FOREIGN

എം.എ ജമാൽ സാഹിബ്‌ വിയോഗം; കണ്ണീരണിഞ്ഞ്‌ പ്രവാസലോകവും

Published

1 year ago

December 25, 2023

മസ്കത്ത്‌ : മുസ്ലിം ലീഗ്‌ സംസ്ഥാന പ്രവർത്തക സമിതി അംഗവും, വിദ്യഭ്യാസപ്രവർത്തകനും വയനാട്‌ മുസ്ലിം യതീംഖാനയുടെ കാര്യദർശ്ശിയുമായ എം.എ മുഹമ്മദ്‌ ജമാലിന്റെ വിയോഗത്തിൽ കണ്ണീരണിഞ്ഞ്‌ പ്രവാസ ലോകവും. 1948ൽ സ്ഥാപിതമായ വയനാട്‌ മുസ്ലിം യതീംഖാന ജനകീയവൽക്കരിച്ചതിൽ‌ പ്രധാന പങ്കു വഹിച്ച നേതാവായിരുന്നു മുഹമ്മദ്‌ ജമാൽ.

പിന്നോക്ക ജില്ലയായിരുന്ന വയനാട്‌ ജില്ലയുടെ എല്ലാ പ്രദേശങ്ങളിലും ഓർഫനേജിന്‌ കീഴിൽ നിരവധി വിദ്യഭ്യാസ സ്ഥാപനങ്ങൾ ഇന്ന് പ്രവർത്തിക്കുന്നുണ്ട്‌. വയനാട്‌ ജില്ലയിൽ വിദ്യഭ്യാസ വിപ്ലവത്തിന്‌ നേതൃത്വം കൊടുത്ത വിദ്യഭ്യാസ പ്രവർത്തകനായിരുന്നു എം.എ മുഹമ്മദ്‌ ജമാൽ. ദീർഘകാലം വയനാട്‌ ജില്ലയിലെ മുസ്ലിം ലീഗിന്റെ അദ്ധ്യക്ഷനും, നിലവിൽ ജില്ലാ മുസ്ലിം ലീഗിന്റെ വൈസ്‌ പ്രസിഡണ്ടുമായിരുന്നു.

അശരണർക്ക്‌ ആശ്രയവും ആരുമില്ലാത്ത യതീമുകൾക്ക്‌ തണലായും ഒരു മഹാവൃക്ഷം കണക്കെ വളർന്ന വയനാട്‌ മുസ്ലിം ഓർഫനേജ്‌ നാനാജാതി മതസ്ഥരിൽ നിന്നുമുള്ള യുവതീയുവാക്കൾക്ക്‌ മംഗല്യമൊരുക്കുന്ന പദ്ധതി ആവിഷ്കരിച്ചതും ഏറെ ജനകീയമായിരുന്നു. രണ്ട്‌ സയൻസ്‌ കോളേജുകളും, ആർട്സ്‌ കോളേജുകളും ഹൈസ്കൂളുകളും, ഇംഗ്ലീഷ്‌ മീഡിയം സ്കൂളുകളും, ഖുർആൻ, അറബിക്‌ കോളേജുകളുമായി വയനാട്‌ ജില്ലയുടെ മുഖച്ഛായ മാറ്റിയത്‌ ഡബ്ല്യു. എം.ഓ ആണ്‌.

മുസഫറാബാദ്‌ ഉൾപ്പെടെയുള്ള ഇന്ത്യയുടെ പലഭാഗങ്ങളിലും നിന്നുമുള്ള അനാഥബാല്യങ്ങളെ അനാഥത്വത്തിന്റെ നിറം നൽകാതെ വളർത്തിയ ജമാൽ സാഹിബ്‌ ജമാൽ ഉപ്പ എന്ന് വിളിക്കപ്പെട്ടത്‌ അദ്ദേഹത്തിന്റെ നിസ്വാർത്ഥമായ കാഴ്ചപ്പാടുകളായിരുന്നു.

