ഇ​ത് ഭ​ര​ണ​ഘ​ട​ന​ക്കെ​തി​രെ പ്ര​വ​ർ​ത്തി​ക്കു​ന്ന പു​തി​യ ഇ​ന്ത്യ​യാ​ണെ​ന്ന് പ്രതിപക്ഷ നേതാവ്‌ രാ​ഹു​ൽ ഗാ​ന്ധി. അം​ബേ​ദ്ക​റു​ടെ ഭ​ര​ണ​ഘ​ട​ന​ക്ക് അ​ന്ത്യം കു​റി​ക്കു​ന്ന രാ​ജ്യ​മാ​യി ഇ​ത് മാ​റി​യി​രി​ക്കു​ന്നു​വെ​ന്നും സം​ഭ​ലി​ലേ​ക്കു​ള്ള യാ​ത്രാ​മ​ധ്യേ ഗാ​സി​പു​രി​ൽ യു.​പി പൊ​ലീ​സ് ത​ട​ഞ്ഞ​പ്പോ​ൾ ഭ​ര​ണ​ഘ​ട​ന ഉ​യ​ർ​ത്തി​ക്കാ​ട്ടി രാ​ഹു​ൽ തു​ട​ർ​ന്നു.

ത​ങ്ങ​ൾ പോ​രാ​ട്ടം തു​ട​രു​മെ​ന്നും രാ​ഹു​ൽ കൂ​ട്ടി​ച്ചേ​ർ​ത്തു. പ്ര​തി​പ​ക്ഷ നേ​താ​വ് എ​ന്ന നി​ല​ക്ക് ഭ​ര​ണ​ഘ​ട​ന ന​ൽ​കി​യ അ​വ​കാ​ശ​മാ​ണ് യു.​പി പൊ​ലീ​സ് ത​ട​ഞ്ഞ​ത്.

സ്വ​ന്ത​മാ​യോ ​പൊ​ലീ​സി​ന്റെ കൂ​ടെ​യോ പോ​കാ​ൻ ത​യാ​റാ​ണെ​ന്ന് പ​റ​ഞ്ഞി​ട്ടും സ്വീ​ക​രി​ച്ചി​ല്ല. ഇ​പ്പോ​ൾ തി​രി​ച്ചു​പോ​യാ​ൽ കു​റ​ച്ചു ദി​വ​സം ക​ഴി​ഞ്ഞു പോ​കാ​ൻ അ​നു​വ​ദി​ക്കാ​മെ​ന്നാ​ണ് പൊ​ലീ​സ് പ​റ​യു​ന്ന​ത് -രാ​ഹു​ൽ വ്യ​ക്ത​മാ​ക്കി.

സം​ഭ​ലി​ൽ എ​ന്ത് സ​മാ​ധാ​ന​മാ​ണ് പു​നഃ​സ്ഥാ​പി​ച്ച​ത് -പ്രി​യ​ങ്ക

യു.​പി​യി​ൽ രാ​ഹു​ലി​നു പോ​ലും പോ​കാ​ൻ ക​ഴി​യാ​ത്ത സാ​ഹ​ച​ര്യ​മാ​ണെ​ങ്കി​ൽ സം​ഭ​ലി​ൽ എ​ന്ത് സ​മാ​ധാ​ന​മാ​ണ് പു​നഃ​സ്ഥാ​പി​ച്ച​തെ​ന്ന് സം​ഘ​ത്തി​ലു​ണ്ടാ​യി​രു​ന്ന വ​യ​നാ​ട് എം.​പി പ്രി​യ​ങ്ക ഗാ​ന്ധി ചോ​ദി​ച്ചു. സം​ഭ​ൽ സ​ന്ദ​ർ​ശി​ച്ച് അ​വി​ട​ത്തെ ജ​ന​ങ്ങ​ൾ​ക്ക് പ​റ​യാ​നു​ള്ള​ത് കേ​ൾ​ക്കു​ക​യെ​ന്ന​ത് പ്ര​തി​പ​ക്ഷ നേ​താ​വി​ന്റെ ഭ​ര​ണ​ഘ​ട​ന​പ​ര​മാ​യ അ​ധി​കാ​ര​മാ​ണ്.

