ഹാഥറസില്‍ ബലാത്സംഗത്തിനിരയായി കൊല്ലപ്പെട്ട ദലിത് പെണ്‍കുട്ടിയുടെ കുടുംബത്തെ സന്ദര്‍ശിക്കാന്‍ ലോക്‌സഭാ പ്രതിപക്ഷ നേതാവ് രാഹുല്‍ ഗാന്ധി. രാജ്യത്തെ നടുക്കിയ ഒന്നായിരുന്നു 2020ല്‍ ഹാഥറസില്‍ ദലിത് പെണ്‍കുട്ടി കൂട്ടബലാത്സംഗത്തിനിരയായ സംഭവം. സഹോദരിയും വയനാട് എം.പിയുമായ പ്രിയങ്ക ഗാന്ധിയും രാഹുലിന് ഒപ്പമുണ്ട്. സംഭല്‍ സംഘര്‍ഷത്തില്‍ കൊല്ലപ്പെട്ടവരുടെ കുടുംബത്തെ സന്ദര്‍ശിക്കാനെത്തിയ രാഹുലിനെയും പ്രിയങ്കയെയും അധികൃതര്‍ തടഞ്ഞിരുന്നു.

അതിനിടെ, രാഹുല്‍ ഗാന്ധിയുടെ സന്ദര്‍ശനത്തിനെതിരെ യു.പി ഉപമുഖ്യന്ത്രി ബ്രജേഷ് പഥക് രംഗത്തുവന്നു. കലാപം ആളിക്കത്തിക്കാനും ജനങ്ങളെ പ്രകോപിപ്പിക്കാനുമാണ് രാഹുലിന്റെ ശ്രമം. സന്ദര്‍ശനം യു.പിയെ വീണ്ടും കുഴപ്പത്തിലാക്കുമെന്നും പഥക് ആരോപിച്ചു. ഹാഥറസ് കേസില്‍ സി.ബി.ഐ അന്വേഷണം പൂര്‍ത്തിയാക്കി റിപ്പോര്‍ട്ട് സമര്‍പ്പിച്ചതാണ്. ആ സംഭവം ഇപ്പോള്‍ കോടതിയുടെ പരിഗണനയിലാണ്. രാഹുല്‍ ഗാന്ധിയെ തെറ്റിദ്ധരിപ്പിച്ചിരിക്കുകയാണെന്നും പഥക് പറഞ്ഞു.

ഉത്തര്‍ പ്രദേശിലെ വികസനവും നിയമപരിപാലനവും മറ്റു സംസ്ഥാനങ്ങള്‍ക്ക് മാതൃകയാവുന്ന രീതിയിലേക്ക് വളര്‍ന്നു കഴിഞ്ഞു. അതെല്ലാം തടസ്സപ്പെടുത്തുകയും സംസ്ഥാനത്തെ കലാപത്തിലേക്ക് തള്ളിവിടുകയുമാണ് രാഹുലിന്റെ ലക്ഷ്യം. അത്തരം പ്രവര്‍ത്തനങ്ങളില്‍ നിന്ന് അകന്നു നില്‍ക്കണം. അനാവശ്യമായ പ്രകോപനങ്ങളാല്‍ രാജ്യം തളര്‍ന്നിരിക്കുകയാണെന്നും യു.പി ഉപമുഖ്യമന്ത്രി കൂട്ടിച്ചേര്‍ത്തു.