ഒമാനിലെ പ്രവാസികളുമായി ഉറ്റബന്ധം സൂക്ഷിച്ചിരുന്ന വ്യക്തിയായിരുന്നു എം.എം മുഹമ്മദ്‌ ജമാൽ എന്നതു കൊണ്ട്‌ തന്നെ കഴിഞ്ഞ ദിവസം റുവിയിൽ മസ്കത്ത്‌ കെ.എം.സി.സിയും ഡബ്ല്യു. എം.ഒ വെൽഫെയർ കമ്മറ്റിയും സംയുക്തമായി നടത്തിയ അനുശോചന യോഗത്തിൽ നിരവധി ആളുകളാണ്‌ പങ്കെടുത്തത്‌. വിവിധ സംഘടനാ പ്രധിനിതികൾ ജമാൽ സാഹിബിനെ അനുസ്മരിച്ചു സംസാരിച്ചു. അദ്ദേഹവുമായി അഭേദ്യമായ ബന്ധം സൂക്ഷിച്ചവരിൽ പലരും വാക്കുകൾ കിട്ടാതെ പ്രഭാഷണം അവസാനിപ്പിച്ചു.

റുവി ഹാഫാഹൗസ്‌ ഹോട്ടലിൽ നടന്ന സംഗമം മസ്കത്ത്‌ കെ എം സി സി ട്രഷറർ പി.ടി.കെ ഷമീർ നിയന്ത്രിച്ചു. കേന്ദ്ര കമ്മറ്റി ആക്ടിംഗ്‌ സെക്രട്ടറി അഷ്രഫ്‌ കിണവക്കൽ, ഒ ഐ സി സി സീനിയർ നേതാവ്‌ സിദ്ധീഖ്‌ ഹസ്സൻ, അഷ്രഫ്‌ കേളോത്ത്‌(ഡബ്ല്യു. എം.ഒ) ഫസലു കതിരൂർ(കെ.ഇ.എ) അബ്ദുൽ അസീസ്‌ വയനാട്‌(വെൽഫെയർ പാർട്ടി) അൻവർ ഹാജി( മസ്കത്ത്‌ സുന്നി സെന്റർ) നൗഷാദ്‌ (വിസ്ഡം) മുഹമ്മദ്‌ വാണിമേൽ, റിയാസ്‌ വയനാട്‌, ലുക്‌മാനുൽ ഹക്കീം പാലക്കാട്‌, മുഹമ്മദ്‌ ഷാ കൊല്ലം, സെയ്ദാലിക്കുട്ടി, റഫീഖ്‌ ശ്രീകണ്ഠാപുരം, സാദിഖ്‌ മത്ര, അബ്ദുൽ അസീസ്‌ സഹം തുടങ്ങിയവർ സംസാരിച്ചു. ഹാഷിം ഫൈസി പ്രാർത്ഥനക്ക്‌ നേതൃത്വം നൽകി.

Related Topics:diaspora MA Jamal Sahib muscat passed away tears

Up Next

‘മാധ്യമങ്ങൾക്ക് കൂച്ചുവിലങ്ങിടുന്നതിനെതിരെ യെച്ചൂരി ഡൽഹിയിൽ സമരം ചെയ്യുന്നു, ഇവിടെ കേസെടുക്കുന്നു’; കെ.പി.എ മജീദ്

Don't Miss

ചാലക്കുടി എസ്ഐക്കെതിരെ ഭീഷണി പ്രസംഗം; എസ്.എഫ്.ഐ കേന്ദ്ര കമ്മറ്റിയംഗം ഹസന്‍ മുബാറക്കിനെതിരെ കേസെടുത്തു

Click to comment

FOREIGN

സൗദിയില്‍ ഒരാഴ്ചക്കിടെ 23,194 അനധികൃത താമസക്കാരെ പിടികൂടി

അറസ്റ്റിലായവരില്‍ 13,083 റസിഡന്‍സി നിയമം ലംഘിച്ചവരും 6,210 അതിര്‍ത്തി സുരക്ഷാ നിയമം ലംഘിച്ചവരും 3,901 തൊഴില്‍ നിയമം ലംഘിച്ചവ രും ഉള്‍പ്പെടുന്നു.

