ഉപജില്ലാ കലോല്‍സവത്തിലെ കോല്‍ക്കളി വിഡിയോ വൈറലായതിനെ തുടര്‍ന്ന് പ്ലസ് വണ്‍ വിദ്യാര്‍ഥിയുടെ പല്ല് അടിച്ചുകൊഴിച്ച സീനിയര്‍ വിദ്യാര്‍ത്ഥികള്‍ക്കെതിരെ കേസ്. കോഴിക്കോട് കുറ്റ്യാടി ഹയര്‍സെക്കന്‍ഡറി സ്‌കൂളിലെ പ്ലസ് ടു വിദ്യാര്‍ത്ഥികളാണ് പ്ലസ് വണ്‍ വിദ്യാര്‍ത്ഥിയെ മര്‍ദിച്ചത്. സംഭവത്തില്‍ 12 പേര്‍ക്കെതിരെ പൊലീസ് ജാമ്യമില്ലാ വകുപ്പുകള്‍ പ്രകാരം കേസടുത്തു.

സ്‌കൂള്‍ വിട്ട് വീട്ടിലേക്ക് തിരിച്ചു പോകുന്നതിനിടെ ചൊവ്വാഴ്ച ഇരുപതോളം സീനിയര്‍ വിദ്യാര്‍ത്ഥികള്‍ ചേര്‍ന്ന് മര്‍ദിച്ചുവെന്നാണ് ആക്രമണത്തിന് ഇരയായ ഇഷാമിന്റെ ആരോപണം.

പരിക്കേറ്റ വിദ്യാര്‍ത്ഥിയെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. കുന്നുമ്മല്‍ ഉപജില്ലാ സ്‌കൂള്‍ കലോത്സവത്തല്‍ കോല്‍ക്കളിയില്‍ മത്സരിച്ച പ്ലസ് വണ്‍ വിദ്യാര്‍ത്ഥികള്‍ വിഡിയോ ഇന്‍സ്റ്റഗ്രാമില്‍ റീലായി പോസ്റ്റ് ചെയ്തതാണ് സംഭവത്തിനി കാരണം. ഈ റീലിനു കാഴ്ചക്കാര്‍ കൂടിയതോടെ ഇത് പിന്‍വലിക്കാര്‍ സീനിയര്‍ വിദ്യാര്‍ത്ഥികള്‍ ആവശ്യപ്പെട്ടെങ്കിലും ജൂനിയേഴ്സ് സമ്മിതിച്ചില്ല. ഇതേചൊല്ലി വിദ്യാര്‍ത്ഥികള്‍ സ്‌കൂള്‍ ഗ്രൗണ്ടില്‍ വച്ച് സംഘര്‍ഷമുണ്ടായി.

സംഭവവുമായി 14 വിദ്യാര്‍ഥികളെ അന്വേഷണ വിധേയമായി സ്‌കൂളില്‍നിന്നും മാറ്റി നിര്‍ത്താന്‍ തീരുമാനിച്ചതായി പ്രിന്‍സിപ്പല്‍ അറിയിച്ചു.

ആലപ്പുഴ: വനിത ശിശു ആശുപത്രിക്കെതിരെ വീണ്ടും പരാതിയുമായി റെയില്‍വെ വാര്‍ഡ് സ്വദേശികളായ വിഷ്ണുവും അശ്വതിയും. പ്രസവത്തില്‍ കുഞ്ഞിന്റെ കൈക്ക് ചലന ശേഷി നഷ്ടപ്പെട്ടയിനെ തുടര്‍ന്നാണ് പരാതി.കഴിഞ്ഞ ദിവസം ആരോപണം നേരിട്ട ഡോക്ടര്‍ പുഷ്പക്ക് എതിരെയാണ് കുടുംബം പൊലീസില്‍ പരാതി നല്‍കിയത്.ആറു മാസത്തിനുള്ളില്‍ ഭേദമാകും എന്ന് ഡോക്ടര്‍ ഉറപ്പു നല്‍കിയിരുന്നെങ്കിലും ഒരു വര്‍ഷമായിട്ടും ചലന ശേഷി തിരിച്ച് കിട്ടിയില്ല.