എന്നാല്‍ രാഹുലിന്റെ സന്ദര്‍ശനത്തെ പിന്തുണച്ച് കോണ്‍ഗ്രസ് രംഗത്തുവന്നു. ഇരകള്‍ക്ക് നീതി തേടിക്കൊടുക്കുക എന്ന പ്രതിജ്ഞാബദ്ധയുടെ പുറത്താണ് രാഹുലിന്റെയും പ്രിയങ്കയുടെയും സന്ദര്‍ശനമെന്നും കോണ്‍ഗ്രസ് വ്യക്തമാക്കി. ജനങ്ങളുടെ നേതാക്കളാണ് രാഹുലും പ്രിയങ്കയും. എവിടെ അനീതിയുണ്ടായാലും അവിടെയൊക്കെ ഇരകള്‍ക്കൊപ്പമാണ് രാഹുലും പ്രിയങ്കയും നിലകൊണ്ടത്. -കോണ്‍ഗ്രസ് ജില്ലാ പ്രസിഡന്റ് ചന്ദ്രഗുപ്ത വിക്രമാദിത്യ പറഞ്ഞു. 2020 സെപ്റ്റംബര്‍ 14നാണ് ഹാഥറസിലെ ദലിത് പെണ്‍കുട്ടി കൂട്ടബലാത്സംഗത്തിനിരയായത്. ഗുരുതരമായി പരിക്കേറ്റ പെണ്‍കുട്ടി സെപ്റ്റംബര്‍ 29ന് മരണപ്പെടുകയും ചെയ്തു. ഈ സംഭവത്തിനെതിരെ രാജ്യവ്യാപകമായ വലിയ രീതിയില്‍ പ്രതിഷേധങ്ങള്‍ നടന്നിരുന്നു.

സി.ബി.ഐ അന്വേഷണത്തില്‍ നാലുപേര്‍ക്കെതിരെ കുറ്റം ചുമത്തി. പ്രതികളിലൊരാളായ സന്ദീപിനെ എസ്.സി/എസ്.ടി നിയമപ്രകാരം പ്രത്യേക കോടതി ജീവപര്യന്തം തടവിന് ശിക്ഷിക്കുകും 50,000 രൂപ പിഴ ചുമത്തുകയും ചെയ്തു. അതോടൊപ്പം മറ്റ് മൂന്ന് പ്രതികളെയും കോടതി കുറ്റവിമുക്തരാക്കുകയും ചെയ്തു. പ്രതികളെ വെറുതെ വിട്ട കോടതി വിധിക്കെതിരെ പെണ്‍കുട്ടിയുടെ കുടുംബം ഹൈകോടതിയെ സമീപിച്ചു. ഗ്രാമത്തിന് പുറത്ത് താമസ സൗകര്യം നല്‍കണമെന്നും കുടുംബത്തിലെ ഒരാള്‍ക്ക് സര്‍ക്കാര്‍ ജോലി വേണമെന്നും ആവശ്യപ്പെട്ടിട്ടും സര്‍ക്കാര്‍ ഇതുവരെ അതൊന്നും ചെവിക്കൊണ്ടിട്ടില്ല.

പെര്‍ത്ത്: ഓസ്‌ട്രേലിയക്കെതിരായ ഏകദിന പരമ്പരയില്‍ ഇന്ത്യ തോല്‍വി വഴങ്ങിയെങ്കിലും 51 വര്‍ഷത്തെ ചരിത്രത്തില്‍ ആദ്യമായി വനിതാ ക്രിക്കറ്റില്‍ ലോക റെക്കോര്‍ഡിട്ട് ഇന്ത്യയുടെ സൂപ്പര്‍ വുമണ്‍ സ്മൃതി മന്ദാന. ഓസ്‌ട്രേലിയക്കെതിരായ മൂന്നാം ഏകദിനത്തില്‍ സെഞ്ചുറി നേടിയതോടെ ഒരു വര്‍ഷ കാലയിളവില്‍ ഏറ്റവും കൂടുതല്‍ ഏകദിന സെഞ്ചുറികള്‍ നേടുന്ന വനിതാ താരമെന്ന റെക്കോര്‍ഡാണ് സ്മൃതി സ്വന്തമാക്കിയത്.

