Connect with us

kerala

പ്രണവിന്റെ മജ്ജ മാറ്റിവയ്ക്കണം; വേദന മറന്ന് അസൈനാറിന്റെ നെല്ലിക്ക കച്ചവടം

അസൈനാറിന്റെ നേതൃത്വത്തിലുള്ള ഇന്‍സ്പയര്‍ വാട്‌സ് ആപ്പ് ഗ്രൂപ്പാണ് ഇതിനായി കാരുണ്യയാത്ര സംഘടിപ്പിച്ചത്.

Published

on

സാദിഖ് പുളിങ്ങോം

ചെറുപുഴ: ഉറവ വറ്റാത്ത നന്മ കൊണ്ട് പാരസ്പര്യത്തിന്റെ സ്‌നേഹഗോപുരം തീര്‍ക്കുകയാണ് ഇവിടെ ഒരാള്‍. തിമിരി സ്വദേശിയായ യുവാവിന്റെ ചികിത്സയ്ക്ക് പണം കണ്ടെത്താനുള്ള തിരക്കിലാണ് സ്വന്തം വേദനകള്‍ മറന്ന് ഭിന്ന ശേഷിക്കാരനായ അസൈനാര്‍. പെരിങ്ങോം വയക്കര പഞ്ചായത്തിലെ അരവഞ്ചാല്‍ സ്വദേശിയായ അസൈനാര്‍ എല്ലാവര്‍ക്കും സുപരിചിതനാണ്.

വഴിയോരത്ത് പഴവര്‍ഗങ്ങള്‍ വാഹനത്തിലെത്തിച്ച് വില്‍പ്പന നടത്തിയാണ് അസൈനാര്‍ ഉപജീവനം നടത്തുന്നത്. അസൈനാറിന്റെ വാഹനത്തില്‍ സ്ഥിരമായി ഒരു ബോര്‍ഡും കാണാം. ‘ക്യാന്‍സര്‍ രോഗികള്‍ക്ക് സൗജന്യം’.

അപകടത്തില്‍ പരിക്കു പറ്റി വൈകല്യം സംഭവിച്ച അസൈനാര്‍ തനിക്കാവും വിധം കാരുണ്യ പ്രവര്‍ത്തനങ്ങളില്‍ സജീവമാണ്. ആലക്കോട് തിമിരയിലെ പ്രണവിന്റെ മജ്ജ മാറ്റിവയ്ക്കല്‍ ശസ്ത്രക്രിയയ്ക്ക് തുക കണ്ടെത്താനാണ് അസൈനാര്‍ ചൊവ്വാഴ്ച കച്ചവടത്തിന് ഇറങ്ങിയത്.

അസൈനാറിന്റെ നേതൃത്വത്തിലുള്ള ഇന്‍സ്പയര്‍ വാട്‌സ് ആപ്പ് ഗ്രൂപ്പാണ് ഇതിനായി കാരുണ്യയാത്ര സംഘടിപ്പിച്ചത്. വാഹനവുമായി വിവിധയിടങ്ങളില്‍ എത്തി നെല്ലിക്ക വില്‍പ്പന നടത്തി പണം സ്വരൂപിച്ച് പ്രണവിനെ സഹായിക്കാനാണ് കാരുണ്യ യാത്ര നടത്തിയത്.

യാത്രയുടെ ഉദ്ഘാടനം പെരിങ്ങോം ടൗണില്‍ പൊലീസ് ഇന്‍സ്‌പെക്ടര്‍ എംഇ രാജഗോപാല്‍ നിര്‍വഹിച്ചു. പെരിങ്ങോം വയക്കര പഞ്ചായത്ത് അംഗം വിഎം ഉണ്ണികൃഷ്ണന്‍, പയ്യന്നൂര്‍ ബ്ലോക് പഞ്ചായത്ത് അംഗം രജനി മോഹന്‍, ഇന്‍സ്പയര്‍ ഗ്രൂപ്പ് അഡ്മിന്‍ ഉണ്ണി പുത്തൂര്‍, ഷനില്‍ ചെറുതാഴം അസൈനാര്‍ സംസാരിച്ചു.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

മിക്സ്ചര്‍ കഴിച്ചതിന് പിന്നാലെ ദേഹാസ്വസ്ഥ്യം, അഞ്ച് വയസുകാരന് ദാരുണാന്ത്യം

കുട്ടി കഴിച്ച ആഹാരസാധനങ്ങളുടെ അവശിഷ്ടങ്ങൾ പൊലീസ് ശേഖരിച്ചു

Published

on

തിരുവനന്തപുരം: ക്രിസ്‌മസ് ദിനത്തിൽ ദേഹാസ്വാസ്ഥ്യവും ഛർദ്ദി അനുഭവപ്പെട്ട അഞ്ച് വയസുകാരൻ മരിച്ചു.
മടത്തറ നെല്ലിക്കുന്ന് താഹന മൻസിലിൽ ജമീലിന്റെയും തൻസിയയുടെയും മകൻ മുഹമ്മദ് ഇഷാൻ (5) ആണ് മരിച്ചത്. കുടുംബം കുമ്മിൾ കിഴുനിലയിൽ വാടകയ്ക്കു താമസിച്ചുവരുകയായിരുന്നു. കുമ്മിൾ ഏയ്ഞ്ചൽ സ്കൂൾ എൽ കെ ജി വിദ്യാർഥിയാണ് മരണപ്പെട്ട ഇഷാൻ.

