തിരുവനന്തപുരം കിളിമാനൂരില്‍ ഷോക്കേറ്റ് ടെക്‌നീഷ്യന്‍ മരിച്ചു. റാപ്പര്‍ വേടന്റെ പരിപാടിക്കായി എല്‍ഇഡി ഡിസ്‌പ്ലേ സെറ്റ് ചെയ്യുന്ന ടെക്‌നീഷ്യനാണ് ഷോക്കേറ്റ് മരിച്ചത്.

ആറ്റിങ്ങല്‍ കോരാണി സ്വദേശി ലിജു ഗോപിനാഥാണ് (42) മരിച്ചത്. മൃതദേഹം കിളിമാനൂരിലെ സ്വകാര്യ ആശുപത്രിയില്‍ സൂക്ഷിച്ചിരിക്കുകയാണ്. ഉടന്‍ തന്നെ ചിറയിന്‍കീഴ് താലൂക്ക് ആശുപത്രിയിലേക്ക് മാറ്റും. പൊലീസ് സ്ഥലത്തെത്തി തുടര്‍നടപടികള്‍ സ്വീകരിച്ചു.

സംസ്ഥാനത്ത് നിപ സ്ഥിരീകരിച്ച് ആരോഗ്യ വകുപ്പ് മന്ത്രി വീണാ ജോര്‍ജ്. വളാഞ്ചേരി സ്വദേശിനിയായ 42കാരിക്കാണ് നിപ സ്ഥിരീകരിച്ചത്. യുവതി പെരിന്തല്‍മണ്ണ ആശുപത്രിയില്‍ വെന്റിലേറ്ററിലാണ്. യുവതിക്ക് മോണോക്ളോണല്‍ ആന്റി ബോഡി നല്‍കാന്‍ തീരുമാനിച്ചിട്ടുണ്ടെന്നും മന്ത്രി വ്യക്തമാക്കി. വളാഞ്ചേരി മുന്‍സിപ്പാലിറ്റിയുടെ മൂന്ന് കിലോമീറ്റര്‍ ചുറ്റളവില്‍ കണ്ടെയ്ന്‍മെന്റ് സോണാക്കുമെന്നും മന്ത്രി പറഞ്ഞു.

വളാഞ്ചേരി മുന്‍സിപ്പാലിറ്റി രണ്ടാം വാര്‍ഡിലാണ് രോഗിയുള്ളതെന്നും മൂന്ന് കിലോമീറ്റര്‍ ചുറ്റളവില്‍ കണ്ടെയ്ന്‍മെന്റ് സോണ്‍ ആക്കുമെന്നും മന്ത്രി പറഞ്ഞു. മാറാക്കര, എടയൂര്‍ പഞ്ചായത്ത് പരിധിയിലെ ചില പ്രദേശങ്ങളും കണ്ടെയ്ന്‍മെന്റ്റ് സോണില്‍ ഉള്‍പ്പെടും. കണ്ടെയ്ന്‍മെന്റ് സോണാക്കുന്നതുമായി ബന്ധപ്പെട്ട ഉത്തരവ് കളക്ടര്‍ പുറത്തിറക്കും. കോണ്ടാക്റ്റ് ഉള്ളവര്‍ ഐസലേഷന്‍ പാലിക്കണമെന്നും മന്ത്രി അറിയിച്ചു.

പേടിക്കേണ്ട സാഹചര്യം നിലവിലില്ലെന്നും ആരോഗ്യ വകുപ്പ് പരിശോധനയില്‍ മറ്റ് അസ്വാഭാവിക മരണങ്ങള്‍ കണ്ടെത്തിയിട്ടില്ലെന്നും മന്ത്രി വ്യക്തമാക്കി. അനാവശ്യ ആശുപത്രി സന്ദര്‍ശനങ്ങള്‍ ഒഴിവാക്കണമെന്നും രോഗികളെ കാണാന്‍ ആരും ആശുപത്രിയില്‍ പോകരുതെന്നും മന്ത്രി വീണാ ജോര്‍ജ് നിര്‍ദേശം നല്‍കി.

രണ്ട് ഹെല്‍പ് ലൈന്‍ നമ്പറുകളും ആരോഗ്യ വകുപ്പ് പുറത്ത് വിട്ടിട്ടുണ്ട്. 0483 2736320, 0483 2736326 എന്നിവയാണ് ഹെല്‍പ് ലൈന്‍ നമ്പറുകള്‍.

ഹൈബ്രിഡ് കഞ്ചാവ് കേസില്‍ നടന്‍ ശ്രീനാഥ് ഭാസിയടക്കം ആറുപേരെ സാക്ഷിയാക്കും. ചേര്‍ത്തല ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ രണ്ട് യുവതികളടക്കം നാലു പേര്‍കൂടി വ്യാഴാഴ്ച രഹസ്യമൊഴി നല്‍കി.

ഇതോടെ കേസില്‍ ആറുപേരെ സാക്ഷിയാക്കാന്‍ അന്വേഷണസംഘം തീരുമാനിക്കുകയായിരുന്നു. കഴിഞ്ഞദിവസം നടന്‍ ശ്രീനാഥ് ഭാസിയും മറ്റൊരു യുവാവും രഹസ്യമൊഴി നല്‍കിയിരുന്നു. എറണാകുളത്തെ തസ്‌ലീമ സുല്‍ത്താനയുടെ ഫ്‌ലാറ്റില്‍ കഞ്ചാവ് ഒളിപ്പിക്കാന്‍ സഹായിച്ച യുവതിയുടെയും ആലപ്പുഴയില്‍ കഞ്ചാവ് കടത്താന്‍ കാര്‍ വാടകക്ക് എടുക്കാന്‍ ആധാര്‍ നല്‍കിയ മറ്റൊരു യുവതിയുടെയും മൊഴിയാണ് രേഖ?പ്പെടുത്തിയത്.

ഹൈബ്രിഡ് കഞ്ചാവ് കൈയിലുണ്ടെന്നും വില്‍പന നടത്തണമെന്നും ആവശ്യപ്പെട്ടാണ് തസ്‌ലീമയുടെ ഭര്‍ത്താവ് സുല്‍ത്താന്‍ യുവാക്കളെ സമീപിച്ചത്.