Connect with us

kerala

സന്ദീപാനന്ദഗിരിയുടെ ആശ്രമം കത്തിച്ച കേസ്: മുഖ്യസാക്ഷി പ്രശാന്ത് മൊഴി മാറ്റി

അതേസമയം മൊഴി മാറ്റിയ കാര്യം വ്യക്തമല്ലെന്ന് ക്രൈംബ്രാഞ്ച് പ്രതികരിച്ചു

Published

on

സന്ദീപാനന്ദഗിരിയുടെ ആശ്രമം കത്തിച്ച കേസില്‍ മുഖ്യസാക്ഷി പ്രശാന്ത് മൊഴി മാറ്റി.കോടതിയില്‍ രഹസ്യമൊഴി മൊഴി മാറ്റിയത്.ക്രൈംബ്രാഞ്ച് നിര്‍ബന്ധിച്ച് പറയിപ്പിച്ചതാണെന്നാണ് മജിസ്‌ട്രേറ്റിന് മുന്നില്‍ പ്രശാന്ത് പറഞ്ഞത്.സഹോദരന്‍ പ്രകാശാണ് ആശ്രമം കത്തിച്ചതെന്നായിരുന്നു പ്രശാന്ത് ക്രൈംബ്രാഞ്ചിന് മൊഴി നല്‍കിയിരുന്നത്.

എന്നാല്‍ അതേസമയം മൊഴി മാറ്റിയ കാര്യം വ്യക്തമല്ലെന്ന് ക്രൈംബ്രാഞ്ച് പ്രതികരിച്ചു.2018 ഒക്ടോബര്‍ 27 ന് ആണ് തിരുവനന്തപുരം കുണ്ടമണ്‍ കടവിലുള്ള സന്ദീപാനന്ദഗിരിയുടെ ആശ്രമം തീപിടിച്ച നിലയില്‍ കണ്ടെത്തുന്നത്. ആശ്രമത്തിലുണ്ടായ തീപ്പിടിത്തത്തില്‍ രണ്ട് കാറടക്കം മൂന്ന് വാഹനങ്ങള്‍ കത്തിനശിക്കുകയും ആശ്രമത്തിന് കേടുപാടുണ്ടാവുകയും ചെയ്തിരുന്നു. കത്തിച്ചശേഷം ആശ്രമത്തിനുമുന്നില്‍ ആദരാഞ്ജലികള്‍ എന്നെഴുതിയ റീത്തും ആക്രമികള്‍ വെച്ചിരുന്നു.

 

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

അനന്തപുരിയില്‍ കലാമാമാങ്കത്തിന് കൊടിയേറി

നീണ്ട 9 വര്‍ഷങ്ങള്‍ക്ക് ശേഷമാണ് അനന്തപുരി കലയുടെ പെരുന്നാളിന് വേദിയാകുന്നത്

Published

on

തിരുവനന്തപുരം: 63ാമത് സംസ്ഥാന സ്‌കൂള്‍ കലോത്സവത്തിന് തിരുവനന്തപുരത്ത് തുടക്കക്കുറിച്ചു. വിഖ്യാദ സാഹിത്യകാരന് സമര്‍പ്പിച്ച ഒന്നാം വേദിയായ എംടി നിളയില്‍ മുഖ്യമന്ത്രി പിണറായി വിജയന്‍ ഏഷ്യയിലെ ഏറ്റവും വലിയ കലാമാമാങ്കത്തിന് കല്‍വിളക്കില്‍ തിരിതെളിച്ചു ഉദ്ഘാടനം ചെയ്തു.

