Connect with us

FOREIGN

ഒഴുക്കിനിടയിലും മോഹ പുസ്തകങ്ങള്‍ സ്വന്തമാക്കാം; ലോകത്തെ ഏറ്റവും വലിയ ചങ്ങാട പുസ്തകമേള 25 മുതല്‍ ദോഹയില്‍

Published

on

അശ്‌റഫ് തൂണേരി

ദോഹ:നേരിയ ഒഴുക്കിലും ഓളപ്പരപ്പിലും മോഹ പുസ്തകങ്ങള്‍ സ്വന്തമാക്കാം. ലോക വായനയുടെ അതിവിശാലതയിലേക്ക് സഞ്ചരിക്കാം. ഖത്തറിലെ മിന തീരത്തേക്ക് ഒഴുകിയെത്തുന്ന ലോഗോസ് ഹോപ് എന്ന കപ്പലിലാണ് ലോകത്തെ ഏറ്റവും വലിയ ചങ്ങാട പുസ്തക മേളക്ക് അരങ്ങൊരുങ്ങുക. ജൂണ്‍ 25 മുതല്‍ ജൂലൈ 2 വരെയാണ് ഫ്‌ളോട്ടിംഗ് ബുക് ഫെയര്‍ നടക്കുകയെന്ന് സംഘാടകര്‍ അറിയിച്ചു.അറുപതിലധികം ലോക രാജ്യങ്ങളിലെ അയ്യായിരം ടൈറ്റിലുകള്‍ ലഭ്യമാണ്. തിങ്കള്‍ മുതല്‍ വ്യാഴം വരെ വൈകീട്ട് 4 മുതല്‍ രാത്രി പത്തുവരേയും വെള്ളിയാഴ്ച വൈകീട്ട് 5 മുതല്‍ രാത്രി 11 വരേയുമാണ് സന്ദര്‍ശകര്‍ക്കുള്ള സമയം.

അഞ്ച് റിയാല്‍ ആണ് പ്രവേശന ഫീസ്. ഖത്തറിലെ ആകര്‍ഷക വിനോദ സഞ്ചാര കേന്ദ്രമായി ഇതിനകം മാറിയ മിന മേഖലയിലെ ദോഹ തുറമുഖത്ത് ലോഗോസ് ഹോപ് നങ്കൂരമിടും. ഇപ്പോള്‍ ബഹ്‌റൈന്‍ തലസ്ഥാനമായ മനാമയില്‍ പ്രദര്‍ശനം തുടരുകയാണ്. ആഗോള സമൂഹത്തിന് വായനാരംഗത്ത് സംഭാവന നല്‍കുന്നതിന് പുറമെ പുതിയ രീതിയില്‍ ആളുകളെ ഇതിലേക്ക് പ്രേരിപ്പിക്കുക കൂടി ഇത്തരം പുസ്തകമേളയുടെ ലക്ഷ്യമാണെന്ന് ലോഗോസ് ഹോപ് അധികൃതര്‍ വ്യക്തമാക്കി.

ഇതിനായി പ്രവര്‍ത്തിക്കുന്ന ക്രൂ ഉള്‍പ്പെടെ ജീവനക്കാര്‍ ശമ്പളമില്ലാത്ത വളണ്ടിയര്‍മാര്‍ മാത്രമാണെന്ന പ്രത്യേകതയുണ്ട്. കപ്പലില്‍ 60 ഓളം വ്യത്യസ്ത രാജ്യങ്ങളില്‍ നിന്നുള്ള നാവികര്‍, എഞ്ചിനീയര്‍മാര്‍, ഇലക്ട്രീഷ്യന്‍മാര്‍, നഴ്‌സുമാര്‍, അധ്യാപകര്‍, പാചകക്കാര്‍ തുടങ്ങി നിരവധി പേര്‍ സേവനമനുഷ്ഠിക്കുന്നു. സുഹൃത്തുക്കള്‍, കുടുംബാംഗങ്ങള്‍, പൗര സംഘടനകള്‍ എന്നിവയില്‍ നിന്നുള്ള സ്‌പോണ്‍സര്‍ഷിപ്പ് സംഘടിപ്പിച്ചാണ് അവര്‍ അവരുടെ ചെലവിനുള്ള വക കണ്ടെത്തുന്നതെന്നും ലോഗോസ് ഹോപ് വിശദീകരിച്ചു. കുവൈറ്റ്, ഒമാന്‍ എന്നീ ഗള്‍ഫ് രാഷ്ട്രങ്ങള്‍ കൂടി സന്ദര്‍ശിച്ച് സീഷെല്‍സിലേക്കാണ് ലോഗോസ് ഹോപ്പിന്റെ യാത്ര. കെനിയ, താന്‍സാനിയ, മഡഗാസ്‌കാര്‍ തുടങ്ങിയ രാഷ്ട്രങ്ങളിലൂടെ മൊസാംബികില്‍ 2024 ജനുവരിയില്‍ പര്യടനം അവസാനിപ്പിക്കാനാണ് പദ്ധതി.

