kerala

മുസ്‌ലിംലീഗ് ഫണ്ട് കാമ്പയിന്‍ വിജയിപ്പിക്കും: വനിതാ ലീഗ്

പ്രാദേശിക തലങ്ങളില്‍ ഭവന സന്ദര്‍ശനം നടത്തി പാര്‍ട്ടി ഫണ്ടിലേക്ക് പരമാവധി സംഭാവന എത്തിക്കാനുള്ള പ്രവര്‍ത്തന രൂപരേഖ തയ്യാറാക്കി.

Published

3 years ago

April 2, 2022

Test User

കോഴിക്കോട്: എന്റെ പാര്‍ട്ടിക്ക് എന്റെ ഹദിയ പ്രമേയത്തില്‍ മുസ്‌ലിംലീഗ് പ്രഖ്യാപിച്ച പ്രവര്‍ത്തന ഫണ്ട് കാമ്പയിന്‍ വിജയിപ്പിക്കാന്‍ ഓണ്‍ലൈനില്‍ ചേര്‍ന്ന വനിതാ ലീഗ് സംസ്ഥാന കമ്മിറ്റി യോഗം ആഹ്വാനം ചെയ്തു. മണ്ഡലം പ്രവര്‍ത്തക സമിതി യോഗങ്ങള്‍ വിളിച്ചു ചേര്‍ക്കാനും ഈ മാസം എട്ട് മുതല്‍ കാമ്പയിന്‍ പ്രവര്‍ത്തനങ്ങളില്‍ സജീവമാകാനും തീരുമാനിച്ചു.

പ്രാദേശിക തലങ്ങളില്‍ ഭവന സന്ദര്‍ശനം നടത്തി പാര്‍ട്ടി ഫണ്ടിലേക്ക് പരമാവധി സംഭാവന എത്തിക്കാനുള്ള പ്രവര്‍ത്തന രൂപരേഖ തയ്യാറാക്കി. മുസ്‌ലിം ലീഗ് സംസ്ഥാന ജനറല്‍ സെക്രട്ടറി അഡ്വ. പി.എം.എ സലാം ഉദ്ഘാടനം ചെയ്തു. മലപ്പുറം, തൃശൂര്‍, പത്തനംതിട്ട, തിരുവനന്തപുരം ജില്ലാ പ്രവര്‍ത്തക സമിതി അംഗങ്ങളുടെ യോഗം മറ്റൊരു ദിവസം ചേരുമെന്ന് ഭാരവാഹികള്‍ അറിയിച്ചു.

സംസ്ഥാന പ്രസിഡന്റ് സുഹ്‌റ മമ്പാട് അധ്യക്ഷത വഹിച്ചു. ജനറല്‍ സെക്രട്ടറി അഡ്വ. പി. കുല്‍സു സ്വാഗതവും സീമ യഹിയ നന്ദിയും പറഞ്ഞു. ദേശീയ ഭാരവാഹികളായ അഡ്വ.കെ.പി മറിയുമ്മ, ജയന്തി രാജന്‍, സംസ്ഥാന ഭാരവാഹികളായ ശാഹിന നിയാസി, ബീഗം സാബിറ, പി. സഫിയ, റസീന അബ്ദുല്‍ഖാദര്‍, ആയിശ താഹിറ, റോഷ്‌നി ഖാലിദ്, സറീന ഹസീബ്, അഡ്വ. സാജിത, സബീന, ബ്രസീലിയ ഷംസുദ്ദീന്‍, എം.എസ്.എഫ് ഹരിത സംസ്ഥാന പ്രസിഡന്റ് ആയിശ ബാനു പി.എച്ച്, ആമിന ടീച്ചര്‍, ഷറഫുന്നീസ, എ.പി സഫിയ, മറിയം ടീച്ചര്‍ (കോഴിക്കോട്) മുംതാസ് സമീറ, ശാഹിന സലീം (കാസര്‍ക്കോട്), സാജിത ടീച്ചര്‍ (കണ്ണൂര്‍), സൗജത്ത് ഉസ്മാന്‍ (വയനാട്), ജമീല ടീച്ചര്‍ (പാലക്കാട്), റംല മാഹിന്‍, ശാഹിദ അലി, സാജിദ നൗഷാദ് (എണറാകുളം), സൈന നവാസ്, ലിബിന, ഹസീന അമന്‍ (ആലപ്പുഴ), ശഹര്‍ബാനത്ത്, ജസീല (കോട്ടയം), അഡ്വ. റംലത്ത്, ലുബ്‌ന (കൊല്ലം), ജുവൈരിയ, ശഹന ജാഫര്‍, ശാഹിദ, ബീമ അനസ് (ഇടുക്കി) തുടങ്ങിയവര്‍ സംസാരിച്ചു.

