഴിക്കോട് കടപ്പുറം.

ജനസാഗരങ്ങളായി പ്രവര്‍ത്തകര്‍ വന്നുചേര്‍ന്ന മുസ്‌ലിം യൂത്ത് ലീഗ് സംസ്ഥാന സമ്മേളന വേദിയും പരിസരവും നേരം വെളുക്കും മുമ്പേ യൂത്ത്‌ലീഗ് പ്രവര്‍ത്തകരും നേതാക്കളും ചേര്‍ന്ന് വൃത്തിയാക്കി മാറ്റുകയായിരുന്നു.

ഞായറാഴ്ച വൈകുന്നേരത്തോടെയാണ് മൂന്ന് ദിവസം നീണ്ടു നിന്ന യൂത്ത് ലീഗിന്റെ സംസ്ഥാന സമ്മേളനത്തിന്റെ സമാപന ചടങ്ങുകള്‍ക്ക് കോഴിക്കോട് കടപ്പുറത്ത് തുടക്കമായത്. തുടര്‍ന്ന് പതിനായിരങ്ങള്‍ പങ്കെടുത്ത പൊതുസമ്മേളനം രാത്രിയോടെ സമാപിച്ചു. എന്നാല്‍ എല്ലാ സമ്മേളന നഗരിയും എന്ന പോലെ കോഴിക്കോട് കടപ്പുറവും വൃത്തികേടായി മാറി. പക്ഷേ നേതാക്കളും പ്രവര്‍ത്തകരുമടക്കം ഒട്ടേറെ പേര്‍ ചേര്‍ന്ന് സമ്മേളനം സമാപിച്ച രാത്രി വെളുക്കും മുന്നെ കിലോമീറ്ററുകള്‍ ദൂരമുളള കോഴിക്കോട് കടപ്പുറത്തിന് ക്ലീന്‍ ചീറ്റ് ഉണ്ടാക്കിയെടുക്കുകയായിരുന്നു.

ഒരു മേനിപറച്ചിലായി അല്ല മറിച്ചു വലിയ വെല്ലവിളിയായി തന്നെയാണ് കിലോമീറ്ററുകള്‍ ദൂരമുള്ള കോഴിക്കോട് കടപ്പുറത്തെ മാലിന്യങ്ങള്‍ നീക്കം ചെയ്യാന്‍ യൂത്ത് ലീഗ് പ്രവര്‍ത്തകര്‍ ഏറ്റെടുത്തതെന്നു പ്രവര്‍ത്തനത്തില്‍ പങ്കാളിയായ യൂത്ത് ലീഗ് സംസ്ഥാന സെക്രട്ടറി പി.കെ ഫിറോസ് ഫേസ്ബുക് പോസ്റ്റില്‍ കുറിച്ചു. ഇതിലൂടെ സംസ്ഥാന സമ്മേളനം സമാപിച്ച് നേരം പുലരുന്നതിനു മുന്‍പേ മാലിന്യങ്ങള്‍ നീക്കം ചെയ്യുമെന്ന സംസ്ഥാന പ്രസിഡണ്ട് പി.എം സാദിഖലി നല്‍കിയ ഉറപ്പാണ് ഞങ്ങള്‍ പാലിച്ചതെന്നും ഫിറോസ് വ്യക്തമാക്കി. തുടക്കം മുതല്‍ അവസാനം വരെ ഒട്ടനവധിപേര്‍ ഈ ദൗത്യത്തില്‍ പങ്കാളികളായെന്നും ഫിറോസ് അറിയിച്ചു. തുടക്കം മുതല്‍ അവസാനം വരെ ഈ ദൗത്യത്തില്‍ പങ്കെടുത്തവരെയും ഇടക്ക് വന്നുപോയവരെയും എല്ലാവരെയും യൂത്ത് ലീഗ് സംസ്ഥാന കമ്മിറ്റിയുടെ നന്ദി അറിയിക്കുന്നതായും ഫിറോസ് വ്യക്തമാക്കി.

