ദമ്മാം: തൊഴില്‍ കുടിയേറ്റജീവിതം ആസ്പദമാക്കി പ്രവാസി എഴുത്തുകാരന്‍ ഹഫീസ് കോളക്കോടന്‍ എഴുതിയ പുസ്തകം ‘സീക്കോ തെരുവ്’ നാളെ ദമ്മാമില്‍ പ്രകാശനം ചെയ്യും. ദമ്മാം കെപ് വ കൂട്ടായ്മയാണ് പ്രകാശന ചടങ്ങുകള്‍ സംഘടിപ്പിക്കുന്നതെന്ന് സംഘാടകസമിതി വാര്‍ത്താസമ്മേളനത്തില്‍ അറിയിച്ചു.
മലപ്പുറം കീഴുപറമ്പ് പഞ്ചായത്തിലെ പ്രവാസികളുടെ പ്രാദേശിക കൂട്ടായ്മയാണ് കെപ് വ ദമ്മാം. ജീവകാരുണ്യ, സാമൂഹിക, സാംസ്‌കാരിക, കായിക രംഗത്ത് കഴിഞ്ഞ 23 വര്‍ഷമായി സൗദി അറേബ്യയിലെ കിഴക്കന്‍ പ്രവിശ്യയില്‍ നിറസാന്നിധ്യമാണ് കെപ് വ. ‘കെപ്വ’ അംഗവും എഴുത്തുകാരനുമായ ഹഫീസ് കോളക്കോടന്റെ പ്രഥമ കൃതിയാണ് സീക്കോ തെരുവ്. ഐപിഎച് പ്രസിദ്ധീകരിക്കുന്ന പുസ്തകത്തിന്റെ ജിസിസി തല പ്രകാശനമാണ് മെയ് 22 ന് വ്യാഴാഴ്ച ദമ്മാമില്‍ നടക്കുന്നത്.

വൈകിട്ട് എട്ടര മണിക്ക് ദമ്മാമിലെ റോസ് ഗാര്‍ഡന്‍ ഓഡിറ്റോറിയത്തില്‍ വെച്ച് മലബാരി ഗ്രൂപ്പ് സിഇ ഒ,കെ എം ബഷീര്‍ പുസ്തക പ്രകാശനം നിര്‍വ്വഹിക്കും. സഫ മെഡിക്കല്‍ ഗ്രൂപ്പ് എംഡി മുഹമ്മദ് കുട്ടി കോഡൂര്‍ ചടങ്ങുകള്‍ ഉത്ഘാടനം ചെയ്യും. ദമ്മാമിലെ സാമൂഹ്യ സാംസ്‌കാരിക സാഹിത്യ മേഖലയിലെ പ്രമുഖരും പങ്കെടുക്കും. പ്രവാസ ജീവിതത്തിന്റെ നേരും നൊമ്പരങ്ങളും വ്യത്യസ്തമായൊരു വീക്ഷണകോണിലൂടെ അവതരിപ്പിക്കുന്ന പുസ്തകത്തിന്റെ രചനാശൈലി മലയാളത്തില്‍ വേറിട്ടൊരു വായനാനുഭവമായിരിക്കുമെന്ന് പ്രകാശനസമിതി അവകാശപ്പെട്ടു.
വാര്‍ത്താസമ്മേളനത്തില്‍ കെപ് വ ചെയര്‍മാന്‍ ജൗഹര്‍ കുനിയില്‍, പ്രസിഡന്റ് വഹീദുറഹ്മാന്‍, സെക്രട്ടറി അനസ്, രക്ഷകധികാരികളായ ലിയാക്കത്തലി, അസ്ലം കോളക്കേടന്‍, ഷമീം കെഎം എന്നിവര്‍ സംബന്ധിച്ചു.

ലണ്ടന്‍: സാമൂഹിക പ്രവര്‍ത്തകയും കന്നഡ എഴുത്തുക്കാരിയുമായ ബാനു മുഷ്താഖിന്റെ ”ഹാര്‍ട്ട് ലാംപ്’ എന്ന കഥാ സമാഹാരത്തിനാണ് സമ്മാനം ലഭിച്ചത്. ദക്ഷിണേന്ത്യയിലെ മുസ്‌ലിം സമുദായത്തെ പശ്ചാത്തലമാക്കി എഴുതിയതാണിത്. കന്നഡയില്‍ എഴുതിയ കഥ ദീപ ബസ്തിയാണ് ഇംഗ്ലീഷിലേക്ക് പരിഭാഷ ചെയ്തത്. ഇവര്‍ മാധ്യമപ്രവര്‍ത്തകയാണ്. സമ്മാനതുകയായി അരലക്ഷം പൗണ്ട് ഏകദേശം 53 ലക്ഷം രൂപയാണ് ലഭിച്ചത്.
1990-2023 കാലത്തിനുള്ളില്‍ ബാനു എഴുതി തീര്‍ത്ത കഥകളാണ് ‘ഹാര്‍ട്ട് ലാംപ്’ എന്ന സമാഹാരത്തിലുള്ളത്. ആത്മകഥാംശമുള്ള കഥകള്‍ സ്ത്രീയനുഭവങ്ങളും നേര്‍സാക്ഷ്യമാണ് കഥയില്‍ കാണാനാവുക.