kerala

സ്‌കൂളിലേക്ക് നടന്നു പോകുന്നതിനിടെ തോട്ടില്‍ വീണ് വിദ്യാര്‍ത്ഥിനി മരിച്ചു

മാടായി ഗവ. ഗേള്‍സ് ഹയര്‍ സെക്കന്‍ഡറി സ്‌കൂളിടെ എന്‍.വി. ശ്രീനന്ദയാണ് (16) മരിച്ചത്.

Published

21 mins ago

January 10, 2025

webdesk17

കണ്ണൂര്‍: സ്‌കൂളിലേക്ക് നടന്നു പോകുന്നതിനിടെ തോട്ടില്‍ വീണ് വിദ്യാര്‍ത്ഥിനി മരിച്ചു. ബസ് കയറാനായി നടന്നുപോകുന്നതിനിടയൊയിരുന്നു അപകടം. മാടായി ഗവ. ഗേള്‍സ് ഹയര്‍ സെക്കന്‍ഡറി സ്‌കൂളിടെ എന്‍.വി. ശ്രീനന്ദയാണ് (16) മരിച്ചത്.

വെള്ളിയാഴ്ച രാവിലെ 8.45ഓടെയാണ് വിദ്യാര്‍ത്ഥിനി അപകടത്തില്‍ പെട്ടത്. കുട്ടി തോട്ടില്‍ വീണത് കണ്ട സുഹൃത്തുകള്‍ വിവരം നല്‍കിയതിനെ തുടര്‍ന്ന് നാട്ടുകാരെത്തി കണ്ണൂര്‍ മെഡിക്കല്‍ കോളജ് ആശുപത്രിയിലെത്തിച്ചിരുന്നു. പക്ഷേ വിദ്യാര്‍ത്ഥിനിയുടെ ജീവന്‍ രക്ഷിക്കാനായില്ല. വെങ്ങര നടക്കു താഴെ എന്‍.വി. സുധീഷ് കുമാര്‍, സുജ ദമ്പതികളുടെ മകളാണ് ശ്രീനന്ദ.

kerala

‘കലോത്സവത്തിൽ പെൺകുട്ടിയോട് അരുൺ കുമാർ ദ്വയാർത്ഥ പ്രയോഗം’; റിപ്പോർട്ടർ ചാനലിനെതിരെ കേസെടുത്ത് ബാലാവകാശ കമ്മീഷൻ

ഒപ്പനയിലെ മണവാട്ടിയോട് റിപ്പോർട്ടർ ചാനലിലെ റിപ്പോർട്ടർ ഷാബാസ് ദ്വയാർത്ഥ പ്രയോഗം നടത്തിയെന്നും ആരോപണമുണ്ട്

Published

1 hour ago

January 10, 2025

webdesk14

തിരുവനന്തപുരം: റിപ്പോർട്ടർ ചാനലിന് എതിരെ ബാലാവകാശ കമ്മീഷൻ കേസ്. അവതാരകൻ അരുൺ കുമാറിനെതിരെയാണ് കേസെടുത്തത്. കലോത്സവ വാർത്താ അവതരണത്തിൽ അവതാരകൻ അരുൺ കുമാർ വേദിയിൽ ഒപ്പന അവതരിപ്പിച്ച പെൺകുട്ടിയോട് ദ്വയാർത്ഥ പ്രയോഗം നടത്തിയെന്ന ആരോപണത്തിലാണ് കേസ്.