Published

2 weeks ago

December 31, 2024

webdesk13

റിയാദ്: സൗദി അറേബ്യയുടെ വിവിധ പ്രദേശങ്ങളില്‍നിന്ന് കഴിഞ്ഞ ഒരാഴ്ചയ്ക്കിടെ 23,194 അന ധികൃത താമസക്കാരെ സൗദി സുരക്ഷാ സേന അറസ്റ്റ് ചെയ്തു.

അറസ്റ്റിലായവരില്‍ 13,083 റസിഡന്‍സി നിയമം ലംഘിച്ചവരും 6,210 അതിര്‍ത്തി സുരക്ഷാ നിയമം ലംഘിച്ചവരും 3,901 തൊഴില്‍ നിയമം ലംഘിച്ചവ രും ഉള്‍പ്പെടുന്നു. രാജ്യത്തേക്ക് അതിര്‍ത്തി കടക്കാന്‍ ശ്രമിക്കുന്നതിനിടെ 1,536 പേരാണ് പിടിയിലായത്.

ഇതില്‍ 41 ശതമാനം യമന്‍ പൗരന്മാരും 57 ശതമാനം എത്യോപ്യന്‍ പൗരന്മാരും രണ്ട് ശതമാനം മറ്റ് രാജ്യ ങ്ങളില്‍ നിന്നുള്ളവരുമാണ്. അനധികൃതമായി രാജ്യം വിടാന്‍ ശ്രമിച്ച 57 പേരെയും അറസ്റ്റ് ചെയ്തിട്ടുണ്ട്.

നിയമലംഘകരെ കടത്തിവിടുകയും അഭയം നല്‍കുകയും ജോലിക്ക് നിയമിക്കുകയും ചെയ്ത 23 പേരെ പിടികൂടുകയുണ്ടായി.

21,843 നിയമലംഘകരെ യാത്രാ രേഖകള്‍ ലഭിക്കുന്നതിന് അവരുടെ എം ബസ്സികളുമായി ബന്ധപ്പെടുത്തിയിട്ടുണ്ട്. 4025 നിയമലംഘകരെ യാത്രാ ടിക്കറ്റുകള്‍ ശരിയാക്കന്നതിന് പ റഞ്ഞിട്ടുണ്ട്. 9,904 നിയമലംഘകരെ ഇതിനകം നാടുകടത്തുകയും ചെയ്തു.

നിയമവിരുദ്ധമായി രാജ്യത്തേക്ക് പ്രവേശനത്തിന് സൗകര്യമൊരുക്കുകയോ, അഭയമോ മറ്റേതെ ങ്കിലും സഹായമോ സേവനമോ നല്‍കുന്നവര്‍ക്ക് 15 വര്‍ഷം വരെ തടവും പിഴയും ലഭിക്കുമെന്ന് ആഭ്യന്തര മന്ത്രാലയം മുന്നറിയിപ്പ് നല്‍കി.

ദശലക്ഷം റിയാല്‍ വരെ പിഴയും ഗതാഗതത്തിന് ഉപയോഗിക്കുന്ന വാഹന ങ്ങളും അഭയം നല്‍കാന്‍ ഉപയോഗിക്കുന്ന വീടുകളും കണ്ടുകെട്ടുമെന്ന് അഭ്യന്തര മന്ത്രാലയം ശക്തമായ മുന്നറിയിപ്പ് നല്‍കി.

