നെല്ലായ മാരായമംഗലം സ്വദേശി പറക്കാട്ടു തൊടി മുഹമ്മദ്‌ അലി (58 വയസ്സ് ) മനാമയിലെ താമസസ്ഥലത്ത് കുഴഞ്ഞു വീണു മരിച്ചു .കഴിഞ്ഞ 25 വർഷത്തിൽ അധികമായി ബഹ്‌റൈനിൽ ഉള്ള മുഹമ്മദ്‌അലി നിലവിൽ മനാമ യതീം സെന്ററിന് സമീപം ഒരു കഫ്റ്റീരിയയിൽ ജോലി ചെയ്തു വരികയായിരുന്നു.  ഭാര്യ: നഫീസ, മക്കള്‍ ഫായിസ്,ഫമിന നസ്റിന്‍,ഫസ്ന . മരുമക്കള്‍-മുഹമ്മദ് ഫൈസല്‍ ഫിറോസ്,ഫാത്തിമത്ത് സിയാന . പിതാവ് പരേതനായ മുഹമ്മദ്, മാതാവ് പരേതയായ ഖദീജ. നടപടി ക്രമങ്ങൾ പൂർത്തിയാക്കി മൃതദേഹം നാട്ടിൽ കൊണ്ട് പോകുവാൻ കെഎംസിസി ബഹ്‌റൈൻ മയ്യിത്ത് പരിപാലന വിംഗിന്റെ നേതൃത്വത്തിൽ പ്രവർത്തനങ്ങൾ നടക്കുന്നു

മദീന: മദീന ഇന്ത്യൻ ഫുടുമ്പോൾ അസോ ഷിയേഷൻ്റെ (മിഫ) നേതൃത്വത്തിൽ സംഘടിപ്പിക്കുന്ന ചാമ്പ്യൻസ് ലീഗിന് തുടക്കം കുറിച്ചു. മദീനയിലെ ഇന്ത്യൻ ഫുടു ബോൾ മേഖലയിലെ പ്രമുഖരായ ക്ലബ്ബുകളുടെ പങ്കാളിത്വത്തോടെ ഒരു മാസത്തോളം നീണ്ട് നിൽക്കുന്ന മത്സരങ്ങളുടെ ഉത്ഘാടനം മീഖാത്ത് റോഡിലുള്ള സദ്ധാം ഫ്ലഡ് ലൈറ്റ് സ്റ്റേഡിയത്തിൽ വെച്ച് നടന്നു.

മദീനയിലെ പ്രവാസി മലയാളികളുടെ രാഷ്ട്രീയ സാമൂഹിക സാംസ്കാരിക രംഗത്തെ പ്രമുഖരുടെ സാനിധ്യത്തിൽ നടന്ന ചടങ്ങ് അൽ അബീർ മെഡിക്കൽ ഗ്രൂപ്പ് മാർക്കറ്റിംഗ് മാനേജർ അലി ഹുസൈൻ ഉത്ഘാടനം ചെയ്തു. വിവിധ സാംസ്കാരിക സംഘടനകളുടെ നേതൃത്വത്തിലുള്ള കലാപരിപാടികളും ടീമുകളുടെ മാർച്ച് പാസ്റ്റും ഉത്ഘാടന വേളയിൽ അരങ്ങേറി.

പ്രവാസി സമൂഹത്തിൻ്റെ വൻ ജനപങ്കാളിത്വത്തോടെ നടന്ന ചടങ്ങിൽ അഷറഫ് ചൊക്ളി, ഹമീദ് പെരുപറമ്പിൽ, നിസാർ കരുനാഗപ്പള്ളി,നജീബ് പത്തനംതിട്ട,ഡോ: ഫാറൂഖ്, മെഹബൂബ് കീഴ്പ്പറമ്പ്,കോയ സംസം, സുഹുർ കിസ്മത്ത്,സമദ് ടോപ് ഫോം, കബീർ ബിരിയാണി സ്പോട്,നിസാർ കൊടിയത്തൂർ,അൽത്താഫ് കൂട്ടിലങ്ങാടി, ഷംസു എന്നിവർ സംബന്തിച്ചു.

ഹിഫ്സു റഹ്മാൻ ,മുനീർ പടിക്കൽ,ഫൈസൽ വടക്കൻ, അജ്മൽ ആബിദ്,ജലീൽ പാലൂർ, ജാഫർ കാവാടൻ, ഗഫൂർ പട്ടാമ്പി, ഹംസ മണ്ണാർക്കാട്,ഹാരിസ് പേരാമ്പ്ര, നിസാർ മേപയൂർ, സുഹൈൽ നഹാസ്, ജദീർ തങ്ങൾ, സഹദ് അസ്ഹരി എന്നിവർ പരിപാടിക്ക് നേതൃത്വം നൽകി.

