india

കൊല്‍ക്കത്തയില്‍ ട്രെയിനി ഡോക്ടറെ പീഡിപ്പിച്ച് കൊലപ്പെടുത്തിയ കേസ്; ഇരയുടെ അഭിഭാഷകര്‍ കേസില്‍ നിന്ന് പിന്മാറി

ഇടപെടുന്ന ചില ഘടകങ്ങളും സാഹചര്യങ്ങളും കണക്കിലെടുത്താണ് പിന്മാറ്റത്തിന് കാരണമെന്നാണ് അഭിഭാഷക സംഘം വിശദമാക്കിയത്

Published

5 days ago

December 13, 2024

കൊല്‍ക്കത്ത: ആര്‍ ജി കര്‍ മെഡിക്കല്‍ കോളേജിലെ സെമിനാര്‍ ഹോളില്‍ ക്രൂരപീഡനത്തിനിരയായി ട്രെയിനി ഡോക്ടര്‍ കൊല്ലപ്പെട്ട കേസില്‍ നിന്ന് പിന്മാറി മുതിര്‍ന്ന അഭിഭാഷക വൃന്ദ ഗ്രോവര്‍. ഇരയായ പെണ്‍കുട്ടിയുടെ കുടുംബത്തെ വിചാരണ കോടതിയിലും കൊല്‍ക്കത്ത ഹൈക്കോടതിയിലും സുപ്രീം കോടതിയിലും പ്രതിനിധീകരിക്കുന്നതില്‍ നിന്നാണ് വൃന്ദ ഗ്രോവര്‍, സൌതീക് ബാനര്‍ജി, അര്‍ജുന്‍ ഗൂപ്ത് എന്നിവരടങ്ങിയ അഭിഭാഷസംഘമാണ്‌ പിന്മാറിയത്.

വ്യാഴാഴ്ചയാണ് വിചാരണക്കോടതി ഇക്കാര്യം വിശദമാക്കിയത്. ഇടപെടുന്ന ചില ഘടകങ്ങളും സാഹചര്യങ്ങളും കണക്കിലെടുത്താണ് പിന്മാറ്റത്തിന് കാരണമെന്നാണ് അഭിഭാഷക സംഘം വിശദമാക്കിയത്. 2024 സെപ്തംബര്‍ മുതല്‍ ഇരയായ പെണ്‍കുട്ടിയുടെ കുടുംബത്തെ പ്രതിഫലം പോലും വാങ്ങാതെയാണ് പ്രതിനിധീകരിച്ചതെന്ന് വൃന്ദ ഗ്രോവറുടെ ചേംബര്‍ വിശദമാക്കി.

2024 ഓഗസ്റ്റ് 9ലാണ് ആര്‍ ജി കര്‍ മെഡിക്കല്‍ കോളേജ് ആന്‍ഡ് ഹോസ്പിറ്റലിലെ സെമിനാര്‍ ഹോളില്‍ ക്രൂരപീഡനത്തിനിരയായി കൊല്ലപ്പെട്ട നിലയില്‍ ട്രെയിനി ഡോക്ടറെ കണ്ടെത്തിയത്. സംഭവത്തില്‍ വലിയ രീതിയിലുള്ള പ്രതിഷേധം ഉയര്‍ന്നതിന് പിന്നാലെ കൊല്‍ക്കത്ത ഹൈക്കോടതി കേസ് അന്വേഷണം സിബിഐയ്ക്ക് കൈമാറിയിരുന്നു. അതേസമയം കേസിന്റെ വിചാരണ ഒരു മാസത്തിനകം പൂര്‍ത്തിയാകുമെന്നാണ് സെന്‍ട്രല്‍ ബ്യൂറോ ഓഫ് ഇന്‍വെസ്റ്റിഗേഷന്‍ കഴിഞ്ഞ ചൊവ്വാഴ്ച്ച സുപ്രീം കോടതിയെ അറിയിച്ചിട്ടുള്ളത്.

Related Topics:lawyers drops out RG kar rape murder vrinda grover west bengal

Up Next

‘ഭരണഘടനയെ ദുര്‍ബലപ്പെടുത്താന്‍ കേന്ദ്രം എല്ലാ വഴികളും തേടുന്നു’; കന്നി പ്രസംഗത്തില്‍ ബിജെപിക്കും കേന്ദ്രത്തിനുമെതിരെ ആഞ്ഞടിച്ച് പ്രിയങ്കാഗാന്ധി

Don't Miss

കൂട്ടബലാത്സംഗ കേസ്; ബിജെപി എംഎല്‍എക്കെതിരെ കേസെടുക്കാന്‍ കോടതി ഉത്തരവ്

Click to comment

india

സഹായിക്കേണ്ട സമയത്ത് പണം ചോദിച്ചതില്‍ കേന്ദ്രസര്‍ക്കാരിനെ ശകാരിച്ച് ഹൈക്കോടതി

കേന്ദ്രത്തോട് അടിയന്തര ആവശ്യങ്ങള്‍ക്ക് എത്ര രൂപ നല്‍കാനാകുമെന്നും കോടതി ചോദിച്ചു.