യൂത്ത് ലീഗിന്റെ മാതൃകാ പ്രവര്‍ത്തനം ഇതിനകം സോഷ്യല്‍ മീഡിയകളില്‍ ചര്‍ച്ചയായി കഴിഞ്ഞു.

pk

കോഴിക്കോട് ബീച്ചിലെ മാലിന്യങ്ങള്‍ നീക്കം ചെയ്ത ദൗത്യത്തില്‍ തുടക്കം മുതല്‍ അവസാനം വരെ പങ്കാളികളായവരുടെ ഗ്രൂപ്പ് ഫോട്ടോ

14991902_903689226398176_1924177493483231815_n15036712_1134706589982790_7899795277052877974_n15032271_1159698114112470_4335827157593183241_n

ഗതാഗതക്കുരുക്ക് ഒഴിവാക്കുന്നതിനായി നേരത്തെ സംസ്ഥാന സമ്മേളനത്തിനോട് അനുബന്ധിച്ച് നടത്തുന്ന റാലി യൂത്ത് ലീഗ് ഇത്തവണ വേണ്ടെന്ന് വച്ചിരുന്നു. കഴിഞ്ഞ സെപ്റ്റംബറില്‍ ബിജെപിയുടെ ദേശീയ കൗണ്‍സില്‍ മീറ്റ് കോഴിക്കോട് കടപ്പുറത്ത് സമാപിച്ചപ്പോള്‍ സമ്മേളന നഗരിയില്‍ മാലിന്യങ്ങള്‍ കൂമ്പാരമായതിന്റെ ദൃശ്യങ്ങള്‍ ട്വിറ്റ്വറിലും ഫെയ്‌സ്ബുക്ക് രാജ്യവ്യാപകമായി പ്രചരിച്ചിരുന്നു.

Continue Reading
Advertisement
Click to comment

Leave a Reply

Your email address will not be published. Required fields are marked *

More

ട്രംപിന്റെ രണ്ടാം വരവും ലോക സമാധാനവും

Published

on

ലോകം ഉറ്റുനോക്കിയ അമേരിക്കന്‍ പ്രസിഡന്റ് തിരഞ്ഞെടുപ്പില്‍ റിപ്പബ്ലിക്കന്‍ സ്ഥാനാര്‍ഥി ഡൊണാള്‍ഡ് ട്രംപ് വീണ്ടും അധികാരത്തിലെത്തിയിരിക്കുകയാണ്. ലോകത്തിലെ ഏറ്റവും വലിയ പ്രതിരോധ, സാമ്പത്തിക ശക്തിയായ അമേരിക്കയുടെ 47-ാമത് പ്രസിഡന്റായി ട്രംപ് അധികാരമേല്‍ക്കുമ്പോള്‍ അത് ലോകക്രമത്തില്‍ വരുത്താനിടയുള്ള മാറ്റങ്ങള്‍ നിരവധിയാണ്. ആഗോളാടിസ്ഥാനത്തില്‍ ജനാധിപത്യ മൂല്യങ്ങള്‍ക്ക് തിരിച്ചടിയേല്‍ക്കുന്ന അവസരത്തില്‍തന്നെയാണ് ട്രംപിന്റെ വിജയവുമെന്നത് ഗൗരവതരമാണ്. യുദ്ധങ്ങള്‍ അവസാനിപ്പിച്ച് അമേരിക്കയെ മഹത്തായ രാജ്യമാക്കുമെന്ന് പ്രസിഡന്റായി വീണ്ടും തിരഞ്ഞെടുക്കപ്പെട്ടതിനുശേഷം നടത്തിയ പ്രസംഗത്തില്‍ ഡൊണാള്‍ഡ് ട്രംപ് വ്യക്തമാക്കിയിട്ടുണ്ടെങ്കിലും അത് എത്രത്തോളം ആത്മാര്‍ത്ഥമാണെന്ന് കണ്ടറിയണം.