ഭ​ര​ണ​ഘ​ട​ന പ​ദ​വി​യി​ലി​രി​ക്കു​ന്ന ഒ​രാ​​ളെ ഇ​ത്ത​ര​ത്തി​ൽ ത​ട​യാ​നാ​വി​ല്ല. യു.​പി പൊ​ലീ​സി​നൊ​പ്പം താ​ൻ ഒ​റ്റ​ക്ക് പോ​കാ​ൻ ത​യാ​റാ​ണെ​ന്ന് പ​റ​ഞ്ഞി​ട്ടും അ​തു​പോ​ലും കേ​ൾ​ക്കാ​ൻ ത​യാ​റാ​യി​ല്ല.

‘പുഷ്പ 2’ പ്രീമിയര്‍ ഷോ കാണാനെത്തിയ യുവതിക്ക് ദാരുണാന്ത്യം. തിരിക്കലും തിരക്കിലുംപെട്ട് ദില്‍സുഖ്‌നഗര്‍ സ്വദേശിനി രേവതി (39) ആണ് മരിച്ചത്. ഹൈദരാബാദ് ആര്‍ടിസി റോഡിലെ സന്ധ്യാ തിയേറ്ററിലാണ് ദാരുണമായ സംഭവം നടന്നത്.

കുടുംബത്തോടൊപ്പമാണ് രേവതി സിനിമ കാണാനെത്തിയത്. ഭർത്താവ് ഭാസ്കറിനും മക്കളായ ശ്രീതേജ് (9), സാന്‍വിക (7) എന്നിവര്‍ക്കും പരിക്കേറ്റു. മൂവരും ആശുപത്രിയില്‍ ചികിത്സയില്‍ കഴിയുകയാണ്.

രേവതിക്ക് സംഭവ സ്ഥലത്തുവെച്ചുതന്നെ സിപിആര്‍ നല്‍കിയ ശേഷം വിദ്യാനഗറിലെ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. ചികിത്സയിലുള്ളവരുടെ ആരോഗ്യനില തൃപ്തികരമാണ്. റിലീസിനോടനുബന്ധിച്ച് അര്‍ദ്ധരാത്രി മുതല്‍ റോഡുകളെല്ലാം ഫാന്‍സ് കയ്യടക്കിയിരുന്നു. തുടര്‍ന്ന് വിവിധയിടങ്ങളില്‍ ട്രാഫിക് തടസ്സവും നേരിട്ടു. ഈ സമയം പുഷ്മ താരം അല്ലു അര്‍ജ്ജുന്‍ തിയറ്ററില്‍ ഉണ്ടായിരുന്നുവെന്നാണ് വിവരം.

സുകുമാര്‍ സംവിധാനം ചെയ്ത പുഷ്പ 2 ഐമാക്‌സ് സ്‌ക്രീനിലടക്കം വമ്പന്‍ റിലീസായി ആണ് എത്തുന്നത്. ആഗോള തലത്തില്‍ 12500 സ്‌ക്രീനുകളില്‍ ആണ് പുഷ്പ 2 റിലീസ് ചെയ്യുന്നത്.

ചിത്രം ഇതിനകം 100 കോടിയുടെ പ്രീ സെയില്‍ നേടിയതായി റിപ്പോര്‍ട്ടുകളുണ്ട്. തെലുങ്ക്, തമിഴ്, മലയാളം, ഹിന്ദി, കന്നഡ, ബംഗാളി ഭാഷകളിലാണ് ചിത്രം റിലീസിനെത്തുന്നത്. ഇ ഫോര്‍ എന്റര്‍ടെയ്ന്‍മെന്റ്‌സാണ് പുഷ്പ 2 കേരളത്തിലെത്തിക്കുന്നത്. അല്ലു അര്‍ജുനും രശ്മിക മന്ദാനയും കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രത്തില്‍ ഫഹദ് ഫാസില്‍, സുനില്‍, അനസൂയ ഭരദ്വാജ് തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. മൈത്രി മൂവി മേക്കേഴ്സാണ് ചിത്രം നിര്‍മിക്കുന്നത്.