Published

36 mins ago

December 18, 2024

webdesk17

രക്ഷപ്രവര്‍ത്തനത്തിനായി കേരളത്തോട് പണം ചോദിച്ചതില്‍ കേന്ദ്ര സര്‍ക്കാരിനെ വിമര്‍ശിച്ച് ഹൈക്കോടതി. കഴിഞ്ഞ വര്‍ഷങ്ങളിലെ ദുരന്തങ്ങളുടെ ചാര്‍ജുകള്‍ ഇപ്പോള്‍ ചോദിച്ചതിന് ഹൈകോടതി ആഭ്യന്തര മന്ത്രാലയത്തോട് വിശദീകരണം തേടി. അതേസമയം കേരളത്തിന് അടിയന്തര ആവശ്യങ്ങള്‍ക്ക് എത്ര രൂപ നല്‍കാനാകുമെന്നും കേന്ദ്രത്തോട് കോടതി ചോദിച്ചു.

132.62 കോടി രൂപ കേന്ദ്ര സര്‍ക്കാര്‍ രക്ഷാപ്രവര്‍ത്തനത്തിനായി ആവശ്യപ്പെട്ടതിനെതിരെയാണ് ഹൈക്കോടതി വിമര്‍ശിച്ചത്. 2016, 2017 വര്‍ഷങ്ങളിലെ ദുരന്തങ്ങളുടെ എയര്‍ലിഫ്റ്റിങ് ചാര്‍ജുകളാണ്് കേന്ദ്രം ആവശ്യപ്പെട്ടത്. ഇതിനെയാണ് േൈഹക്കാടതി വിമര്‍ശിച്ചത്.

ദുരന്ത നിവാരണ ചട്ടങ്ങളില്‍ അനിവാര്യമായ ഇളവുകള്‍ നല്‍കുന്നത് കേന്ദ്ര സര്‍ക്കാര്‍ പരിഗണിക്കണമെന്നും കോടതി നിര്‍ദേശം നല്‍കി. കേന്ദ്രത്തോട് അടിയന്തര ആവശ്യങ്ങള്‍ക്ക് എത്ര രൂപ നല്‍കാനാകുമെന്നും കോടതി ചോദിച്ചു. കേസ് അടുത്ത ജനുവരി 10 ന് വീണ്ടും പരിഗണിക്കും.

india

മുസ്‌ലിംകളെ അപരവത്കരിക്കുന്ന സര്‍ക്കാര്‍ നയങ്ങള്‍ ആശങ്കാജനകം: പി വി അബ്ദുല്‍ വഹാബ് എംപി

‘മുസ്‌ലിംങ്ങൾക്കും മറ്റ് പാർശ്വവൽക്കരിക്കപ്പെട്ട വിഭാഗങ്ങൾക്കും നീതിയും ന്യായമായ അവസരവും നല്‍കണം’

Published

1 hour ago

December 18, 2024

webdesk17

മുസ്‌ലിംകളെ അപരവത്കരിക്കുന്ന സർക്കാർ നയങ്ങൾ ആശങ്കാജനകമാണെന്ന് പി.വി. അബ്ദുൽ വഹാബ് എം.പി രാജ്യസഭയിൽ പറഞ്ഞു. സ്വതന്ത്ര ഇന്ത്യയിൽ ഭരണഘടനാ മൂല്യങ്ങളനുസരിച്ചു പ്രാക്ടീസ് ചെയ്യുന്ന മുസ്‌ലിമാണ് ഞാൻ. അതിലെനിക്ക് അഭിമാനമുണ്ട്. പക്ഷേ, ഇപ്പോൾ ഇന്ത്യയിലെ സ്ഥിതിഗതികൾ ആശങ്കാജനകമാണ്. ഇന്ത്യൻ ഭരണഘടന അംഗീകരിച്ചതിന്റെ 75-ാം വാർഷികത്തോടനുബന്ധിച്ച് നടന്ന ചർച്ചയിൽ രാജ്യസഭയിൽ സംസാരിക്കവെയാണ് അദ്ദേഹം ഇക്കാര്യം ചൂണ്ടിക്കാട്ടിയത്. 75 വർഷത്തെ സ്വയംഭരണം നടന്ന നമ്മുടെ രാജ്യത്തിന്റെ യാത്രയിൽ, ചരിത്രപരമായി പിന്നാക്കം നിൽക്കുന്ന പട്ടികജാതി-വർഗ വിഭാഗങ്ങളെ അപേക്ഷിച്ച് മുസ്‌ലിംകൾ ഏറ്റവും പിന്നാക്ക വിഭാഗങ്ങളിലൊന്നായി മാറിയെന്ന് അദ്ദേഹം പറഞ്ഞു.