സംസ്ഥാന സ്കൂൾ കലോത്സവുമായി ബന്ധപ്പെട്ട വാർത്താവതരണത്തിൽ ഡോ. അരുൺകുമാർ സഭ്യമല്ലാത്ത ഭാഷയിൽ ദ്വയാർത്ഥ പ്രയോഗം നടത്തിയതുമായി ബന്ധപ്പെട്ടാണ് സ്വമേധയാ കേസെടുത്തതെന്ന് ബാലാവകാശ കമ്മീഷൻ ചെയർപേഴ്സൺ കെ.വി. മനോജ്കുമാർ അറിയിച്ചു.

ഒപ്പനയിലെ മണവാട്ടിയോട് റിപ്പോർട്ടർ ചാനലിലെ റിപ്പോർട്ടർ ഷാബാസ് ദ്വയാർത്ഥ പ്രയോഗം നടത്തിയെന്നും ആരോപണമുണ്ട്. വീഡിയോ സാമൂഹിക മാധ്യമങ്ങളിൽ പ്രചരിച്ചതോടെയാണ് കമ്മീഷൻ കേസ് എടുത്തത്.വിഷയത്തിൽ ചാനലിനോട് വിശദീകരണം തേടി. തിരുവനന്തപുരം ജില്ലാ പോലീസ് മേധാവിയോട് റിപ്പോർട്ട് സമർപ്പിക്കാനും നിർദേശം നൽകിയിട്ടുണ്ട്.

kerala

കാട്ടാക്കട അശോകന്‍ വധക്കേസ്: എട്ട് ആര്‍എസ്എസ് പ്രവര്‍ത്തകര്‍ കുറ്റക്കാര്‍; ശിക്ഷ 15ന്

സംഭവം നടന്ന് 11 വര്‍ഷത്തിന് ശേഷമാണ് വിധി വരുന്നത്

Published

1 hour ago

January 10, 2025

webdesk14

തിരുവനന്തപുരം: സിപിഎം പ്രവര്‍ത്തകന്‍ കാട്ടാക്കട അമ്പലത്തുക്കാല്‍ അശോകന്‍ വധക്കേസില്‍ എട്ട് ആര്‍എസ്എസ് പ്രവര്‍ത്തകരും കുറ്റക്കാരെന്ന് കോടതി. തിരുവനന്തപുരം ആറാം അഡീഷണല്‍ സെഷന്‍സ് കോടതിയാണ് വിധി പറഞ്ഞത്. പ്രതികളുടെ ശിക്ഷ ഈ മാസം 15 ന് പുറപ്പെടുവിക്കും.

കേസിലെ പ്രതികളായ ശംഭു, ശ്രീജിത്ത് ഉണ്ണി, ചന്തു, ഹരി, അമ്പിളി ചന്ദ്രമോഹന്‍, പഴിഞ്ഞി പ്രശാന്ത്, അണ്ണി സന്തോഷ്, സജീവന്‍ എന്നിവര്‍ കുറ്റക്കാരാണെന്നാണ് കോടതി വിധിച്ചത്. സംഭവം നടന്ന് 11 വര്‍ഷത്തിന് ശേഷമാണ് വിധി വരുന്നത്.

2013 മെയ് അഞ്ചിനാണ് സിപിഐ എം പ്രവര്‍ത്തകനായ അശോകന്‍ കൊല്ലപ്പെട്ടത്. അമ്പലത്തുക്കാല്‍ ജങ്ഷനില്‍ വെച്ചായിരുന്നു കൊലപാതകം. മുഖ്യപ്രതി ശംഭു കൊള്ള പലിശക്ക് പണം നല്‍കിയത് ചോദ്യം ചെയ്തതാണ് കൊലപാതകത്തിന് കാരണം.