മറ്റു ഭാഷകളില്‍നിന്നും ഇംഗ്ലീഷിലേക്ക് പരിഭാഷ ചെയ്ത ബ്രിട്ടനിലും അയര്‍ലന്‍ഡിലും പ്രസിദ്ധീകരിക്കുന്ന നോവലുകള്‍ക്കാണ് അന്താരാഷ്ട്ര ബുക്കര്‍ സമ്മാനം നല്‍കുന്നത്. വൈവിധ്യമാര്‍ന്ന ഒരു ലോകം നമ്മുക്ക് ഉണ്ടെന്നും നിരവധി ശബ്ദങ്ങളെ സ്വീകരിക്കാന്‍ കഴിയുന്നതില്‍ സന്തോഷമുണ്ടെന്നും ബാനു മുഷ്താഖ് പറഞ്ഞു.

ഓപ്പറേഷന്‍ സിന്ദൂറിന്റെ നിര്‍ണ്ണായക വിവരങ്ങള്‍ പാകിസ്താന് കൈമാറിയതായി യൂട്യൂബര്‍ ജ്യോതി മല്‍ഹോത്രയ്‌ക്കെതിരെ ഗുരുതര കണ്ടെത്തല്‍. ബ്ലാക്ക് ഔട്ട് സംബന്ധിച്ച വിവരങ്ങള്‍ ചോര്‍ത്തി നല്‍കിയതായും കണ്ടെത്തല്‍.

പാക് എംബസി ഉദ്യോഗസ്ഥന്‍ ഡാനിഷുമായി ബന്ധം ഉണ്ടായിരുന്നതായും യുവതി ചോദ്യം ചെയ്യലില്‍ സമ്മതിച്ചു. ജ്യോതിയുടെ 3 മൊബൈല്‍ ഫോണുകളും ലാപ് ടോപ്പും ഫോറന്‍സിക് പരിശോധനക്ക് അയച്ചു. ഐഎസ്‌ഐ ഏജന്റ് അലി ഹസനുമായി ജ്യോതി വാട്‌സ് ആപ്പില്‍ നടത്തിയ രഹസ്യ സംഭാഷണങ്ങള്‍ കണ്ടെത്തി.

കൂടാതെ, യുവതിയുടെ ബാങ്ക് അക്കൗണ്ടിലേക്ക് ദുബായില്‍ നിന്നും പണം വന്നതായും കണ്ടെത്തി. നാല് ബാങ്ക് അക്കൗണ്ടുകളും പൊലീസ് പരിശോധിച്ച് വരുകയാണ്. പാകിസ്താന്‍ ഇന്റലിജന്‍സ് വിഭാഗത്തിലെ മൂന്ന് പേരുമായി ബന്ധമുണ്ടെന്ന് ജ്യോതി സമ്മതിച്ചതായ വിവരവും പുറത്തുവരുന്നു.

തനിക്ക് ഖേദമില്ലെന്നും താന്‍ തെറ്റ് ചെയ്തതായി വിശ്വസിക്കുന്നില്ലെന്നും ചെയ്തത് ന്യായമാണെന്നാണ് താന്‍ കരുതുന്നതെന്നും യുവതി ചോദ്യം ചെയ്യലിനിടയില്‍ മൊഴിനല്‍കിയെന്ന് അന്വേഷസംഘത്തിലെ ഉദ്യോഗസ്ഥനെ ഉദ്ധരിച്ച് മാധ്യമങ്ങള്‍ റിപ്പോര്‍ട്ട് ചെയ്തു.

സുരക്ഷാ ആശങ്കകള്‍ക്കിടയില്‍ ചില പ്രദേശങ്ങളിലെ മൊബൈല്‍, ഇന്റര്‍നെറ്റ് സേവനങ്ങള്‍ താല്‍ക്കാലികമായി നിര്‍ത്തിവച്ചിരുന്നു. ആ സമയങ്ങളിലും പാകിസ്താനിലെ ഇന്റലിജന്‍സ് വിഭാഗത്തിലെ മൂന്ന് പേരുമായി ജ്യോതി ബന്ധപ്പെട്ടിരുന്നുവെന്ന് സുരക്ഷാ ഉദ്യോഗസ്ഥര്‍ കണ്ടെത്തി.