ഹിന്ദു ബാലികയെ ശല്യപ്പെടുത്തി എന്ന ആരോപണത്തിൽ 107 ദിവസം ജയിലിൽ കിടന്ന മുസ്‌ലിം യുവാവിനെ നിരപരാധിയെന്ന് കണ്ട് കുറ്റവിമുക്തനാക്കി കോടതി. ആഗസ്റ്റ് 2021ൽ മധ്യപ്രദേശിലെ ഇൻഡോറിലാണ് കേസിനാസ്പദമായ സംഭവം. യുപി സ്വദേശിയായ തസ്‌ലിം അലിയെ ആണ് കോടതി കേസിൽ വെറുതെവിട്ടത്.

അലിയെ ഒരു കൂട്ടം യുവാക്കൾ മർദിക്കുന്ന ദൃശ്യങ്ങൾ ഒരു വർഷം മുമ്പ് സമൂഹമാധ്യമങ്ങളിൽ പ്രചരിച്ചിരുന്നു. വള വിൽപ്പന എന്ന പേരിൽ അലി പെൺകുട്ടിയോട് മോശമായി പെരുമാറി എന്നായിരുന്നു ഇവരുടെ ആരോപണം. വീഡിയോയിൽ അലിക്കെതിരെ യുവാക്കൾ വർഗീയമായി ആക്രോശിക്കുന്നതും കാണാമായിരുന്നു.

‘ഹിന്ദു ക്ഷേത്ര’ എന്ന പ്രദേശത്ത് വെച്ചാണ് അലിക്ക് മർദ്ദനമേറ്റത്. പ്രദേശത്ത് അലിയെ കണ്ടുപോകരുത് എന്നും യുവാക്കൾ പറയുന്നുണ്ട്. മർദ്ദനമേറ്റ തസ്‌ലിം അലി വള വിറ്റായിരുന്നു ഉപജീവനം കണ്ടെത്തിയിരുന്നത്.

ആക്രമണത്തിന് പിന്നാലെ അലി പൊലീസിൽ പരാതി നൽകിയിരുന്നു. എന്നാൽ അലിയെ പൊലീസ് പെൺകുട്ടിയുടെ പരാതിയുടെ അടിസ്ഥാനത്തിൽ അറസ്റ്റ് ചെയ്യുകയായിരുന്നു. പ്രായപൂർത്തിയാകാത്ത പെൺകുട്ടി നൽകിയ പരാതിയായതിനാൽ അലിക്കെതിരെ പോക്‌സോ നിയമമായിരുന്നു ചുമത്തിയിരുന്നത്.

വെറുതെ വിട്ടതിന് പിന്നാലെ തനിക്കിത് ദു:ഖകരും സന്തോഷവുമുള്ള സംഭവമാണെന്നാണ് അലി പ്രതികരിച്ചത്. തനിക്കൊപ്പം നിന്നവരോടും തനിക്കെതിരെ എഫ്‌ഐആർ ഫയൽ ചെയ്തവരോടും മർദ്ദിച്ചവരോടും നന്ദി പറഞ്ഞായിരുന്നു അലിയുടെ പ്രതികരണം. കേസ് കെട്ടിച്ചമച്ചതാണ്, ഹിന്ദു ക്ഷേത്രയിൽ പ്രവശിച്ച തന്നെ മതവും പേരും നോക്കി ആക്രമിക്കുകയായിരുന്നെന്ന് അലി പറഞ്ഞു. ഇന്ത്യൻ എക്‌സ്പ്രസിനോടാണ് അലി പ്രതികരിച്ചത്.

മർദ്ദനമേറ്റതിന് പിന്നാലെ അലി ബൻഗംഗ പൊലീസ് സ്റ്റേഷനിൽ പരാതി നൽകിയിരുന്നു. തന്നെ മർദ്ദിച്ചെന്നും വർഗീയ ആക്രോശങ്ങൾ നടത്തി എന്നുമായിരുന്നു പരാതിയിൽ പറഞ്ഞിരുന്നത്. ഇത് കൂടാതെ തന്റെ കയ്യിലുണ്ടായിരുന്ന 10,000 രൂപയും ഫോണും ആധാർ കാർഡ് അടക്കമുള്ള രേഖകളും അക്രമികൾ മോഷ്ടിച്ചെന്നും അലി പരാതിപ്പെട്ടിരുന്നു. അലിയുടെ പരാതിയുടെ അടിസ്ഥാനത്തിൽ നാലുപേരെ അറസ്റ്റ് ചെയ്തിരുന്നെങ്കിലും തൊട്ടു പിന്നാലെ അലിയെ അറസ്റ്റ് ചെയ്യുകയായിരുന്നു.

