Connect with us

kerala

വയനാട്ടില്‍ ഇന്ന് യുഡിഎഫ് ഹര്‍ത്താല്‍

രാവിലെ ആറു മുതല്‍ വൈകിട്ട് ആറു വരെയാണ് ഹര്‍ത്താല്‍.

Published

on

മുണ്ടക്കൈ – ചൂരല്‍മല ഉരുള്‍പൊട്ടല്‍ ദേശീയ ദുരന്തമായി പ്രഖ്യാപിക്കാത്തതിലും ദുരന്തബാധിതരുടെ പുനരധിവാസം വൈകുന്നതിലും പ്രതിഷേധിച്ചാണ് കേന്ദ്ര -സംസ്ഥാന സര്‍ക്കാരുകള്‍ക്കെതിരെ യുഡിഎഫ് ഹര്‍ത്താല്‍ പ്രഖ്യാപിച്ചത്. രാവിലെ ആറു മുതല്‍ വൈകിട്ട് ആറു വരെയാണ് ഹര്‍ത്താല്‍. കല്‍പ്പറ്റ, മാനന്തവാടി, സുല്‍ത്താന്‍ ബത്തേരി മേഖലകളിലെ പോസ്റ്റ് ഓഫീസുകളിലേക്ക് രാവിലെ യുഡിഎഫ് മാര്‍ച്ച് നടത്തും.

വാഹനങ്ങള്‍ റോഡിലിറക്കാതെയും കടകളടച്ചും ഹര്‍ത്താലിനോട് സഹകരിക്കണമെന്ന് ഇരു മുന്നണികളുടെയും ആഹ്വാനം ചെയ്തു. ഉരുള്‍പൊട്ടല്‍ ദുരന്തത്തിലെ വീഴ്ചകളില്‍ കേന്ദ്ര-സംസ്ഥാന സര്‍ക്കാരുകള്‍ക്കെതിരെയാണ് യുഡിഎഫിന്റെ പ്രതിഷേധ ഹര്‍ത്താല്‍.

പൊലീസ് സംരക്ഷണത്തില്‍ ദീര്‍ഘദൂര ബസ്സുകള്‍ സര്‍വീസ് നടത്തുമെന്ന് കെഎസ്ആര്‍ടിസി അറിയിച്ചിട്ടുണ്ട്. അവശ്യ സര്‍വീസുകളെ ഹര്‍ത്താലില്‍ നിന്ന് ഒഴിവാക്കിയിട്ടുണ്ട്.

സംസ്ഥാനത്തിന് പ്രത്യേക സാമ്പത്തിക സഹായം അനുവദിക്കാത്തതിലും ഉരുള്‍പ്പൊട്ടല്‍ ദേശീയ ദുരന്തമായി പ്രഖ്യാപിക്കാത്തതിലും പ്രതിഷേധിച്ച് എല്‍ഡിഎഫും ഹര്‍ത്താല്‍ പ്രഖ്യാപിച്ചിരുന്നു. വിവിധ രാഷ്ട്രീയ പാര്‍ട്ടികളും സംഘടനകളും ഹര്‍ത്താലിന് പിന്തുണ പ്രഖ്യാപിച്ചിട്ടുണ്ട്.

ഹര്‍ത്താലിനോടനുബന്ധിച്ച് കേന്ദ്രസര്‍ക്കാര്‍ ഓഫിസുകള്‍ക്ക് മുന്നില്‍ യുഡിഎഫ് ധര്‍ണ നടത്തും.

 

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

കുറുവ സംഘാംഗമെന്ന സംശയത്തില്‍ കസ്റ്റഡിയിലെടുത്തയാളെ പൊലീസ് വിട്ടയച്ചു

കുറുവ സംഘാംഗം സന്തോഷ് സെല്‍വന്റെ ബന്ധുവാണ് ഇയാള്‍.

Published

on

മോഷണക്കേസുമായി ബന്ധപ്പെട്ട് കുറുവ സംഘത്തിലുള്ള ആളാണെന്ന സംശയത്തില്‍ കസ്റ്റഡിയിലെടുത്ത മണികണ്ഠനെ പൊലീസ് വിട്ടയച്ചു. മോഷണത്തില്‍ ഇയാള്‍ക്ക് പങ്കുണ്ടെന്ന് തെളിവില്ലെന്ന് കണ്ടെത്തിയതിനെ തുടര്‍ന്ന് പൊലീസ് വിട്ടയക്കുകയായിരുന്നു. എന്നാല്‍ കുറുവ സംഘാംഗം സന്തോഷ് സെല്‍വന്റെ ബന്ധുവാണ് ഇയാള്‍.

മണികണ്ഠന്റെ ഫോണ്‍ രേഖകള്‍ പൊലീസ് പരിശോധിച്ചിരുന്നു. ആലപ്പുഴയില്‍ മോഷണം നടന്ന ദിവസങ്ങളില്‍ മണികണ്ഠന്‍ കേരളത്തില്‍ ഉണ്ടായിരുന്നില്ലെന്നാണ് പൊലീസ് കണ്ടെത്തല്‍. ഇയാള്‍ തമിഴ്‌നാട്ടില്‍ ആയിരുന്നതായാണ് വിവരം.