ഡൊണാള്‍ഡ് ട്രംപ് വീണ്ടുമെത്തുമ്പോള്‍ ലോകത്ത് രണ്ട് സംഘര്‍ഷ മേഖലകളാണ് സമാധാനം കാത്തുകഴിയുന്നത്. അതിലൊന്ന് ഗസ്സയാണ്. ഗസ്സയില്‍ ഇസ്രാഈല്‍ നടത്തുന്ന കൂട്ടക്കുരുതിക്ക് അയവുവരുത്താന്‍ ട്രംപ് ശ്രമിക്കുമെന്ന് ആരും കരുതുന്നില്ല. മാത്രമല്ല. ഇസ്രാഈലിന് ആയുധങ്ങളും ആള്‍ ബലവും നല്‍കുന്നതില്‍ എന്നും അമേരിക്ക മുന്‍പിലാണെങ്കിലും ട്രംപിന്റെ വരവോടെ പ്രയാസകരമായ കാലത്തിലേക്കായിരിക്കും പശ്ചിമേഷ്യ കടന്നുപോകുക. ഇതുവരെ അനുഭവിച്ചതിനേക്കാള്‍ മോശമായിരിക്കും ഇനി വരാന്‍ പോകുന്നത്. ആദ്യതവണ പ്രസിഡന്റ് പദവിയില്‍ ആയിരിക്കെ ഇസ്രാഈല്‍ പ്രധാനമന്ത്രി ബെഞ്ചമിന്‍ നെതന്യാഹുവുമായി അടുത്ത ബന്ധം പുലര്‍ത്തിയ ട്രംപ് ഒരിക്കല്‍കൂടി വരുന്നതോടെ ഇസ്രാഈലിന്റെ ക്രൂരത കൂടുതല്‍ കടുക്കും. ലെബനാനിലേക്ക് പടര്‍ന്ന യുദ്ധം അവസാനിപ്പിക്കാന്‍ ആഭ്യന്തരമായും അന്തര്‍ദേശീയമായും സമ്മര്‍ദം നേരിടുന്ന നെതന്യാഹു ഇനി കൂടുതല്‍ ശക്തനാകും.

ട്രംപ് വിജയം അവകാശപ്പെട്ടതിനുശേഷം അദ്ദേഹത്തെ അഭിനന്ദിക്കാന്‍ നെതന്യാഹു തിടുക്കംകൂട്ടിയതും ശ്രദ്ധിക്കപ്പെടേണ്ടതാണ്. ട്രംപിന്റെ തിരഞ്ഞെടുപ്പിനെ ‘ചരിത്രത്തിലെ ഏറ്റവും വലിയ തിരിച്ചുവരവ്’ എന്ന് വിശേഷിപ്പിച്ച നെതന്യാഹു, ‘അമേരിക്കയുടെ ഒരു പുതിയ തുടക്കം’ എന്നും ‘ഇസ്രാഈലും അമേരിക്കയും തമ്മിലുള്ള മഹത്തായ സഖ്യത്തിനുള്ള ശക്തമായ പ്രതിബദ്ധത’ എന്നും വിശേഷിപ്പിച്ചു. 2016 മുതല്‍ 2020 വരെയുള്ള ട്രംപിന്റെ ആദ്യ നാല് വര്‍ഷത്തെ കാലളയവിലാണ് ഇസ്രാഈലിലെ യു.എസ് എംബസി ടെല്‍ അവീവില്‍നിന്ന് ജറുസലേമിലേക്ക് മാറ്റിയത്. ഇസ്രാഈലിനെ സംബന്ധിച്ച് ഇത് സുപ്രധാന നീക്കമായിരുന്നു. മുമ്പ് അമേരിക്കന്‍ പ്രസിഡന്റ് പദത്തിലിരുന്നപ്പോള്‍ ട്രംപ് എടുത്ത നിലപാടുകളെല്ലാം ഇസ്രാഈലിന് അനുകൂലമായിരുന്നു. ഫലസ്തീനികളുടെ കടുത്ത എതിര്‍പ്പിനിടയിലും തര്‍ക്ക നഗരമായ ജെറുസലേമിനെ ഇസ്രാഈല്‍ തലസ്ഥാനമായി അംഗീകരിക്കാന്‍ ട്രംപ് ഭരണകൂടം തയാറായി. ഐക്യരാഷ്ട്ര സഭയുടെ ഫലസ്തീന്‍ അഭയാര്‍ഥി സഹായ ഏജന്‍സിയായ യു.എന്‍.ആര്‍.ഡബ്ലു.എയുടേതടക്കം ഫലസ്തീനികള്‍ക്കുള്ള സഹായം വെട്ടിക്കുറച്ചു. അന്താരാഷ്ട്രതലത്തില്‍ പ്രതിഷേധമുയര്‍ന്നിട്ടും വെസ്റ്റ്ബാങ്കില്‍ അനധിക്യത ഇസ്രാഈല്‍ സെറ്റില്‍മെന്റുകള്‍ നിര്‍മിക്കുന്നതിനുനേരെ ട്രംപ് ഭരണകൂടം അവഗണന പുലര്‍ത്തി. ഇക്കഴിഞ്ഞ ജൂലൈയില്‍ ഇസ്രാഈലി പ്രധാനമന്ത്രി ബെഞ്ചമിന്‍ നെതന്യാഹുവുമായുള്ള കൂടിക്കാഴ്ചയില്‍ ഇസ്രാഈലിന്റെ വിജയം അത്യന്താപേക്ഷിതമാണെന്നാണ് ട്രംപ് പറഞ്ഞിരുന്നത്.