പരാതിക്കാരും പെൺകുട്ടിയും കൂറുമാറിയതാണ് അലിയെ വെറുതെ വിടാൻ കാരണമെന്ന് അലിയുടെ അഭിഭാഷകൻ പറഞ്ഞു. അലി തന്റെ പേര് മാറ്റിയാണ് ഹിന്ദു ക്ഷേത്രയിൽ വിൽപ്പനക്കെത്തിയത് എന്നതായിരുന്നു ഒരു പ്രധാന ആരോപണം, ഗോലു എന്ന പേര് അലിയുടെ ആധാർ കാർഡിലുണ്ടായിരുന്നു, ഇത് വ്യാജ പേരാണ് എന്നായിരുന്നു അലിക്കെതിരെ ഉണ്ടായിരുന്ന ആരോപണം.

എന്നാൽ അലിയെ സ്വന്തം നാട്ടിൽ വിളിക്കുന്ന പേര് ഗോലു എന്നാണെന്ന് തെളിയിക്കാൻ സാധിച്ചത് അലിക്ക് അനുകൂലമായി. സംഭവ ദിവസം അലി തന്റെ പുതുക്കിയ ആധാർ കാർഡും കയ്യിൽ കരുതിയിരുന്നു. ഈ കാർഡിൽ അലിയുടെ മുഴുവൻ പേരും ഉണ്ടായിരുന്നു. കാർഡുകളെക്കുറിച്ച് രണ്ട് ഗ്രാമമുഖ്യൻമാരും കോടതിയിൽ മൊഴി നൽകി.

തന്റെ ജയിൽ വാസത്തെക്കുറിച്ചും അലി പ്രതികരിച്ചു. ആദ്യം താൻ വളരെ ബുദ്ധിമുട്ടിയെന്നും തന്നെ ഏകാന്ത തടവിലാണ് പാർപ്പിച്ചതെന്നും അലി പറഞ്ഞു. താൻ വളരെ ഭയപ്പെട്ടു, എന്നാൽ പൊലീസ് തന്നോട് മാന്യമായാണ് പെരുമാറിയത്. ഏകാന്തത തന്നെ അലട്ടിയില്ല, തന്നെ ആരും വേദനിപ്പിക്കുകയും ചെയ്തില്ല. നിയമത്തിലും നീതിയിലും താൻ വളരേയധികം പ്രതീക്ഷയർപ്പിച്ചിരുന്നെന്നും അലി പറഞ്ഞു.

കേസിൽ 2021 ഡിസംബറിലാണ് അലിക്ക് ജാമ്യം ലഭിച്ചത്. തന്റെ അച്ഛനും മുത്തച്ഛനും വളക്കച്ചവടം തന്നെയാണ് നടത്തിയിരുന്നത്. തനിക്ക് ആറ് മക്കളുണ്ട് അവരെ പോറ്റണം യുപിയിലും പഞ്ചാബിലും ഇൻഡോറിലുമാണ് താൻ കച്ചവടം നടത്താറുള്ളത് ഇനിയും ഇൻഡോറിൽ കച്ചവടത്തിനായി പോകുമെന്നും അലി പറഞ്ഞു. കുറ്റവിമുക്തനായതിന് പിന്നാലെ ആക്രമികൾക്കെതിരെ കേസെടുക്കുമോ എന്ന ചോദ്യത്തിന്, അവർ തന്നോട് മാപ്പ് പറഞ്ഞെന്നും അക്രമികളോട് തനിക്ക് യാതൊരു വെറുപ്പും ഇല്ലെന്നായിരുന്നു അലിയുടെ മറുപടി.