”എം.ടിയുടെ സൃഷ്ടികള്‍ക്ക് വ്യത്യസ്ത ആഖ്യാനങ്ങള്‍ ഉണ്ടാകുന്ന ഇടാമായിരുന്നു കലോത്സവ വേദികള്‍. വെള്ളാര്‍മല സ്‌കൂളിലെ വിദ്യാര്‍ത്ഥികളുടെ നൃത്തം അതിജീവനത്തിന്റെ കാഴ്ചയാണ്. നാടിന്റെ സാംസ്‌കാരിക പൈതൃകത്തെ മുന്നില്‍ നയിക്കേണ്ടവരാണ് ഈ കുട്ടികള്‍. ആ തിരിച്ചറിവോടെ ഇതില്‍ പങ്കെടുക്കാന്‍ നിങ്ങള്‍ക്ക് കഴിയട്ടെ. ദുരന്തങ്ങളെ അതിജീവിക്കുമ്പോഴും ജീവിതം ഉത്സവമാക്കാനുള്ള സ്വപ്നം കാണുന്നവരാണ് നിങ്ങള്‍.ഒരു തലമുറയിലെ എല്ലാ സര്‍ഗ്ഗ വൈഭവവും ഒന്നിക്കുന്ന ഇടം . ഇത്തരം ഒരിടം ലോകത്ത് മാറ്റ് എവിടെ എങ്കിലും ഉണ്ടോ എന്ന് സംശയമാണ്. അന്യംനിന്നുപോകുന്ന നാടന്‍കലകളും അനുഷ്ഠാനകലകളും കലോത്സവത്തിലൂടെ നിലനില്‍ക്കുന്നു. വൈജ്ഞാനിക വികാസം മാത്രമല്ല വ്യക്തിത്വത്തിന്റെ വികാസം കൂടി വിദ്യാഭ്യാസത്തിലൂടെ ലക്ഷ്യമിടുന്നു.കുട്ടികളിലെ കലാപരമായ ശേഷികള്‍ മാത്രമല്ല നന്മകള്‍ കൂടി പ്രകാശിപ്പിക്കാന്‍ വിദ്യാഭ്യാസത്തിനാകണം.നഷ്ടപ്പെടുന്ന നന്മ കലയിലൂടെ വീണ്ടെടുക്കാന്‍ ആകുമെന്നും” മുഖ്യമന്ത്രി പറഞ്ഞു.

25 വേദികളിലായി പതിനയ്യായിരത്തിലേറെ കലാകാരന്‍മാര്‍ വരുംദിവസങ്ങളിലായി പങ്കെടുക്കും. 25 നദികളുടെ പേരിലാണ് 25 വേദികള്‍. നീണ്ട 9 വര്‍ഷങ്ങള്‍ക്ക് ശേഷമാണ് അനന്തപുരി കലയുടെ പെരുന്നാളിന് വേദിയാകുന്നത്. പുത്തരിക്കണ്ടം മൈതാനിയിലാണ് ഭക്ഷണപ്പന്തല്‍. കലോത്സവ ചരിത്രത്തില്‍ ആദ്യമായി തദ്ദേശീയ ജനതയുടെ 5 നൃത്തരൂപങ്ങള്‍കൂടി ഈ വര്‍ഷത്തെ മത്സര ഇനങ്ങളാകും.

Continue Reading

kerala

പുകവലിയെ പ്രോത്സാഹിപ്പിക്കുന്ന പരാമര്‍ശം ;മന്ത്രി സജി ചെറിയാനെതിരെ പരാതി

യു. പ്രതിഭ എംഎല്‍എയുടെ മകനെതിരായ കേസിനെ സംബന്ധിച്ചാണ് സജി ചെറിയാന്‍ പരാമര്‍ശം നടത്തിയത്

Published

on

തൃശൂര്‍: പുകവലിയെ പ്രോത്സാഹിപ്പിക്കുന്ന പരാമര്‍ശത്തില്‍ മന്ത്രി സജി ചെറിയാനെതിരെ പരാതി നല്‍കി കെപിസിസി സെക്രട്ടറി ജോണ്‍ ഡാനിയല്‍. മന്ത്രിക്കെതിരെ ഗവര്‍ണര്‍ക്കും ഹൈക്കോടതി ചീഫ് ജസ്റ്റിസിനുമാണ് പരാതി നല്‍കിയത്. യു. പ്രതിഭ എംഎല്‍എയുടെ മകനെതിരായ കേസിനെ സംബന്ധിച്ചാണ് സജി ചെറിയാന്‍ പരാമര്‍ശം നടത്തിയത്.

മന്ത്രിയുടെ ഈ പ്രസ്താവന പുകവലിക്കാന്‍ പ്രേരിപ്പിക്കുന്നതാണ് എന്ന് കാട്ടിയാണ് ജോണ്‍ ഡാനിയല്‍ പരാതി നല്‍കിയത്. 2003 ല്‍ പാര്‍ലമെന്റ് പാസാക്കിയ കോട്പ നിയമത്തെ വെല്ലുവിളിക്കുകയാണ് മന്ത്രി ചെയ്തതെന്നും ജോണ്‍ ഡാനിയല്‍ പറഞ്ഞു.

