Video Stories
ഐ.എസ്.എല്‍6: ഉദ്ഘാടനമത്സരം കൊച്ചിയില്‍, എതിരാളികള്‍ എ.ടി.കെ
കൊച്ചി: ഇന്ത്യന്‍ സൂപ്പര്‍ ലീഗ് ആറാം പതിപ്പിന്റെ ഉദ്ഘാടന മത്സരത്തിന് കൊച്ചി വേദിയാവും. ഒക്ടോബര്‍ 20ന് നടക്കുന്ന മത്സരത്തില്‍ എ.ടി.കെയാണ് എതിരാളികള്‍. വൈകിട്ട് 7.30നാണ് കിക്കോഫ്. കഴിഞ്ഞ സീസണിലും ഇരുടീമുകളും തമ്മിലായിരുന്നു ഉദ്ഘാടന മത്സരം. കൊല്‍ക്കത്തയായിരുന്നു വേദി. ഇത്തവണ ഉദ്ഘാടന മത്സരത്തിന് കൊച്ചി വേദിയൊരുക്കുമെന്ന് ചന്ദ്രിക നേരത്തെ റിപ്പോര്‍ട്ട്് ചെയ്തിരുന്നു. 2017ലും കൊച്ചി ഉദ്ഘാടന മത്സരത്തിന് വേദിയൊരുക്കിയിരുന്നു. മൂന്നാം സീസണില്‍ ഫൈനലിന് വേദിയൊരുക്കിയതും കൊച്ചി തന്നെ. 2020 ഫെബ്രുവരി 23 വരെ നീളുന്ന സീസണില്‍ പ്രാഥമിക തലത്തില്‍ ആകെ 90 മത്സരങ്ങളുണ്ടാവും. വാരാന്ത്യങ്ങളില്‍ കൂടുതല്‍ മത്സരങ്ങള്‍ ഉള്‍പ്പെടുത്തിയിരുന്ന കഴിഞ്ഞ തവണത്തെ രീതി ഇത്തവണ മാറ്റി. മിക്ക ദിവസങ്ങളിലും തുടര്‍ച്ചയായി മത്സരമുണ്ട്. വൈകിട്ട് 7.30നാണ് എല്ലാ മത്സരങ്ങളുടെയും കിക്കോഫ്. സെമിഫൈനല്‍, ഫൈനല്‍ മത്സരങ്ങളുടെ തീയതിയും വേദിയും പ്രഖ്യാപിച്ചിട്ടില്ല. കഴിഞ്ഞ സീസണില്‍ കളിച്ച പത്ത് ടീമുകളാണ് ഇത്തവണയും മത്സരിക്കുന്നത്. എഫ്.സി പൂനെ സിറ്റി പേര് മാറ്റി കളത്തിലിറങ്ങുമെന്ന് നേരത്തെ വാര്‍ത്തകളുണ്ടായിരുന്നെങ്കിലും ഔദ്യോഗിക ഫിക്‌സ്ചറില്‍ ആ മാറ്റമില്ല.
മികച്ച തയ്യാറെടുപ്പുകളാണ് പുതിയ സീസണിനായി കേരള ബ്ലാസ്‌റ്റേഴ്‌സ് നടത്തുന്നത്. അടിമുടി മാറ്റത്തോടെ ഇറങ്ങുന്ന ടീം യു.എ.ഇയിലാണ് പ്രീസീസണ്‍ ടൂര്‍ നടത്തുന്നത്. ഇതിന് മുന്നോടിയായി ഈ മാസം 25ന് ടീം കൊച്ചിയില്‍ ഒത്തുചേരും. ഇതിന് ശേഷമായിരിക്കും യു.എ.ഇയിലേക്ക് പുറപ്പെടുക. നോര്‍ത്ത് ഈസ്റ്റ് മുന്‍ പരിശീലകന്‍ എല്‍ക്കോ ഷട്ടോരിയാണ് ഇത്തവണ ബ്ലാസ്‌റ്റേഴ്‌സിനെ പരിശീലിപ്പിക്കുന്നത്. നെലോ വിന്‍ഗാദക്ക് പകരമായാണ് ഷറ്റോരിയുടെ നിയമനം. അസി.കോച്ചായിരുന്ന തോങ്‌ബോയ് സിങ്‌തോയെയും ടീം മാറ്റി. സി.ഇ.ഒ സ്ഥാനത്തും മാറ്റം വന്നു. സ്പാനിഷ് താരങ്ങളായ മരിയോ ആര്‍ക്വസ്, സെര്‍ജിയോ സിഡോഞ്ഞ, നൈജീരിയയുടെ ബെര്‍ത്തലോ ഒഗ്‌ബെച്ചെ, ഡച്ച് താരം ജിയാനി സുയിവര്‍ലൂണ്‍, സെനഗല്‍ മിഡ്ഫീല്‍ഡര്‍ മുസ്തഫ ഗിനിങ്, ബ്രസീല്‍ ഡിഫന്‍ഡര്‍ ജെറോ റോഡിഗ്രസ് എന്നിവര്‍ക്കൊപ്പം നിരവധി ഇന്ത്യന്‍ താരങ്ങളെയും ക്ലബ്ബ് ഇത്തവണ പുതുതായി ടീമിലെത്തിച്ചിട്ടുണ്ട്.