ഓസ്‌ട്രേലിയക്കെതിരായ സെഞ്ചുറിയിലൂടെ ഒരു വര്‍ഷം മൂന്ന് സെഞ്ചുറികള്‍ നേടിയിട്ടുള്ള ഓസ്‌ട്രേലിയന്‍ താരം ബെലിന്‍ഡ ക്ലാര്‍ക്ക്, ന്യൂസിലന്‍ഡിന്റെ സോഫി ഡിവൈന്‍, ആമി സാറ്റര്‍വൈറ്റ്, ഓസ്‌ട്രേലിയയുടെ മെഗ് ലാനിങ്, ദക്ഷിണാഫ്രിക്കയുടെ ലോറ വോള്‍വാര്‍ഡ്, പാകിസ്ഥാന്‍ഖെ സിദാറ അമീന്‍ എന്നിവരുടെ റെക്കോര്‍ഡാണ് മന്ദാന തിരുത്തിയെഴുതി. സ്മൃതി ഈ വര്‍ഷം നേടുന്ന ഏകദിനങ്ങളിലെ നാലാമത്തെ സെഞ്ചുറിയാണിത്. കരിയറിലെ ഒമ്പതാം ഏകദിന സെഞ്ചുറിയാണ് ഇന്നലെ ഓസ്‌ട്രേലിയക്കെതിരെ മന്ദാന നേടിയെടുത്തത്.

രാ​ജ്യ​സ​ഭ ഏ​റ്റ​വും കൂ​ടു​ത​ൽ അ​ല​​ങ്കോ​ല​മാ​ക്കു​ന്ന​ത് ചെ​യ​ർ​മാ​ൻ ജ​ഗ്ദീ​പ് ധ​ൻ​ഖ​ർ ആ​ണെ​ന്നും സ്വ​ന്തം പ്ര​മോ​ഷ​നു​വേ​ണ്ടി സ​ർ​ക്കാ​ർ വ​ക്താ​വി​ന്റെ പ​ണി​യാ​ണ് ഉ​പ​രാ​ഷ്​​ട്ര​പ​തി എ​ടു​ക്കു​ന്ന​തെ​ന്നും രാ​ജ്യ​സ​ഭാ പ്ര​തി​പ​ക്ഷ നേ​താ​വ് മ​ല്ലി​കാ​ർ​ജു​ൻ ഖാ​ർ​ഗെ. പ്ര​തി​പ​ക്ഷ​ത്തി​ന്റെ സം​ര​ക്ഷ​ണം ഏ​റ്റെ​ടു​ക്കേ​ണ്ട ചെ​യ​ർ​മാ​ൻ അ​വ​ർ​ക്കു​ള്ള സ​മ​യം പോ​ലും അ​പ​ഹ​രി​ച്ച് വേ​ലി​ത​ന്നെ വി​ള​വ് തി​ന്നു​ന്ന സാ​ഹ​ച​ര്യ​മൊ​രു​ക്കി​യെ​ന്നും ഖാ​ർ​ഗെ കു​റ്റ​പ്പെ​ടു​ത്തി. രാ​ജ്യ​ത്തി​ന്റെ അ​ന്ത​സ്സി​ടി​ക്കു​ന്ന ഇ​ത്ത​രം ന​ട​പ​ടി​ക​ൾ കാ​ര​ണ​മാ​ണ് അ​ദ്ദേ​ഹ​ത്തെ നീ​ക്കം ചെ​യ്യാ​നു​ള്ള നോ​ട്ടീ​സ് ന​ൽ​കേ​ണ്ടി വ​ന്ന​തെ​ന്ന് കോ​ൺ​​സ്റ്റി​റ്റ്യൂ​ഷ​ൻ ക്ല​ബി​ൽ ഇ​ൻ​ഡ്യ സ​ഖ്യം വി​ളി​ച്ചു​ചേ​ർ​ത്ത വാ​ർ​ത്ത​സ​മ്മേ​ള​ന​ത്തി​ൽ ഖാ​ർ​ഗെ വ്യ​ക്ത​മാ​ക്കി.