ഏതെങ്കിലും നിയമലംഘനങ്ങളെക്കുറിച്ചു അറിയുന്നവര്‍ മക്ക, റിയാദ്, കിഴക്കന്‍ പ്ര വിശ്യ എന്നിവിടങ്ങളില്‍ 911 എന്ന നമ്പരിലും രാജ്യത്തിന്റെ മറ്റ് പ്രദേശങ്ങളിലെ 999, 996 എന്നീ നമ്പരുകളി ലും റിപ്പോര്‍ട്ട് ചെയ്യണമെന്ന് മന്ത്രാലയം പൊതുജനങ്ങളോട് അഭ്യര്‍ത്ഥിച്ചു.

FOREIGN

വയനാടിന് കൈത്താങ്ങായി സഊദി അൽ ബിർ വിദ്യാർത്ഥികൾ

Published

4 months ago

September 24, 2024

webdesk13

ദമ്മാം: വയനാട് ദുരിതബാധിതർക്ക് വീട് ഒരുക്കുന്ന സമസ്ത വിദ്യാഭ്യാസ ബോർഡിന്റെ അൽബിർ സ്ഥാപനങ്ങളുടെ ബൈത്തുൽ -ബിർ പദ്ധതിയിലേക്ക് കൈത്താങ്ങായി തുഖ്ബാ എസ് ഐ സി അൽബിർ സ്കൂളിലെ വിദ്യാർഥികൾ.

നാഷണൽ ഡേയുടെ ഭാഗമായുള്ള പരിപാടിയിലാണ് കുരുന്നുകൾ സമാഹരിച്ച് തുക കൈമാറിയത്. സ്കൂൾ ഹെഡ് ഷഹല ടീച്ചർ ,ഷിൽന ടീച്ചർ, റസീന വഫിയ്യ, റഷ്നാ ടീച്ചർ സക്കീയ്യ ടീച്ചർ, ഹസീബ ടീച്ചർ എന്നിവർ പങ്കെടുത്തു.

FOREIGN

ഹജ്ജ് 2025: അപേക്ഷ സമർപ്പിക്കാനുള്ള അവസാന തിയ്യതി 2024 സെപ്തംബർ 30 വരെ നീട്ടി

ഇതുവരെ കേരള സംസ്ഥാന ഹജ്ജ് കമ്മിറ്റി മുഖേന 2025 ഹജ്ജിന് 18,835 ഓൺലൈൻ അപേക്ഷകൾ ലഭിച്ചിട്ടുണ്ട്.

Published

4 months ago

September 23, 2024

webdesk13

2025 വർഷത്തെക്കുള്ള ഓൺലൈൻ ഹജ്ജ് അപേക്ഷാ സമർപ്പണത്തിനുള്ള അവസാന തിയ്യതി സെപ്തംബർ 30 വരെ നീട്ടിയതായി കേന്ദ്ര ഹജ്ജ് കമ്മിറ്റി സർക്കുലർ നമ്പർ 6 പ്രകാരം അറിയിച്ചിരിക്കുന്നു.

ഇതുവരെ കേരള സംസ്ഥാന ഹജ്ജ് കമ്മിറ്റി മുഖേന 2025 ഹജ്ജിന് 18,835 ഓൺലൈൻ അപേക്ഷകൾ ലഭിച്ചിട്ടുണ്ട്. ഇതിൽ 3768 അപേക്ഷകൾ 65+ വയസ്സ് വിഭാഗത്തിലും, 2077 അപേക്ഷകൾ ലേഡീസ് വിതൗട്ട് മെഹ്റം45+ (പുരുഷ മെഹ്റമില്ലാത്തവർ) വിഭാഗത്തിലും 12,990 അപേക്ഷകൾ ജനറൽ വിഭാഗത്തിലുമാണ് ലഭിച്ചിട്ടുള്ളത്. ഇന്ത്യയിലൊട്ടാകെയായി ഇതുവരെ 1,32,511 അപേക്ഷകളാണ് ലഭിച്ചത്. അപേക്ഷകർ നിശ്ചിത സമയത്തിനകം അപേക്ഷാ നടപടികൾ പൂർത്തീകരിക്കേണ്ടതാണ്..