ഒരു വര്‍ഷം മുന്നെയാണ് വനിതാ ശിശു ആശുപത്രിയില്‍ വിഷ്ണുവിന്റെ ഭാര്യ അശ്വതി കുട്ടിയ്ക്ക് ജന്മം നല്‍കിയത്. കുട്ടിയുടെ വലതു കൈക്ക് ചലനശേഷി നഷ്ടപ്പെട്ടെന്ന കാര്യം ആദ്യം മറച്ചുവെച്ചു. മാതാപിതാക്കള്‍ സംശയമുന്നയിച്ചതോടെയാണ് വിവരം അറിയിക്കുന്നത്. നിലവില്‍ കോയമ്പത്തൂരിലെ സ്വകാര്യ ആശുപത്രിയിലാണ് ചികിത്സ. മൂന്ന് മാസത്തിനുള്ളില്‍ മാറ്റമില്ലെങ്കില്‍ ശസ്ത്രക്രിയ വേണമെന്നാണ് ഡോക്ടര്‍മാര്‍ അറിയിച്ചിരിക്കുന്നതെന്ന് കുടുംബം പറഞ്ഞു. സംഭവത്തില്‍ വനിത ശിശു ആശുപത്രിയിലെ ഡോക്ടര്‍ക്ക് എതിരെ നടപടി വേണമെന്നും ആവശ്യപെട്ടിട്ടുണ്ട്. ഡിവൈഎസ്പിക്കും ആരോഗ്യമന്ത്രിക്കും കുടുംബം പരാതി നല്‍കിയിട്ടുണ്ട്.

കഴിഞ്ഞ ദിവസം വനിത ശിശു ആശുപത്രിക്കെതിരെ പുറത്ത് വന്ന വാര്‍ത്തയ്ക്ക് പിന്നാലെയാണ് പുതിയ വെളിപ്പെടുത്തലുമായി ദമ്പതികള്‍ രംഗത്തെത്തിയത്. അനീഷ്, സുറുമി ദമ്പതികളുടെ മൂന്നാമത്തെ കുട്ടിയാണ് അസാധരണ വൈകല്യത്തോടെ ജനിച്ചത്. അസാധരണ വൈകല്യങ്ങളുമായി ജനിച്ച കുഞ്ഞിന്റെ മുഖം സാധാരണ രൂപത്തിലായിരുന്നില്ല. തുറക്കാന്‍ കഴിയാത്ത വായ, സ്ഥാനം തെറ്റിയ, തുറക്കാത്ത കണ്ണ്, ഹൃദയത്തിന് ദ്വാരം തുടങ്ങിയ വൈകല്യങ്ങളോടെ ജനിച്ച ശിശുവിന് ജനനേന്ദ്രിയം ഉണ്ടെങ്കിലും സാരമായ വൈകല്യമാണുള്ളതെന്നാണ് ദമ്പതികള്‍ വ്യക്തമാക്കുന്നത്.

കര്‍ണാടകയിലെ ബംഗലൂരു ഇന്ദിരാനഗര്‍ റോയല്‍ ലിവിങ്സ് അപ്പാര്‍ട്ട്മെന്റില്‍ അസം സ്വദേശിനിയെ കൊലപ്പെടുത്തിയ കേസില്‍ ഒളിവിലായിരുന്ന മലയാളി യുവാവ് പിടിയില്‍. കണ്ണൂര്‍ സ്വദേശി ആരവിനെയാണ് പൊലീസ് പിടികൂടിയത്. ഉത്തരേന്ത്യയില്‍ നിന്നാണ് പൊലീസ് ഇയാളെ കസ്റ്റഡിയിലെടുത്തത്.

കൊലപാതകത്തിന് ശേഷം രാവിലെ 8.25 ഓടെ കാര്‍ വിളിച്ച് മെജസ്റ്റിക് റെയില്‍വേ സ്റ്റേഷനിലേക്ക് പോകുന്നതിന്റെ സിസിടിവി ദൃശ്യങ്ങള്‍ പുറത്തു വന്നിരുന്നു. ആ സമയം സ്റ്റേഷനില്‍ നിന്നും ഉത്തരേന്ത്യയിലേക്ക് മാത്രമായിരുന്നു ട്രെയിനുകള്‍ ഉണ്ടായിരുന്നത്. ഇതു പ്രകാരം അന്വേഷണം പ്രതിയിലേക്കെത്താന്‍ എളുപ്പമാവുകയായിരുന്നു.

പ്രതിയെ ഇന്നു തന്നെ ബംഗലൂരുവിലെത്തിക്കുമെന്ന് പൊലീസ് അരിയിച്ചു. ഈ മാസം 26 നാണ് അപ്പാര്‍ട്ട്മെന്റിലെ മുറിയില്‍ അസം സ്വദേശി മായ ഗൊഗോയിയുടെ മൃതദേഹം കണ്ടെത്തിയത്. 23 ന് ഇരുവരും മുറിയെടുത്തിരുന്നു. കൊല്ലപ്പെട്ട മായ ഗൊഗോയി വ്ലോഗര്‍ കൂടിയാണ്.