ബ്ലാസ്‌റ്റേഴ്‌സിന്റെ ഷെഡ്യൂള്‍ ഇങ്ങനെ.
ഹോം മത്സരങ്ങള്‍: ഒക്ടോബര്‍ 20എ.ടി.കെ, 24മുംബൈ, നവംബര്‍8ഡെല്‍ഹി ഡൈനാമോസ് എഫ്.സി, ഡിസംബര്‍1എഫ്.സി ഗോവ, 13ജംഷെഡ്പൂര്‍ എഫ്.സി, 28നോര്‍ത്ത് ഈസ്റ്റ് യുണൈറ്റഡ് എഫ്.സി, ജനുവരി5എഫ്.സി പൂനെ സിറ്റി, ഫെബ്രുവരി1ചെന്നൈയിന്‍ എഫ്.സി, 15ബെംഗളൂരു എഫ്.സി,
എവേ മത്സരങ്ങള്‍: നവംബര്‍2എഫ്.സി പൂനെ സിറ്റി, 23ബെംഗളൂരു എഫ്.സി, ഡിസംബര്‍5, മുംബൈ സിറ്റി എഫ്.സി, 20ചെന്നൈയിന്‍ എഫ്.സി, ജനുവരി12എ.ടി.കെ, 19ജംഷഡ്പൂര്‍ എഫ്.സി, 25എഫ്.സി ഗോവ, ഫെബ്രുവരി9നോര്‍ത്ത് ഈസ്റ്റ് യുണൈറ്റഡ് എഫ്.സി, 23ഡെല്‍ഹി ഡൈനാമോസ് എഫ്.സി.
News
രാജ്യത്തിനായി ഞായറാഴ്ച്ച പ്രത്യേക പ്രാര്‍ത്ഥന; ആഹ്വാനവുമായി മലങ്കര ഓര്‍ത്തഡോക്‌സ് സഭ
അതിര്‍ത്തി സംരക്ഷിക്കുന്ന സൈനികര്‍ സുരക്ഷിതരായിരിക്കാന്‍ പ്രാര്‍ത്ഥിക്കണമെന്നും യുദ്ധത്തിലേക്ക് നീങ്ങാതെ സമാധാനം പുനഃസ്ഥാപിക്കപ്പെടാന്‍ വേണ്ടി പ്രാര്‍ത്ഥിക്കണമെന്നും പരിശുദ്ധ കാതോലിക്കാബാവാ ആവശ്യപ്പെട്ടു.
രാജ്യത്തിനായി ഞായറാഴ്ച്ച പ്രത്യേകം പ്രാര്‍ത്ഥന നടത്താന്‍ ആഹ്വാനവുമായി മലങ്കര ഓര്‍ത്തഡോക്‌സ് സഭ. ഭാരതത്തിനും, സൈനികര്‍ക്കും, അതിര്‍ത്തിയിലെ ജനസമൂഹത്തിനും വേണ്ടി പ്രത്യേക പ്രാര്‍ത്ഥന നടത്തണമെന്ന് പരിശുദ്ധ ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവാ ആഹ്വാനം ചെയ്തു.