സമാധാനം കാക്കുന്ന മറ്റൊരു മേഖല യുക്രെയ്നാണ്. യുക്രെയ്ന്‍ തലസ്ഥാനമായ കാവ് പിടിക്കാന്‍ റഷ്യന്‍ സൈന്യം ഇരച്ചെത്തിയപ്പോള്‍ വ്‌ലാഡിമര്‍ സെന്‍സ്‌കിയും യുക്രെയ്‌നും പിടിച്ചുനിന്നത് നാറ്റോ നല്‍കിയ സൈനിക പ്രതിരോധ സഹായം കൊണ്ട് മാത്രമായിരുന്നു. നാറ്റോ അംഗമല്ലാതിരുന്നിട്ട് കൂടി യുക്രെയ്‌നിന് നാറ്റോ പ്രതിരോധ സഹായം നല്‍കുന്നതിനോട് ശക്തമായ വിയോജിപ്പ് പ്രകടമാക്കിയ നേതാവാണ് ഡൊണാള്‍ഡ് ട്രംപ്. യുക്രെയ്നിന് നാറ്റോ സഹായം നല്‍കി സൈനികമായി പിടിച്ചുനില്‍ക്കാന്‍ കെല്‍പ്പുണ്ടാക്കിയതിനോട് ട്രംപിന് എതിര്‍പ്പാണ്. റഷ്യന്‍ പ്രസിഡന്റ്‌റുമായി അദ്ദേഹത്തിനുള്ള അടുത്ത സൗഹ്യദത്തിന്റെ കൂടി പശ്ചാത്തലത്തില്‍ അമേരിക്കയുടെ നിലപാട് ഊഹിക്കാവുന്നതാണ്.