ഇന്ത്യൻ ഭരണഘടന ഉറപ്പുനൽകുന്ന അവകാശങ്ങൾക്കും മൂല്യങ്ങൾക്കും വിരുദ്ധമായി, നിലവിലെ ഭരണം മുസ്‌ലിംകളുടെയും മറ്റ് ന്യൂനപക്ഷങ്ങളുടെയും സ്വാഭാവികവും മൗലികവും മതപരവുമായ അവകാശങ്ങളെ ലംഘിക്കുന്നു. നിലവിലെ സ്ഥിതി കണക്കിലെടുക്കുമ്പോൾ, അടുത്ത 25 വർഷത്തിനുള്ളിൽ ഭരണഘടനയുടെ 100-ാം വാർഷികം ആഘോഷിക്കുമ്പോൾ നമ്മുടെ രാജ്യത്തിന് എന്ത് സംഭവിക്കുമെന്ന് ഞാൻ ആത്മാർത്ഥമായി വേവലാതിപ്പെടുന്നു. ഗാന്ധി കുടുംബത്തിനെതിരെയുള്ള ഇപ്പോഴത്തെ സർക്കാരിന്റെ ആഖ്യാനം അന്യായമാണ് എന്ന് അദ്ദേഹം അഭിപ്രായപ്പെട്ടു. മോത്തിലാൽ നെഹ്‌റു മുതൽ ഇപ്പോൾ രാഹുൽ ഗാന്ധി വരെ, നെഹ്‌റു, ഇന്ദിരാഗാന്ധി, സഞ്ജയ് ഗാന്ധി, രാജീവ് ഗാന്ധി, സോണിയ ഗാന്ധി, പ്രിയങ്ക ഗാന്ധി തുടങ്ങി ഗാന്ധി കുടുംബത്തിലെ എല്ലാവരും തങ്ങളുടെ രക്തവും ജീവിതവും ജീവിതത്തിന്റെ മറ്റനേകം സുപ്രധാന വശങ്ങളും ഈ രാജ്യത്തിനായി നൽകിയിട്ടുണ്ട്. രാജ്യത്ത് ഗാന്ധി കുടുംബത്തിന്റെ ജനപ്രീതി ഒരു യാഥാർത്ഥ്യമാണ്. ഇത് അടുത്തിടെ വയനാട് മണ്ഡലത്തിൽ നിന്ന് മികച്ച ഭൂരിപക്ഷത്തോടെ പ്രിയങ്ക ഗാന്ധി നേടിയ വിജയത്തിലൂടെ വീണ്ടും തെളിയിക്കുകയുണ്ടായി.

നമ്മുടെ രാജ്യത്തിന്റെ 75 വർഷത്തെ ചരിത്രവും വർത്തമാനവും പരിശോധിച്ച് വിലയിരുത്തുന്നതിൽ ഗാന്ധി കുടുംബത്തെ കുറ്റപ്പെടുത്തുന്നതാണ് നമ്മുടെ മുൻഗണയും, മാനദണ്ഡവുമെങ്കിൽ കഴിഞ്ഞ 11 വർഷമായി ഈ രാജ്യം ഭരിക്കുന്ന നരേന്ദ്ര മോദിയുടെ എല്ലാ തെറ്റായ പ്രവർത്തനങ്ങൾക്കും നമ്മൾ ആരെയാണ്, ഏതു കുടുംബത്തെയാണ് കുറ്റപ്പെടുത്തുക എന്ന് അദ്ദേഹം ചോദിച്ചു. ഈ രാജ്യത്തിന്റെ സുരക്ഷയ്ക്കും ഭരണത്തിനും സർക്കാർ മുൻഗണന നൽകണം. മുസ്ലീങ്ങൾക്കും മറ്റ് പാർശ്വവൽക്കരിക്കപ്പെട്ട വിഭാഗങ്ങൾക്കും നീതിയും ന്യായമായ അവസരവും നൽകുകയും വിദ്വേഷ രാഷ്ട്രീയം ഉപയോഗിച്ച് ഭിന്നിപ്പിക്കുന്ന അജണ്ടകൾ പിന്തുടരുന്നത് അവസാനിപ്പിക്കുകയും വേണം. ഇന്ത്യൻ ജനസംഖ്യയുടെ വലിയൊരു ഭാഗം മുസ്‌ലിംങ്ങൾ ആയതിനാൽ തന്നെ, അവരെ ഒറ്റപ്പെടുത്തി ഈ രാഷ്ട്രം ഭരിക്കുക ഏതു ഭരണകൂടത്തിനും അസാധ്യമാണെന്നും അദ്ദേഹം പറഞ്ഞു.