അതേസമയം കുറുവ സംഘത്തിന് മണികണ്ഠന്റെ ബാഹ്യ സഹായം ലഭിച്ചിട്ടുണ്ടോ എന്ന് പൊലീസ് സംശയിക്കുന്നു. ആവശ്യപ്പെടുമ്പോള്‍ മരട് സ്റ്റേഷനില്‍ ഹാജരാകണമെന്ന് പൊലീസ് നിര്‍ദേശിച്ചിട്ടുണ്ട്.

Continue Reading

kerala

ഇന്ദിരാഗാന്ധിയെ പ്രശംസിച്ച് സന്ദീപ് വാര്യർ

ഇന്ന് ബംഗ്ലാദേശിലെ പ്രശ്നങ്ങൾക്ക് പരിഹാരം കാണാത്ത മോദി സർക്കാരിനെയും വാര്യർ വിമർശിച്ചു.

Published

on

മുൻ പ്രധാനമന്ത്രി ഇന്ദിരാഗാന്ധി നടത്തിയ മികച്ച ഇടപെടലാണ് ബംഗ്ലാദേശിൻ്റെ സ്വാതന്ത്ര്യത്തിന് വഴിവെച്ചതെന്ന് ബി.ജെ.പി വിട്ട് കോൺഗ്രസിലെത്തിയ സന്ദീപ് വാര്യർ. ഇന്ന് ബംഗ്ലാദേശിലെ പ്രശ്നങ്ങൾക്ക് പരിഹാരം കാണാത്ത മോദി സർക്കാരിനെയും വാര്യർ വിമർശിച്ചു.

സന്ദീപിൻ്റെ ഫെയ്സ്ബുക് പോസ്റ്റ് :

ഭാരതത്തിൻ്റെ ഉരുക്കു വനിത ഇന്ദിരാഗാന്ധിയെ അവരുടെ 107 മത് ജന്മദിനത്തിൽ സ്മരിക്കുന്നു. അമേരിക്കൻ വെല്ലുവിളികളെ തൃണവൽഗണിച്ച് 1971 ൽ നേടിയ ഉജ്ജ്വലമായ ബംഗ്ലാദേശ് വിമോചന യുദ്ധവിജയം മാത്രം മതി ഇന്ദിരാഗാന്ധിയുടെ നിശ്ചയദാർഢ്യം തെളിയിക്കാൻ. ഇന്ന് ബംഗ്ലാദേശിലെ പ്രശ്നങ്ങളിൽ ഇടപെടാൻ സാധിക്കാതെ അന്തം വിട്ടിരിക്കുന്നവർക്ക് ഇന്ദിരാഗാന്ധിയെ ആക്ഷേപിക്കാൻ ഒരു അർഹതയുമില്ല.”

Continue Reading

kerala

ആലപ്പുഴയില്‍ മുയലിന്റെ കടിയേറ്റ് റാബിസ് വാക്‌സിനെടുത്ത വീട്ടമ്മ മരിച്ചു

വളര്‍ത്തു മുയലിന്റെ കടിയേറ്റതിനെത്തുടര്‍ന്ന് ഇവര്‍ റാബിസ് വാക്‌സിന്‍ കുത്തിവെയ്പ്പ് എടുത്തിരുന്നു. എ

Published

on

ആലപ്പുഴ തകഴിയില്‍ മുയലിന്റെ കടിയേറ്റതിനെ തുടര്‍ന്ന് റാബിസ് വാക്‌സിനെടുത്ത വീട്ടമ്മ മരിച്ചു. തകഴി കല്ലേപുറത്ത് ശാന്തമ്മ (63) യാണ് മരിച്ചത്. വളര്‍ത്തു മുയലിന്റെ കടിയേറ്റതിനെത്തുടര്‍ന്ന് ഇവര്‍ റാബിസ് വാക്‌സിന്‍ കുത്തിവെയ്പ്പ് എടുത്തിരുന്നു. എന്നാല്‍ ഇതിനുശേഷം ശരീരം തളര്‍ന്ന് കിടപ്പിലാവുകയായിരുന്നു.

ഒക്ടോബര്‍ 21 നാണ് ശാന്തമ്മയ്ക്ക് മുയലിന്റെ കടിയേല്‍ക്കുന്നത്. തുടര്‍ന്ന് അമ്പലപ്പുഴ അര്‍ബന്‍ ഹെല്‍ത്ത് സെന്ററിലും തുടര്‍ന്ന് മെഡിക്കല്‍ കോളജ് ആശുപത്രിയിലും ചികിത്സ തേടി. എന്നാല്‍ ആലപ്പുഴ മെഡിക്കല്‍ കോളേജ് ആശുപത്രിയില്‍ നിന്നും ആന്റി റാബീസ് വാക്‌സിനെടുത്തതിനെത്തുടര്‍ന്ന് ഇവരുടെ ശരീരം തളര്‍ന്നിരുന്നു.

മൂന്നാമത്തെ ഡോസ് എടുത്തതോടെ ഇവര്‍ കുഴഞ്ഞുവീണ് തീവ്ര പരിചരണ വിഭാഗത്തിലേക്ക് മാറ്റിയിരുന്നു. എന്നാല്‍ ആശുപത്രി വിട്ട് വീട്ടില്‍ കഴിയവെയാണ് മരിച്ചത്. സംഭവത്തില്‍ കുടുംബം അമ്പലപ്പുഴ പൊലീസിനും ആശുപത്രി സൂപ്രണ്ടിനും പരാതി നല്‍കി.

 

Continue Reading

Trending