ട്രംപിന്റെ വിജയം ഇന്ത്യയെ സംബന്ധിച്ചും ശുഭ സൂചനയല്ല. സംഘപരിവാരങ്ങളും പ്രധാനമന്ത്രി നരേന്ദ്ര മോദിയും ആഹ്ലാദം പ്രകടിപ്പിക്കുന്നുണ്ടെങ്കിലും ഇന്ത്യയെ സംബന്ധിച്ചിടത്തോളം ട്രംപിന്റെ തിരിച്ചുവരവ് നിര്‍ണായകമായ പ്രത്യാഘതങ്ങള്‍ ഉണ്ടാക്കുമെന്ന് ഉറപ്പാണ്. ‘അമേരിക്ക ആദ്യം’ എന്നതാണ് ട്രംപിന്റെ നയം. ഇത് വിവര സാങ്കേതിക വിദ്യ, ഫാര്‍മ സ്യൂട്ടിക്കല്‍സ്, ടെക്സ്റ്റൈല്‍സ് തുടങ്ങിയ മേഖലകളില്‍ ഇന്ത്യക്ക് ഗുണകരമാകാനിടയില്ല. ട്രംപിന്റെ നയങ്ങള്‍ ഉയര്‍ന്ന താരിഫുകള്‍ക്കും വ്യാപാര സംഘര്‍ഷത്തിനും ഇടയാക്കുമെന്നും ആശങ്കയുണ്ട്. ഇന്ത്യക്ക് സാമ്പത്തിക ആഘാതം സ്യഷ്ടിച്ചേക്കാവുന്ന മേഖലകള്‍ ഏറെയുണ്ട്. അമേരിക്കയിലെ വര്‍ധിച്ച പലിശനിരക്ക് ഇന്ത്യയുടെ സമ്പദ് വ്യവസ്ഥയെ ബാധിക്കും. കുടിയേറ്റത്തെക്കുറിച്ചുള്ള ട്രംപിന്റെ നിലപാട് ഇന്ത്യന്‍ തൊഴിലാളികളെ, പ്രത്യേകിച്ച് എച്ച്1 ബി വിസയിലുള്ളവരെ ബാധിക്കും. അന്താരാഷ്ട്രതലത്തില്‍ ഇന്ത്യ അമേരിക്കന്‍ പക്ഷത്തേക്ക് കൂടുതല്‍ അടുക്കുന്നതോടെ ചൈനയുമായുള്ള ബന്ധങ്ങള്‍ സംഘര്‍ഷ നിര്‍ഭരമാകാനുള്ള സാധ്യതയുമുണ്ട്. ട്രംപിന്റെ നയ തീരുമാനങ്ങള്‍ പ്രവചനാതീതമായതിനാല്‍ ഇനി എന്തൊക്കെ സംഭവിക്കുമെന്ന് കണ്ടുതന്നെ അറിയണം.

 

Continue Reading

kerala

പാലക്കാട് തുടക്കം മുതൽ ഒടുക്കം വരെ പാളി സിപിഎം തന്ത്രം

Published

on

പാലക്കാട് നിയമസഭാ ഉപതെരഞ്ഞെടുപ്പിൽ തുടക്കത്തിൽ സംഭവിച്ച പാളിച്ച വിടാതെ പിന്തുടർന്ന് ഇടതുമുന്നണി. ഏറ്റവും ഒടുവിൽ യുഡിഎഫിന് എതിരായ കള്ളപ്പണ ആരോപണമാണ് മുന്നണിക്ക് തന്നെ തിരിച്ചടിയായത്. കള്ളപ്പണം വന്നുവെന്ന് സിപിഎം നേതൃത്വം പറയുമ്പോൾ അവരുടെ തന്നെ സ്വതന്ത്ര സ്ഥാനാർത്ഥി ഇത് തള്ളിക്കളയുന്നു. ഇതോടെ സ്ഥാനാർത്ഥിത്വം മുതൽ ഇടതുമുന്നണിക്ക് സംഭവിച്ച പാളിച്ച ഇപ്പോഴും തുടരുകയാണ്. ചൊവ്വാഴ്ച അർദ്ധരാത്രിയാണ് കോൺഗ്രസ് വനിതാ നേതാക്കളുടെ ഹോട്ടൽ മുറികളിൽ പോലീസ് പൊടുന്നനെ റെയ്ഡ് നടത്തിയത്. വനിതാ പോലീസ് സാന്നിധ്യമില്ലാതെ നടത്തിയ റെയ്ഡ് വലിയ പ്രതിഷേധം ക്ഷണിച്ചു വരുത്തിയിരുന്നു. തുടർന്ന് യുഡിഎഫ് ജില്ലാ നേതൃത്വം എസ്പി ഓഫീസിലേക്ക് മാർച്ച് നടത്തുകയും ചെയ്തു. ഇതോടെ വെട്ടിലായ പോലീസും സിപിഎം നേതൃത്വവും കോൺഗ്രസ് നേതാക്കൾ താമസിച്ച ഹോട്ടലിലേക്ക് ട്രോളി ബാഗിൽ പണം എത്തിച്ചെന്നായി ആരോപണം. ഇതിനായി അവർ യുഡിഎഫ് സ്ഥാനാർഥി രാഹുൽ മാങ്കുട്ടത്തിൽ സഹപ്രവർത്തകൻ ട്രോളി ബാഗുമായി ഹോട്ടലിലേക്ക് വരുന്ന ദൃശ്യം ചാനലുകൾക്ക് നൽകുകയും ചെയ്തു. ഇതിനകത്ത് പണം ആണെന്നായിരുന്നു അവകാശവാദം. എന്നാൽ പോലീസ് നടത്തിയ തിരച്ചിലിൽ യാതൊരു പണവും കണ്ടെത്താൻ കഴിഞ്ഞില്ലെന്ന് അവർ എഴുതി നൽകുകയും ചെയ്തു .ഇതോടെ പാളിച്ച പറ്റിയ സിപിഎം തന്ത്രം വീണ്ടും കുരുക്കിലായി. അവരുടെ സ്വന്തം സ്ഥാനാർത്ഥി ഡോ. സരിൻ തന്നെ സിപിഎം നേതൃത്വത്തിന്റെ ആരോപണം തള്ളിക്കളയുന്ന സ്ഥിതിയാണ് ഉണ്ടായിരിക്കുന്നത്. പണം ഇല്ലെന്നും പോലീസ് നടത്തിയ റെയ്ഡ് എൽഡിഎഫിനെതിരായ ഷാഫി പറമ്പിലിന്റെ തന്ത്രമാണെന്നും ആയിരുന്നു ആരോപണം .ഇതോടെ ഇടതുമുന്നണി പ്രചാരണ രംഗത്ത് തീർത്തും വെട്ടിലായി. സ്ഥാനാർത്ഥിയുടെ നിഗമനത്തോട് സിപിഎമ്മിന് യോജിപ്പില്ലെന്ന് അവരുടെ ജില്ലാ സെക്രട്ടറി തന്നെ പരസ്യമായി വെളിപ്പെടുത്തി.

