തമിഴ്‌നാട്ടില്‍ ആറ് വര്‍ഷക്കാലമായി യാത്രക്കാരുടെ ബാഗുകള്‍ മോഷ്ടിക്കുന്ന റെയില്‍വേ ജീവനക്കാരന്‍ അറസ്റ്റില്‍. റെയില്‍വേ മെക്കാനിക്കായ സെന്തില്‍ കുമാറാണ് പിടിയിലായത്. ഇയാളുടെ മുറിയില്‍ നിന്ന് 200 ല്‍ അധികം ബാഗുകളും 30 പവന്‍ സ്വര്‍ണവും 30 ഫോണ്‍, 9 ലാപ്‌ടോപ്പ് എന്നിവയും കണ്ടെടുത്തു. മധുരയിലും തൊട്ടടുത്തുള്ള സ്‌റ്റേഷനുകളും കേന്ദ്രീകരിച്ചാണ് ഇയാള്‍ മോഷണം നടത്തിയിരുന്നത്.

കഴിഞ്ഞയാഴ്ച മധുര റെയില്‍വേ സ്‌റ്റേഷനില്‍ നിന്ന് ഒരു സ്ത്രീയുടെ 15 പവന്‍ സ്വര്‍ണം മോഷണം പോയിരുന്നു. ഇതുമായി ബന്ധപ്പെട്ട അന്വേഷണത്തിലാണ് പ്രതി പിടിയിലായത്. യുവതിയുടെ മൊഴിപ്രകാരം സിസിടിവി ദൃശ്യങ്ങള്‍ കേന്ദ്രീകരിച്ച് നടത്തിയ പരിശോധനയില്‍ സെന്തില്‍ കുമാര്‍ സംശയ നിഴലിലായി. തുടര്‍ന്ന് ഇയാളുടെ മുറി പരിശോധിച്ചപ്പോഴാണ് മോഷണ വസ്തുക്കള്‍ കണ്ടെത്തിയത്.

മദ്യലഹരിയില്‍ വൈദ്യുത ലൈനിനുമുകളില്‍ കിടന്ന് യുവാവിന്റെ സാഹസം. ആന്ധ്രയിലെ പാലകൊണ്ടയിലെ സിങ്കിപുരത്ത് യെജ്ജാല വെങ്കണ്ണ എന്നയാളാണ് പോസ്റ്റിന് മുകളില്‍ കിടന്ന് ഉറങ്ങാന്‍ ശ്രമിച്ചത്.

മദ്യപിക്കാന്‍ അമ്മ പണം നല്‍കാത്തതിന് ആയിരുന്നു യുവാവിന്റെ സാഹസ പ്രകടനം. നാട്ടുകാര്‍ യഥാസമയം ട്രാന്‍സ്‌ഫോര്‍മര്‍ ഓഫ് ചെയ്തതിനാല്‍ വന്‍ ദുരന്തം ഒഴിവായി. തുടര്‍ന്ന് യുവാവിനെ അനുനയിപ്പിച്ച് പോസ്റ്റിന് മുകളില്‍ നിന്ന് താഴെ ഇറക്കുകയായിരുന്നു.

വൈദ്യുതി വിച്ഛേദിച്ച ശേഷം നാട്ടുാര്‍ യുവാവിനോട് ഇറങ്ങാന്‍ അപേക്ഷിച്ചു. എന്നാല്‍ യുവാവ് കമ്പികളില്‍ കിടന്നതോടെ നാട്ടുകാര്‍ ആശങ്കയിലായി. വിവരമറിഞ്ഞ് പൊലീസ് ഗ്രാമത്തിലെത്തി യുവാവിനെതിരെ കേസെടുത്തു.

ലഖ്‌നോ: 2025 ജനുവരി 13 മുതല്‍ പ്രയാഗ് രാജില്‍ നടക്കുന്ന കുംഭമേളയില്‍ അഹിന്ദുക്കളായവര്‍ക്ക് കച്ചവടം നടത്താന്‍ അനുമതി നല്‍കരുതെന്ന് അഖില ഭാരതീയ അഖാഡ പരിഷത്ത് നേതാവ് മഹന്ത് രവീന്ദ്ര പുരി. കുംഭമേള നടക്കുന്ന പരിസര പ്രദേശത്ത് പാനീയങ്ങളും പൂക്കളും വില്‍ക്കുന്ന സ്റ്റാളുകളിടാന്‍ അഹിന്ദുക്കളായ കച്ചവടക്കാര്‍ക്ക് അനുമതി നല്‍കരുതെന്നും അത്തരക്കാര്‍ക്കും കടകള്‍ നടത്താന്‍ അനുമതി നല്‍കിയാല്‍, തുപ്പിവെച്ചും മൂത്രമൊഴിച്ചും അവര്‍ പരിഭാവനമായ സ്ഥലം അശുദ്ധമാക്കുമെന്നും രവീന്ദ്ര പുരി വിദ്വേഷ പരാമര്‍ശം നടത്തി.