Continue Reading
Advertisement
Click to comment

Leave a Reply

Your email address will not be published. Required fields are marked *

FOREIGN

മലയാളി എഞ്ചിനീയർ അബുദാബിയിൽ മരിച്ചു

ഇതിഹാദ് എയർവേസിൽ എയർക്രാഫ്റ്റ് എഞ്ചിനീയർ ആയിരുന്നു

Published

on

അബുദാബി: തൃശൂർ കേച്ചേരി പട്ടിക്കര സ്വദേശി മിഷാൽ (34) ഹൃദയാഘാതം മൂലം മരണപ്പെട്ടു. ഇതിഹാദ് എയർവേസിൽ എയർക്രാഫ്റ്റ് എഞ്ചിനീയർ ആയിരുന്നു. പട്ടിക്കര മണ്ണാറയിൽ മുസ്തഫയുടെ മകനാണ്.

നാട്ടിൽ പോയ ഭാര്യ നാളെ പ്രസവിക്കാനിരിക്കെയാണ് ഇന്ന് ഭർത്താവ് മിഷാൽ മരണപ്പെടുന്നത്. ഏക സഹോദരി രണ്ടുവർഷം മുമ്പാണ് അര്‍ബുദം മൂലം മരണപ്പെട്ടത്.

കുടുംബം നാട്ടിലായതിനാൽ ഒറ്റയ്ക്ക് താമസിക്കുകയായിരുന്ന മിഷാൽ ഉറക്കത്തിനിടെയാണ് മരണപ്പെട്ടത്.

Continue Reading

FOREIGN

ഒ.ഐ.സി.സി നേതാവ് ഷിബു ജോയ് ദമ്മാമിൽ നിര്യാതനായി

കൊല്ലം ജില്ലയിലെ ചിറ്റുമല സ്വദേശിയാണ്.

Published

on

ഒ.ഐ.സി.സി കൊല്ലം ജില്ലാ ജനറല്‍ സെക്രട്ടറി ഷിബു ജോയ് (46) ദമാമില്‍ ഹൃദയാഘാതം മൂലം നിര്യാതനായി. കൊല്ലം ജില്ലയിലെ ചിറ്റുമല സ്വദേശിയാണ്. 20 വര്‍ഷത്തോളം പ്രവാസിയായ കരീംതോട്ടുവ ഷിബു ജോയ് ദമ്മാം വെസ്‌കോസ കമ്പനി ജീവനക്കാരനാണ്.

ഇന്ന് രാവിലെ ജോലി സ്ഥലത്ത് വെച്ച് ഷിബു ജോയിക്ക് അസ്വസ്ഥതയനുഭവപ്പെടുകയും ദമാം തദാവി ഹോസ്പിറ്റലില്‍ പ്രവേശിപ്പിച്ചെങ്കിലും മരണം സംഭവിക്കുകയായിരുന്നു. മരണ വിവരമറിഞ്ഞ് ഒ ഐ സി നേതാക്കള്‍ ആശുപത്രിയിലെത്തി.

ദമാമിലെ ഒ ഐ സി സി യുടെ രൂപീകരണ കാലം മുതല്‍ സംഘടനാ പ്രവര്‍ത്തനത്തില്‍ സജീവമായിരുന്ന ഷിബു ജോയ് സൈബര്‍ ഇടങ്ങളിലും നിറസാന്നിധ്യമായിരുന്നു. സോണിയാണ് ഭാര്യ, രണ്ട് മക്കളുണ്ട്. നിയമ നടപടി ക്രമങ്ങള്‍ പൂര്‍ത്തിയാക്കി മൃതദേഹം നാട്ടിലേക്ക് കൊണ്ട് പോകുന്നതിന് സാമൂഹ്യ പ്രവര്‍ത്തകന്‍ നാസ് വക്കം സഹായവുമായി രംഗത്തുണ്ട്.

ഷിബു ജോയുടെ നിര്യാണത്തില്‍ ദമാം കൊല്ലം ജില്ലാ ഒ ഐ സി സി കമ്മിറ്റി അനുശോചനവും രേഖപ്പെടുത്തി. മികച്ച ഒരു സംഘടനാ പ്രവര്‍ത്തകനേയും ജനാധിപത്യ മൂല്ല്യങ്ങള്‍ക്ക് വേണ്ടി ശബ്ദിക്കുകയും പ്രതിരോധം തീര്‍ക്കുകയും ചെയ്ത കോണ്‍ഗ്രസ് പ്രവര്‍ത്തകന്റെ നഷ്ടമാണ്‍ ഷിബു ജോയിയുടെ നിര്യാണം മൂലം ഉണ്ടായിരിക്കുന്നതെന്ന് കൊല്ലം ജില്ലാ ഒ ഐ സി സി കമ്മിറ്റിഅനുശോചന സന്ദേശത്തില്‍ പറഞ്ഞു.