ഇതോടെ കള്ളപ്പണം ആരോപണം വെറും ദുരാരോപണമായി മാത്രമായി വില വിലയിരുത്തപ്പെട്ടു. കോൺഗ്രസിൽ നിന്ന് പൊടുന്നനെ കാലുമാറിയ കെപിസിസി ഡിജിറ്റൽ മീഡിയ തലവൻ ഡോ. സരിനെ സ്ഥാനാർത്ഥിയാക്കിയതാണ് ഇടതുമുന്നണി ആദ്യമേ സംഭവിച്ച പാളിച്ച .പാർട്ടി അണികൾ കോൺഗ്രസ് വിമതനെ സ്വീകരിക്കാൻ ഇതുവരെയും തയ്യാറായിട്ടില്ല .പ്രചാരണം തീർത്തും മന്ദഗതിയിൽ ആയതോടെ സിപിഎമ്മിന്റെ പാലക്കാട്ടെ മന്ത്രി ആലോചിച്ചു ഉറപ്പിച്ച തന്ത്രമാണ് പൊളിഞ്ഞുപാളീസായത്. എ.എറഹീം എംപി. വി വി രാജേഷ് എന്നീ സിപിഎം നേതാക്കൾ ഹോട്ടൽ കേന്ദ്രീകരിച്ച് നടത്തിയ ഓപ്പറേഷൻ ആണ് അവരുടെ സ്ഥാനാർത്ഥിയുടെ തന്നെ പ്രസ്താവനയുടെ പൊളിഞ്ഞു പാളീസാ യിരിക്കുന്നത് .സിപിഎമ്മും ബിജെപിയും തമ്മിൽ നടത്തിയ ഡീലാണ് പാലക്കാട് കള്ളപ്പണം ആരോപണം എന്നാണ് യുഡിഎഫ് ആരോപിക്കുന്നത്. ബിജെപിക്കെതിരെ പ്രചാരണ രംഗത്ത് യാതൊന്നും പറയാൻ എൽഡിഎഫ് കൂട്ടാക്കുന്നുമില്ല.