ദമ്മാം: ഉത്തരേന്ത്യൻ ജനതയുടെ ശാക്തീകരണം ലക്ഷ്യം വെച്ച് ബീഹാറിലെ കിഷൻഗഞ്ചിൽ പ്രവർത്തിക്കുന്ന ഖുർത്വുബ ഫൗണ്ടേഷൻറെ പ്രവർത്തനങ്ങൾക്ക് ദമ്മാമിൽ ഐക്യദാർഢ്യം.

ഖുർത്വുബ ഇൻസ്റ്റിറ്റ്യൂട്ട് ഓഫ് അകാദമിക് എക്സലൻസിൻറെ കർമ്മപദ്ധതികൾക്ക് പിന്തുണ പ്രഖ്യാപിച്ച് ദമ്മാമിൽ ‘തകാതുഫ്’ പ്രവർത്തകസമിതി രൂപീകരിച്ചു.
സഊദി ഈസ്റ്റേൺ പ്രൊവിൻസിൻറെ വിവിധ ഭാഗങ്ങളിൽ നിന്നുള്ള പതിനാലംഗ സമിതി പ്രവർത്തങ്ങൾക്ക് നേതൃത്വം നൽകുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു.

ഇന്ത്യയിൽ വിദ്യാഭ്യാസപരമായി ഏറ്റവും പിന്നാക്കം നിൽക്കുന്ന സംസ്ഥാനങ്ങളിലൊന്നാണ് ബീഹാർ. ഇവിടെ ന്യൂനപക്ഷവിഭാഗങ്ങൾ കൂടുതലുള്ള കിഷൻഗഞ്ച് ജില്ല ആസ്ഥാനമായി നോർത്ത് ഇന്ത്യയുടെ നാനോന്മുഖ പുരോഗതിക്ക് ആവശ്യമായത് ചെയ്യുകയും രാഷ്ട്ര നിർമാണ പ്രക്രിയകളിൽ അവരുടെ പങ്കാളിത്തം ഉറപ്പ് വരുത്തുകയും ചെയ്യുക എന്നതാണ് ഖുർതുബ ഫൗണ്ടേഷൻറെ ലക്ഷ്യം.

ഇതിനായി ഗവൺമെൻറ് സ്കൂളുകൾ, മഹല്ലുകൾ, ദളിത് ഗ്രാമങ്ങൾ തുടങ്ങിയവ കേന്ദ്രികരിച്ച് വിവിധ ശാക്തീകരണ പ്രവർത്തനങ്ങൾ ഫൗണ്ടേഷനു കീഴിൽ നടന്നുകൊണ്ടിരിക്കുന്നു. ഭിന്ന ശേഷിക്കാർക്കായി തണൽ സ്പെഷ്യൽ സ്കൂൾ, കാഫിൽ എജു വില്ലേജ്, പബ്ലിക് സ്കൂൾ, ലേണേഴ്സ് ക്ലിനിക്, ആർട്സ് ആൻറ് സയൻസ് കോളേജ്, ലേണിംഗ് സെൻറർ, റോപ് – കരിയർ ഗൈഡൻസ് സെൻറർ, ഖുർആൻ അകാദമി തുടങ്ങിയവ അതിൽ ചിലതാണ്. കേവല രാഷ്ട്രീയ നേട്ടങ്ങൾക്കപ്പുറം ഒരു ജനതയുടെ സമഗ്ര പരിവർത്തനമാണ് ഖുർഥുബ ലക്ഷ്യമിടുന്നതെന്നും ഭാരവാഹികൾ വെക്തമാക്കി.

ഖുർത്വുബ ഡയറക്ടർ ഡോ. സുബൈർ ഹുദവിയുടെ നേത്തൃത്വത്തിലാണ് തകാതുഫ് കമ്മിറ്റി രൂപീകരണം നടന്നത്.മുഹമ്മദ് കുട്ടി കോഡൂർ, ഫൈസൽ ഇരിക്കൂർ, സവാദ് ഫൈസി, ജമാൽ മീനങ്ങാടി, മുഹമ്മദ് കുട്ടി ഖഫ്ജി, ഫസൽ മഞ്ചേരി, .ഒ.പി ഹബീബ്, മഹ്മൂദ് പൂക്കാട്, ഹിശാം അൽകോബാർ, ബശീർ പാങ്ങ്, ഉമർ ഓമശേരി, മജീദ് കൊടുവള്ളി, റഹ്മാൻ കാരയാട്, ഫൈസൽ കൊടുമ എന്നിവരാണ് തെരഞ്ഞെടുക്കപ്പെട്ട തകാതുഫ് അംഗങ്ങൾ. ഡോ. സുബൈർ ഹുദവി, അബൂ ജിർഫാസ് മൗലവി, അബ്ദുൽ മജീദ് കൊടുവള്ളി, ആലിക്കുട്ടി ഒളവട്ടൂർ, സുഹൈൽ ഹുദവി എന്നിവർ പത്രസമ്മേളനത്തിൽ പങ്കെടുത്തു.