നെയ്യാറ്റിന്‍കരയില്‍ ഗാന്ധിജിയുടെ കൊച്ചുമകന്‍ തുഷാര്‍ ഗാന്ധിയെ തടഞ്ഞ് ആര്‍എസ്എസ്-ബിജെപി പ്രവര്‍ത്തകര്‍. ഗാന്ധിയന്‍ ഗോപിനാഥന്‍ നായരുടെ പ്രതിമ അനാശ്ചാദന ചടങ്ങിനെത്തിയതായിരുന്നു അദ്ദേഹം. ചടങ്ങില്‍ സംസാരിച്ച തുഷാര്‍ ഗാന്ധി ബിജെപിയെയും ആര്‍എസ്സിനെയും വിമര്‍ശിച്ചു. ആര്‍എസ്എസും ബിജെപിയും രാജ്യത്തിന്റെ ആത്മാവിനെ ബാധിച്ചിരിക്കുന്ന ക്യാന്‍സര്‍ എന്ന പരാമര്‍ശമാണ് പ്രകോപനത്തിനിടയാക്കിയത്. പരിപാടിക്ക് ശേഷം പുറത്തിറങ്ങിയപ്പോഴായിരുന്നു പ്രതിഷേധം. നിലപാടില്‍ മാറ്റമില്ല എന്ന് അറിയിച്ചാണ് തുഷാര്‍ ഗാന്ധി മടങ്ങിയത്. ഗാന്ധിജിക്ക് ജയ് വിളിച്ചും തുഷാര്‍ ഗാന്ധി തിരികെ പ്രതിരോധിച്ചു.

നിലപാടില്‍ മാറ്റമില്ലെന്നു പറഞ്ഞ് ഗാന്ധിജിക്ക് ജയ് എന്നും ആര്‍.എസ്.എസ് മൂര്‍ദാബാദ് എന്നും വിളിച്ച് തുഷാര്‍ ഗാന്ധി മടങ്ങി.

കല്‍പ്പറ്റ: ബസില്‍ കഞ്ചാവുമായെത്തിയ യുവതി എക്സൈസ് പിടിയില്‍. മുത്തങ്ങ ചെക്ക് പോസ്റ്റില്‍ നടത്തിയ പരശോധനയിലാണ് വയനാട് വൈത്തിരി സ്വദേശിനി പ്രീതു ജി നായരെ കഞ്ചാവുമായി പിടികൂടിയത്. 45 ഗ്രാം കഞ്ചാവാണ് ഇവരുടെ കൈവശം ഉണ്ടായിരുന്നത്.

ഇന്ന് ഉച്ചക്ക് 1.30ഓടെ നടത്തിയ പരിശോധനയിലാണ് പ്രീതു ജി നായര്‍ പിടിയിലായത്. കെഎസ്ആര്‍ടിസി ബസില്‍ യുവതി കഞ്ചാവുമായി വരികയായിരുന്നു. മുത്തങ്ങ എക്സൈസ് ചെക്ക് പോസ്റ്റിസെ എക്സൈസ് ഇന്‍സ്പെക്ടര്‍ കെ ജെ സന്തോഷും സംഘവും ചേര്‍ന്നാണ് ചെക്ക് പോസ്റ്റില്‍ ബസ് തടഞ്ഞത്. തുടര്‍ന്ന് നടത്തിയ പരിശോധനയ്ക്കിടെ പരുങ്ങിയ പ്രീതുവിന്റെ കൈയ്യില്‍ കഞ്ചാവ് പൊതി കണ്ടെത്തുകയായിരുന്നു.

ജൂനിയര്‍ വിദ്യാര്‍ത്ഥികളെ മര്‍ദ്ദിക്കാന്‍ കാത്തുനിന്ന സീനിയര്‍ വിദ്യാര്‍ത്ഥികളെ പൊക്കി കോട്ടക്കല്‍ പൊലീസ്. സംഭവത്തില്‍ മരവട്ടം ഗ്രൈസ് വാലി കോളേജിലെ 19 സീനിയര്‍ വിദ്യാര്‍ത്ഥികളെ പൊലീസ് കരുതല്‍ തടങ്കലിലാക്കി.

ബുധനാഴ്ച വൈകുന്നേരം ആറരയോടെ പുത്തൂര്‍ ചിനക്കല്‍ ബൈപ്പാസ് റോഡിലെ കുറ്റിപ്പുറത്ത് കാവ് ജങഷനിലാണ് സംഭവം. ജൂനിയര്‍ വിദ്യാര്‍ത്ഥികള്‍ ഇതുവഴി കോളേജ് വിട്ട് വരുന്നതറിഞ്ഞ് വിദ്യാര്‍ത്ഥികള്‍ കൂടുകയായിരുന്നു.

രണ്ടു കാറും ആറ് ഇരുചക്രവാഹനങ്ങളു ബൈക്കുകളും പിടിച്ചെടുത്തു. വാഹനങ്ങളും പിടിച്ചെടുത്ത മൊബൈല്‍ ഫോണും കോടതിയില്‍ ഹാജരാക്കുമെന്നും ഇന്‍സ്‌പെക്ടര്‍ വിനോദ് വലിയാട്ടൂര്‍ അറിയിച്ചു.