ഇതോടെ രണ്ടാം സ്ഥാനത്തു നിന്ന് ബിജെപിയെ ഒന്നാം സ്ഥാനത്ത് എത്തിക്കാൻ സിപിഎം ശ്രമിക്കുന്നതാണ് പൊതുജനം വിലയിരുത്തുന്നത്. സരിനെ ഇരുപത്തിമൂന്നാം തീയതി ഫലത്തോടെ തീർത്തും കയ്യൊഴിയാനാണ് സിപിഎം നീക്കം .പ്രചാരണ സമയത്ത് സ്ഥാനാർത്ഥിക്കെതിരെ പരസ്യമായി യാതൊരു ഒന്നും പറയാൻ ഇപ്പോൾ സിപിഎം തയ്യാറല്ല. എന്നാൽ പാർട്ടി അണികളും വോട്ടർമാരും ഇവർക്കിടയിലെ അസ്വാരസ്യവും ആശയക്കുഴപ്പവും കണ്ട് അമ്പരക്കുകയാണ്.

കഴിഞ്ഞതവണ ബി.ജെ.പിയുടെ ഇ. ശ്രീധരനെതിരെ 3859 വോട്ടുകൾക്കാണ് ഷാഫി പറമ്പിൽ വിജയിച്ചത്. ഇത്തവണ ബിജെപിയുടെ സി.കൃഷ്ണകുമാർ അത്രയും വോട്ട് നേടില്ലെന്ന് ഉറപ്പായിട്ടുണ്ട് . സിപിഎമ്മിന്റെ പരോക്ഷസഹായം ബിജെപി തേടിയിരിക്കുന്നത് ന്യൂനപക്ഷ വോട്ടർമാരിൽ കടുത്ത അതിർത്തിയാണ് ഉണ്ടാക്കിയിരിക്കുന്നത്.

Continue Reading

Film

കയ്യില്‍ ചുരുട്ടുമായി അനുഷ്‌ക ഷെട്ടി; ‘ഖാടി’ ഫസ്റ്റ് ലുക്ക് പോസ്റ്റര്‍ പുറത്തിറക്കി അണിയറ പ്രവര്‍ത്തകര്‍

Published

on

ശക്തമായ വേഷങ്ങളിലൂടെ അമ്പരപ്പിക്കുന്ന നടിയാണ് അനുഷ്‌ക ഷെട്ടി. ഇപ്പോള്‍ താരത്തിന്റെ പുതിയ ചിത്രത്തിന്റെ ഫസ്റ്റ് ലുക്ക് പോസ്റ്ററാണ് ആരാധകരെ ഞെട്ടിച്ചിരിക്കുന്നത്. ക്രിഷ് ജാഗര്‍ലമുടി സംവിധാനം ചെയ്യുന്ന ഖാടിയുടെ പോസറ്ററാണ് പുറത്തുവന്നിരിക്കുന്നത്.

ആക്ഷന്‍ ത്രില്ലറായിരിക്കും ചിത്രം എന്ന് സൂചന നല്‍കുന്നതാണ് പോസ്റ്റര്‍. തലയില്‍ നിന്ന് ചോരയൊലിച്ച് നിറ കണ്ണുകളോടെ തീഷ്ണമായി നോക്കി നില്‍ക്കുന്ന അനുഷ്‌കയെ ആണ് പോസ്റ്ററില്‍ കാണുന്നത്. ചോരയൊലിച്ച കൈകളില്‍ ചുരുട്ടുമായാണ് താരം നില്‍ക്കുന്നത്. അനുഷ്‌കയുടെ പിറന്നാള്‍ ദിനത്തിലാണ് പോസ്റ്റര്‍ പുറത്തുവിട്ടത്.

മഹാറാണിക്ക് പിറന്നാള്‍ ആശംസകള്‍ എന്നാണ് പോസ്റ്ററിനൊപ്പം കുറിച്ചിരിക്കുന്നത്. തെലുങ്ക്, തമിഴ്, ഹിന്ദി, കന്നഡ, മലയാളം ഭാഷകളിലായാണ് ചിത്രം എത്തുക. സ്ത്രീകള്‍ക്ക് നേരെയുള്ള അക്രമങ്ങള്‍ക്കെതിരെയുള്ള പോരാട്ടമായിരിക്കും ചിത്രം എന്നാണ് സൂചന.

Continue Reading

Trending