നമ്മുടെ വിശ്വാസം മനോഹരമാണ്. ഇത്തരത്തിലുള്ള സംഭവങ്ങളുണ്ടായാല്‍ ചിലരുടെ വികാരങ്ങള്‍ വ്രണപ്പെടുകയും ലോകവ്യാപകമായി തെറ്റായ സന്ദേശം വ്യാപിക്കുകയും ചെയ്യും. അതിനാല്‍ പവിത്രമായ ആഘോഷം നടക്കുന്ന സന്ദര്‍ഭത്തില്‍ അഹിന്ദുക്കളെ ഇവിടെ നിന്ന് അകറ്റിനിര്‍ത്തണം. ഇക്കാര്യത്തില്‍ ഉചിതമായ നടപടി സ്വീകരിക്കണമെന്നും രവീന്ദ്ര പുരി ആവശ്യപ്പെട്ടു.

കഴിഞ്ഞ വര്‍ഷത്തെ പ്രധാനമന്ത്രിയുടെ അവസാന മന്‍ കീ ബാത്തില്‍ രാജ്യത്ത് ഐക്യവും സാഹോദര്യവും കാത്തു സൂക്ഷിക്കണമെന്ന് ആഹ്വാനം ചെയ്തതിനു പിന്നാലെയാണ് അഖില ഭാരതീയ അഖാഡ പരിഷത്ത് നേതാവിന്റെ വിഷം തുപ്പല്‍. സമൂഹത്തില്‍ ഭിന്നിപ്പും വിദ്വേഷവും ഉണ്ടാക്കുന്നതില്‍ നിന്ന് അകന്നു നില്‍ക്കണമെന്നും നരേന്ദ്ര മോദി പറഞ്ഞിരുന്നു. വരാനിരിക്കുന്ന പ്രയാഗ് രാജിലെ കുംഭമേളയെ കുറിച്ചും പ്രസംഗത്തില്‍ സൂചിപ്പിക്കുകയുണ്ടായി.

കുംഭമേള വൈവിധ്യത്തിന്റെ അതുല്യമായ കാഴ്ച്ചയാണ്. ഇത്തരത്തിലുള്ള ആത്മീയ ഉല്‍സവങ്ങള്‍ ഇന്ത്യയുടെ നാനാത്വത്തില്‍ ഏകത്വമാണ് തുറന്നുകാട്ടുന്നതെന്നും എവിടെയും ഒരുതരത്തിലുള്ള വിവേചനവും നടക്കുന്നില്ലെന്നും എല്ലാവരെയും ഒരേ പോലെയാണ് കാണുന്നതെന്നും പ്രധാനമന്ത്രി പറയുകയുണ്ടായി.

കോടിക്കണക്കിന് ആളുകളാണ് കുംഭമേളക്ക് എത്തുന്നത്. ലക്ഷക്കണക്കിന് സന്യാസിമാര്‍, വിവിധ വിഭാഗങ്ങളിലുള്ളവര്‍ എന്നിങ്ങനെ എല്ലാവരും ഈ ഉത്സവത്തിന്റെ ഭാഗമാകുന്നു. ഒരിടത്തും വിവേചനമില്ല. ആരും അവിടെ വലിയവരല്ല, ആരും ചെറുതുമല്ല. ലോകത്തിന്റെ മറ്റൊരു ഭാഗത്തും ഇത്തരത്തിലുള്ള വൈവിധ്യം കാണാന്‍ സാധിക്കുകയില്ലെന്നും മോദി അവകാശപ്പെടുകയുണ്ടായി.

അഹിന്ദുക്കളായ കച്ചവടക്കാരെ കുംഭമേള നടക്കുന്ന ഇടങ്ങളിലേക്ക് പ്രവേശിപ്പിക്കരുരെന്ന അഖില ഭാരതീയ അഖാര പരിഷത്തിന്റെ നിര്‍ദേശത്തിനെതിരെ ആള്‍ ഇന്ത്യ മുസ്‌ലിം ജമാഅത്ത് രംഗത്തുവന്നിരുന്നു. സമൂഹത്തില്‍ ഭിന്നിപ്പുണ്ടാക്കുന്നതാണ് അത്തരം നീക്കമെന്നും അവര്‍ വാദിക്കുകയും ചെയ്തു.