Continue Reading

FOREIGN

കെ.​എം.​സി.​സി വ​ള​ന്‍റി​യ​ർ​മാ​ർ​ക്ക് ആ​ദ​രം

Published

on

യു.​എ.​ഇ സ​ർ​ക്കാ​റി​ന്‍റെ പൊ​തു​മാ​പ്പ് പ്ര​യോ​ജ​ന​പ്പെ​ടു​ത്തു​ന്ന​തി​ന് ഇ​ന്ത്യ​ൻ കോ​ൺ​സു​ലേ​റ്റി​ൽ ആ​രം​ഭി​ച്ച ഹെ​ൽ​പ്‌ ഡെ​സ്‌​കി​ൽ വ​ള​ന്റി​യ​റാ​യി സേ​വ​ന​മ​നു​ഷ്ഠി​ച്ച ദു​ബൈ കെ.​എം.​സി.​സി പ്ര​വ​ർ​ത്ത​ക​ർ​ക്ക് ദു​ബൈ ഇ​ന്ത്യ​ൻ കോ​ൺ​സു​ലേ​റ്റ് ആ​ദ​ര​വ് ന​ൽ​കി.

കോ​ൺ​സു​ലേ​റ്റ് ഹാ​ളി​ൽ ക​ഴി​ഞ്ഞ ദി​വ​സം ന​ട​ന്ന ച​ട​ങ്ങി​ൽ കോ​ൺ​സ​ൽ ജ​ന​റ​ൽ സ​തീ​ഷ് ശി​വ​ൻ പ്ര​ശം​സ​പ​ത്രം കൈ​മാ​റി. അ​ഡ്വ. സാ​ജി​ദ് അ​ബൂ​ബ​ക്ക​ർ, മു​ഹ​മ്മ​ദ് അ​ഷ്‌​റ​ഫ് വെ​മ്മ​ര​ത്തി​ൽ, ഹം​സ ന​ടു​വ​ണ്ണൂ​ർ, ദു​ബൈ കെ.​എം.​സി.​സി വി​മ​ൻ​സ് വി​ങ് പ്ര​സി​ഡ​ന്‍റ്​ സ​ഫി​യ മൊ​യ്‌​ദീ​ൻ, ട്ര​ഷ​റ​ർ ന​ജ്മ സാ​ജി​ദ്, ഷാ​ജി​ത ഫൈ​സ​ൽ എ​ന്നി​വ​ർ പ്ര​ശം​സ​പ​ത്രം ഏ​റ്റു​വാ​ങ്ങി.

നാ​ല് മാ​സം നീ​ണ്ട പൊ​തു​മാ​പ്പ് കാ​ല​യ​ള​വി​ൽ ദു​ബൈ ഇ​ന്ത്യ​ൻ കോ​ൺ​സു​ലേ​റ്റി​ൽ മി​ക​ച്ച സം​വി​ധാ​ന​ങ്ങ​ൾ ഒ​രു​ക്കി​യി​രു​ന്നു. വി​വി​ധ സം​ഘ​ട​ന വ​ള​ന്റി​യ​ർ​മാ​ർ നി​സ്വാ​ർ​ഥ സേ​വ​ന​മാ​ണ് അ​വ​ര​വ​രു​ടെ ഹെ​ൽ​പ് ഡെ​സ്കി​ലൂ​ടെ കാ​ഴ്ച​വെ​ച്ച​ത്.

3000 പേ​രെ നാ​ട്ടി​ലേ​ക്ക് അ​യ​ക്കാ​നും നി​ര​വ​ധി പേ​ർ​ക്ക് യു.​എ.​ഇ​യി​ൽ തു​ട​രു​ന്ന​തി​ന് നി​യ​മാ​നു​സൃ​ത ന​ട​പ​ടി​ക​ൾ സ്വീ​ക​രി​ക്കാ​നും ഹെ​ൽ​പ് ഡെ​സ്കി​ലൂ​ടെ സാ​ധി​ച്ചു. നാ​ട്ടി​ലേ​ക്ക് പോ​കാ​ൻ ടി​ക്ക​റ്റി​ന് പ​ണ​മി​ല്ലാ​തെ പ്ര​യാ​സ​പ്പെ​ടു​ന്ന 100ഓ​ളം പേ​ർ​ക്ക് സൗ​ജ​ന്യ ടി​ക്ക​റ്റു​ക​ളും ദു​ബൈ കെ. ​എം.​സി.​സി ഹെ​ൽ​പ് ഡെ​സ്കി​ലൂ​ടെ സം​ഘ​ടി​പ്പി​ച്ചി​രു​ന്നു.

Continue Reading

Trending