യു. പ്രതിഭ എംഎല്‍എയെ വേദിയില്‍ ഇരുത്തിയായിരുന്നു സാംസ്‌കാരിക വകുപ്പ് മന്ത്രിയുടെ പരാമര്‍ശം. കുട്ടികള്‍ പുകവലിച്ചതിന് ജാമ്യമില്ലാ വകുപ്പാണ് ചുമത്തിയത് എന്ന് മന്ത്രി പറഞ്ഞു.’എഫ്‌ഐആറില്‍ കൂട്ടംകൂടി പുകവലിച്ചു എന്നാണുള്ളത്. ജയിലില്‍ കിടന്നപ്പോള്‍ താനും പുകവലിക്കുമായിരുന്നു. ദിവസവും ഒരുകെട്ട് ബീഡി വലിക്കുന്നയാളാണ് എം.ടി.വാസുദേവന്‍ നായര്‍,’ പുകവലിക്കുന്നത് മഹാ അപരാധമാണോ എന്നും മന്ത്രി ചോദിച്ചിരുന്നു

Continue Reading

kerala

പെരിയ ഇരട്ടക്കൊലകേസ്‌; ഒന്നാം പ്രതി എ പിതാംബരനുമായി കോടതി വരാന്തയില്‍ സൗഹൃദ സംഭാഷണം നടത്തി ഗുണ്ടാനേതാവ് കൊടി സുനി

സുനി നേരിട്ടെത്തി പീതാംബരന് കൈകാടുത്ത് ഏറെ നേരം സംസാരിക്കുകയായിരുന്നു

Published

on

കൊച്ചി: പെരിയ ഇരട്ടക്കൊലപാതക കേസിലെ ഒന്നാം പ്രതിയും സിപിഎം നേതാവുമായ എ പിതാംബരനെ കാണാന്‍ കുപ്രസിദ്ധ ഗുണ്ടാനേതാവ് കൊടി സുനിയെത്തി. കോടതി വരാന്തയില്‍ വെച്ചാണ് ഇരുവരും കണ്ടത്. നിലവില്‍ ടി പി ചന്ദ്രശേഖരന്‍ വധക്കേസില്‍ പരോളില്‍ കഴിയുന്ന കൊടി സുനി ഫസല്‍ വധക്കേസിലെ വിചാരണ നടപടികളുടെ ഭാഗമായി സിബിഐ കോടതിയിലെത്തിയതായിരുന്നു.

പെരിയ കേസില്‍ ശിക്ഷ വിധിച്ച് പ്രതികളെ പുറത്തിറക്കിയപ്പോള്‍ സുനി നേരിട്ടെത്തി പീതാംബരന് കൈകാടുത്ത് ഏറെ നേരം സംസാരിക്കുകയായിരുന്നു. ഡിസംബര്‍ 28 നാണ് 30 ദിവസത്തെ പരോളില്‍ കൊടി സുനി പുറത്തിറങ്ങിയത്. പൊലീസ് റിപ്പോര്‍ട്ട് എതിരായതിനാല്‍ ആറ് വര്‍ഷമായി സുനിക്ക് പരോള്‍ ലഭിച്ചിരുന്നില്ല. ജയിലില്‍ കഴിയുമ്പോള്‍ തന്നെ നിരവധി ക്രിമിനല്‍ പ്രവര്‍ത്തനങ്ങള്‍ക്ക് നേതൃത്വം നല്‍കിയിരുന്നതിനാല്‍ കൂടിയാണ് ഇയ്യാള്‍ക്ക് പരോള്‍ അനുവദിക്കാതിരുന്നത്.

പെരിയ ഇരട്ടക്കൊലപാതക കേസില്‍ സിപിഎം മുന്‍ എംഎല്‍എ കെ വി കുഞ്ഞിരാമനടക്കം 14 പ്രതികള്‍ കുറ്റക്കാരെന്ന് കോടതി വിധിച്ചു. പത്ത് പ്രതികളെ കുറ്റവിമുക്തരാക്കി. 9,11, 12, 13, 16, 18, 17, 19, 23, 24 എന്നീ പ്രതികളെയാണ് കുറ്റവിമുക്തരാക്കിയത്. സിപിഎം മുന്‍ ലോക്കല്‍ കമ്മിറ്റി അംഗം പീതാംബരനാണ് കേസിലെ ഒന്നാം പ്രതി. സിബിഐ കോടതിയാണ് കേസില്‍ വിധി നടപ്പാക്കിയത്. 2019 ഫെബ്രുവരി 17 നാണ് കോണ്‍ഗ്രസ് പ്രവര്‍ത്തകരായ ശരത് ലാല്‍, കൃപേഷ് എന്നിവരെ വെട്ടിക്കൊലപ്പെടുത്തിത്. മുന്‍ എംഎല്‍എ കെ.വി കുഞ്ഞിരാമനും സിപിഎം നേതാക്കളുമടക്കം 24 പേരായിരുന്നു കേസില്‍ പ്രതിപട്ടികയിലുണ്ടായത്.

Continue Reading

Trending