സ​ർ​ക്കാ​റി​നെ പു​ക​ഴ്ത്തി​യും സ്വ​യം ആ​ർ.​എ​സ്.​എ​സി​ന്റെ ഏ​ക​ല​വ്യ​നാ​യി വി​ശേ​ഷി​പ്പി​ച്ചും ക​ഴി​ഞ്ഞ മൂ​ന്ന് വ​ർ​ഷ​മാ​യി ജ​ഗ്ദീ​പ് ധ​ൻ​ഖ​ർ ത​ന്റെ പ​ദ​വി​യു​ടെ മ​ഹ​ത്വം ക​ള​യു​ക​യാ​ണ്. പ്ര​തി​പ​ക്ഷ നേ​താ​ക്ക​ളെ എ​തി​രാ​ളി​ക​ളാ​യി​ക്ക​ണ്ട് അ​വ​രെ ഹീ​ന​മാ​യ ത​ര​ത്തി​ൽ അ​ദ്ദേ​ഹം അ​പ​മാ​നി​ക്കു​ക​യാ​ണ്. പ്ര​തി​പ​ക്ഷ നേ​താ​ക്ക​ൾ അ​ഞ്ച് മി​നി​റ്റ് സം​സാ​രി​ക്കു​മ്പോ​ൾ 10 മി​നി​റ്റ് അ​ദ്ദേ​ഹ​ത്തി​ന്റെ പ്ര​സം​ഗം കേ​ൾ​ക്ക​ണം. പ്ര​തി​പ​ക്ഷം ഗൗ​ര​വ​മേ​റി​യ വി​ഷ​യ​മു​ന്ന​യി​ക്കു​മ്പോ​ൾ അ​ത് ച​ർ​ച്ച​യാ​കാ​തി​രി​ക്കാ​ൻ പ​ക്ഷ​പാ​ത​പ​ര​മാ​യി പെ​രു​മാ​റു​ന്നു. ദീ​ർ​ഘ​കാ​ല അ​നു​ഭ​വ​ജ്​​ഞാ​ന​മു​ള്ള പാ​ർ​ല​മെ​ന്റേ​റി​യ​ന്മാ​രെ ഹെ​ഡ്മാ​സ്റ്റ​ർ എ​ന്ന പോ​ലെ പാ​ഠം പ​ഠി​പ്പി​ക്കു​ന്നു.

രാ​ജ്യ​ത്തി​ന്റെ ച​​രി​ത്ര​ത്തി​ൽ ഇ​ന്നു​വ​രെ ഒ​രു ഉ​പ​രാ​ഷ്ട്ര​പ​തി​യെ​യും നീ​ക്കം ചെ​യ്യാ​നു​ള്ള നോ​ട്ടീ​സ് ന​ൽ​കി​യി​ട്ടി​ല്ല. എ​ന്നാ​ൽ, ഭ​ര​ണ​ഘ​ട​ന നി​ല​വി​ൽ വ​ന്ന​തി​ന്റെ 75ാം വാ​ർ​ഷി​ക വേ​ള​യി​ൽ ച​ട്ടം ലം​ഘി​ച്ച് രാ​ഷ്​​​ട്രീ​യം ക​ളി​ക്കു​ന്ന പ​ക്ഷ​പാ​തി​യാ​യ രാ​ഷ്ട്ര​പ​തി​ക്കെ​തി​രെ നോ​ട്ടീ​സ് ന​ൽ​കേ​ണ്ടി വ​ന്നു​വെ​ന്ന് ഖാ​ർ​ഗെ ചൂ​ണ്ടി​ക്കാ​ട്ടി.

ഖാ​ർ​ഗെ​യെ ശ​രി​വെ​ച്ച് ധ​ൻ​ഖ​റി​നെ പു​റ​ത്താ​ക്കാ​നു​ള്ള നീ​ക്ക​ത്തെ പി​ന്തു​ണ​ച്ച് തൃ​ണ​മൂ​ൽ കോ​ൺ​ഗ്ര​സ്, എ​സ്.​പി, ഡി.​എം.​കെ, ആ​ർ.​ജെ.​ഡി, കേ​ര​ള കോ​ൺ​ഗ്ര​സ്, ഇ​ട​തു​പാ​ർ​ട്ടി​ക​ൾ, എ​ൻ.​സി.​പി എ​ന്നി​വ​യു​ടെ നേ​താ​ക്ക​ളും വാ​ർ​ത്ത​സ​മ്മേ​ള​ന​ത്തി​നെ​ത്തി.