india

ചെറുപ്പക്കാരുടെ ആകസ്മിക മരണനിരക്ക് വര്‍ദ്ധിക്കുന്നു: ഡോ എംപി അബ്ദുസ്സമദ് സമദാനി എംപി

‘സര്‍ക്കാര്‍ പഠനം നടത്തണം’

Published

1 hour ago

December 18, 2024

webdesk17

യൗവ്വനകാലത്ത് പൊടുന്നനെ മരണപ്പെടുന്നവരുടെ എണ്ണം വർദ്ധിച്ചുവരുന്ന ഗുരുതരമായ പ്രതിഭാസത്തെക്കുറിച്ച് ശാസ്ത്രീയവും പ്രാമാണികവുമായ പഠനങ്ങൾ നടത്താനും അതിന്റെ കാരണങ്ങൾ കണ്ടെത്തി യഥാസമയമുള്ള ചികിത്സ ഉറപ്പുവരുത്താനും കേന്ദ്രസർക്കാരിന്റെ അടിയന്തിര ഇടപെടൽ ആവശ്യപ്പെട്ടുകൊണ്ട് വിഷയം ഡോ. എം.പി. അബ്ദുസ്സമദ് സമദാനി ലോക്‌സഭയിൽ ഉന്നയിച്ചു. ഇത്തരം മരണങ്ങളുടെ നിരക്ക് കോവിഡ് കാലാനന്തരം കൂടിവരുന്നത് സാഹചര്യത്തിന്റെ ഗൗരവം വർദ്ധിപ്പിക്കുന്നതാണ്. മഹാമാരിയുടെയോ അതിന്റെ പ്രതിരോധ നടപടികളുടെയോ സ്വാധീനം ഈ സാഹചര്യത്തിന് പിറകിലുണ്ടോ എന്നത് അജ്ഞാതമാണെങ്കിലും അത്തരം കാര്യങ്ങളെക്കുറിച്ചെല്ലാം ശാസ്ത്രീയവും ഗവേഷണാത്മകവുമായ പഠനങ്ങൾ നടക്കേണ്ടതുണ്ട്.

ഒരു മുന്നറിയിപ്പോ ഏതെങ്കിലും രോഗത്തിന്റെ ലക്ഷണമോ കൂടാതെ ആകസ്മികമായി മരണപ്പെടുന്ന ചെറുപ്പക്കാരുടെ എണ്ണം വർദ്ധിച്ചുവരികയാണ്. നടക്കുമ്പോഴോ ഇരിക്കുമ്പോഴോ എന്തെങ്കിലും ജോലി ചെയ്തുകൊണ്ടിരിക്കുമ്പോഴോ പെട്ടെന്ന് മരണം സംഭവിക്കുന്ന നിരവധി സംഭവങ്ങളാണ് റിപ്പോർട്ട് ചെയ്യപ്പെട്ടുകൊണ്ടിരിക്കുന്നത്. മരണസംഖ്യാ നിരക്ക് മുതിർന്നവരുമായി താരതമ്യം ചെയ്യുമ്പോൾ സ്വതവെ തന്നെ ചെറുപ്പക്കാരിൽ കൂടുതലാണ്. ആട്രിയൽ ഫിബ്രിലേഷൻ തുടങ്ങിയ രോഗങ്ങളും വർദ്ധിക്കുന്നു. പെട്ടെന്നുള്ള മരണങ്ങളിലേക്ക് നയിക്കുന്ന രോഗകാരണങ്ങൾ സാധാരണ മെഡിക്കൽ ടെസ്റ്റുകൾ കൊണ്ട് നടത്താനാവില്ല. സി.ടി.പി ആൻഞ്ചിന പോലുള്ള ടെസ്റ്റുകൾ ചില രോഗങ്ങളുടെ നിർണ്ണയത്തിന് സഹായിക്കുമെങ്കിലും അത് വളരെ ചെലവുള്ള പരിശോധനയാണ്. അത്തരം മെഡിക്കൽ പരിശോധനകളും അതേ തുടർന്നുള്ള ചികിത്സകളും സാമ്പത്തികമായി ദുർബലരായവർക്ക് ലഭ്യമാക്കാനും സർക്കാർ നടപടി സ്വീകരിക്കണം. 377-ാം വകുപ്പ് അനുസരിച്ചുള്ള സബ്മിഷനിലൂടെയാണ് സമദാനി വിഷയം ലോക്‌സഭയിൽ ഉന്നയിച്ചത്.