ബുധനാഴ്ച പുലർച്ചെ ഛർദ്ദി അനുഭവപ്പെട്ട കുട്ടിയെ കടയ്ക്കലിലെ സ്വകാര്യ ആശുപത്രിയിൽ പ്രവേശിപ്പിച്ചപ്പോഴേക്കും മരണം സംഭവിച്ചിരുന്നു. തലേദിവസം ബേക്കറിയിൽനിന്നു വാങ്ങിയ മിക്സ്ചർ കഴിച്ചശേഷമാണ് കുട്ടിക്ക് അസ്വസ്ഥത അനുഭവപ്പെട്ടതെന്നാണ് രക്ഷിതാക്കൾ പറയുന്നത്. കുട്ടി കഴിച്ച ആഹാരസാധനങ്ങളുടെ അവശിഷ്ടങ്ങൾ പൊലീസ് ശേഖരിച്ചു. വിശദ പരിശോധനക്ക് ശേഷമേ എന്താണ് കാരണമെന്ന് വ്യക്തമാകു എന്ന് പൊലീസ് അറിയിച്ചു. പോസ്റ്റ്മോർട്ടത്തിനുശേഷം മൃതദേഹം സംസ്കരിച്ചു.

Continue Reading

crime

ദളിത് യുവതിയെ പീഡിപ്പിക്കാന്‍ ശ്രമം; ജിജോ തില്ലങ്കേരി അറസ്റ്റില്‍

വീട്ടില്‍ സാധനം വാങ്ങാന്‍ എത്തിയ ദളിത് യുവതിയെ ജിജോ തില്ലങ്കേരി പീഡിപ്പിക്കാന്‍ ശ്രമിച്ചെന്നാണ് പരാതി

Published

on

കണ്ണൂര്‍: ഷുഹൈബ് വധക്കേസ് പ്രതി ആകാശ് തില്ലങ്കേരിയുടെ കൂട്ടാളി ജിജോ തില്ലങ്കേരി അറസ്റ്റില്‍. ദളിത് യുവതിയെ പീഡിപ്പിക്കാന്‍ ശ്രമിച്ചു എന്ന പരാതിയിലാണ് നടപടി. മുഴക്കുന്ന് പൊലീസ് ആണ് ജിജോയെ അറസ്റ്റ് ചെയ്തത്.

നവംബര്‍ 19നായിരുന്നു കേസിനാസ്പദമായ സംഭവം. വീട്ടില്‍ സാധനം വാങ്ങാന്‍ എത്തിയ ദളിത് യുവതിയെ ജിജോ തില്ലങ്കേരി പീഡിപ്പിക്കാന്‍ ശ്രമിച്ചെന്നാണ് പരാതി. സംഭവം പുറത്തറിഞ്ഞാല്‍ അപായപ്പെടുത്തുമെന്ന് ഭീഷണിപ്പെടുത്തിയെന്നും യുവതി പരാതിയില്‍ പറയുന്നു. ഭയം കൊണ്ടാണ് പരാതി നല്‍കാന്‍ വൈകിയതെന്നും യുവതി ചൂണ്ടിക്കാട്ടി.

Continue Reading

india

തിരുനെല്‍വേലിയില്‍ ആശുപത്രി മാലിന്യം തള്ളി; കരാര്‍ കമ്പനിയെ കരിമ്പട്ടികയില്‍പ്പെടുത്തി

മൂന്ന് വർഷത്തേക്കാണ് നടപടി

Published

on

തിരുവനന്തപുരം: തിരുനെൽവേലിയിൽ ആശുപത്രി മാലിന്യം തള്ളിയ സംഭവത്തിൽ കരാർ കമ്പനിയെ കരിമ്പട്ടികയിൽപ്പെടുത്തി. സൺ ഏജ് കമ്പനിയെയാണ് കരിമ്പട്ടികയിൽപ്പെടുത്തിയത്. മൂന്ന് വർഷത്തേക്കാണ് നടപടി.

തലസ്ഥാനത്തെ അജൈവമാലിന്യങ്ങള്‍ നീക്കം ചെയ്യാന്‍ സര്‍ക്കാര്‍ കരാര്‍ നല്‍കിയ സണേജ് ഇക്കോ സിസ്റ്റംസ് എന്ന കമ്പനിക്കെതിരെയാണ് നടപടി. മാലിന്യനീക്കത്തിന് ചെലവായ തുക ഇവരില്‍ നിന്ന് ഈടാക്കാനും നിര്‍ദേശമുണ്ട്. സംസ്ഥാനത്ത് അജൈവ മാലിന്യങ്ങള്‍ കൈകാര്യം ചെയ്യുന്നതിന് സര്‍ക്കാര്‍ സ്വകാര്യ കമ്പനികള്‍ക്ക് കരാര്‍ നല്‍കിയിരുന്നു. അതിൽപ്പെട്ട കമ്പനിയാണ് സൺ ഏജ്. തിരുവനന്തപുരം ആർസിസിയിലെ മാലിന്യങ്ങൾ കൈകാര്യം ചെയ്തിരുന്നത് സൺ ഏജ് ആയിരുന്നു. ഇവർ മറ്റൊരു ഏജൻസിക്ക് ഉപകരാർ നൽകുകയായിരുന്നു.

ഈ ഏജൻസിയാണ് തമിഴ്‌നാട്ടിലെ തിരുനെൽവേലിയിൽ മാലിന്യം തള്ളിയത്. 16 ടൺ മാലിന്യമാണ് തിരുനെൽവേലിയിൽ തള്ളിയത്. തമിഴ്‌നാട് ഈ വിഷയം ഉന്നയിച്ചതോടെ സർക്കാർ അടിയന്തരമായി ഇടപെട്ട് മാലിന്യം മാറ്റിയിരുന്നു. തുടർന്നാണ് കമ്പനിയുടെ കരാർ റദ്ദാക്കാൻ തീരുമാനിച്ചത്.

Continue Reading

Trending