അതിര്‍ത്തി സംരക്ഷിക്കുന്ന സൈനികര്‍ സുരക്ഷിതരായിരിക്കാന്‍ പ്രാര്‍ത്ഥിക്കണമെന്നും യുദ്ധത്തിലേക്ക് നീങ്ങാതെ സമാധാനം പുനഃസ്ഥാപിക്കപ്പെടാന്‍ വേണ്ടി പ്രാര്‍ത്ഥിക്കണമെന്നും പരിശുദ്ധ കാതോലിക്കാബാവാ ആവശ്യപ്പെട്ടു. ഞായറാഴ്ച്ച വിശുദ്ധ കുര്‍ബാന മധ്യേ മലങ്കരസഭയിലെ മുഴുവന്‍ പള്ളികളിലും രാജ്യത്തിന് വേണ്ടി പ്രാര്‍ത്ഥന നടത്തുമെന്നും അദ്ദേഹം പറഞ്ഞു.
അതേസമയം ഇന്ത്യയുടെ തിരിച്ചടിയില്‍ പാകിസ്താന് വന്‍ നാശനഷ്ടമുണ്ടായതായും റിപ്പോര്‍ട്ടുണ്ട്.
kerala
താമരശ്ശേരി ഷഹബാസ് കൊലക്കേസ്: കുറ്റാരോപിതരായ വിദ്യാര്‍ത്ഥികളുടെ എസ്.എസ്.എല്‍.സി പരീക്ഷാ ഫലം പ്രസിദ്ധീകരിച്ചില്ല
വിദ്യാര്‍ത്ഥികള്‍ കേസില്‍ പ്രതികളായ സാഹചര്യത്തിലാണ് പരീക്ഷാ ഫലം തടഞ്ഞുവെച്ചിരിക്കുന്നത്.
താമരശ്ശേരി ഷഹബാസ് കൊലക്കേസില്‍ കുറ്റാരോപിതരായ ആറ് വിദ്യാര്‍ത്ഥികളുടെയും എസ്.എസ്.എല്‍.സി പരീക്ഷാ ഫലം പ്രസിദ്ധീകരിച്ചില്ല. വിദ്യാര്‍ത്ഥികള്‍ കേസില്‍ പ്രതികളായ സാഹചര്യത്തിലാണ് പരീക്ഷാ ഫലം തടഞ്ഞുവെച്ചിരിക്കുന്നത്. അതേസമയം ഇവരുടെ ഫലം പ്രസിദ്ധീകരിക്കാത്തത് എന്തുകൊണ്ടെന്ന് അറിയില്ലെന്ന് താമരശ്ശേരി ജി വി എച്ച് എസ് എസ് അധികൃതര്‍ വ്യക്തമാക്കി.
കേസില്‍ കുറ്റാരോപിതരായ് വിദ്യാര്‍ത്ഥികള്‍ നിലവില്‍ വെള്ളിമാടുകുന്ന് ഒബ്‌സര്‍വേഷന്‍ ഹോമിലാണ്. വിദ്യാര്‍ത്ഥികളെ എസ്.എസ്.എല്‍.സി പരീക്ഷ എഴുതാന്‍ അനുവദിച്ചത് വലിയ വിവാദത്തിലേക്ക് നയിച്ചിരുന്നു. പരീക്ഷാ സെന്ററുകളിലേക്കടക്കം വിദ്യാര്‍ഥി -യുവജന സംഘടനകള്‍ കടുത്ത പ്രതിഷേധം നടത്തിയിരുന്നു.
എളേറ്റില്‍ വട്ടോളി എം.ജെ. ഹയര്‍സെക്കന്‍ഡറി സ്‌കൂള്‍ പത്താം ക്ലാസ് വിദ്യാര്‍ഥിയായിരുന്നു മരിച്ച മുഹമ്മദ് ഷഹബാസ്.
പഞ്ചാബിലെ എസ്ബിഎസ് നഗറില്‍ നിന്ന് 2 ആര്‍പിജികളും 5 ഹാന്‍ഡ് ഗ്രനേഡുകളും കണ്ടെടുത്തു. എസ്ബിഎസ് നഗറിലെ ടിബ്ബ നംഗല്‍ കുലാര്‍ റോഡിന് സമീപമുള്ള വനമേഖലയില്‍ നിന്ന് രണ്ട് റോക്കറ്റ് പ്രൊപ്പല്‍ഡ് ഗ്രനേഡുകളും അഞ്ച് ഹാന്‍ഡ് ഗ്രനേഡുകളും ഉള്‍പ്പെടെ വെടിമരുന്ന് ശേഖരം കണ്ടെടുത്തതായി സംസ്ഥാന പോലീസ് മേധാവി ചൊവ്വാഴ്ച പറഞ്ഞു.
പഞ്ചാബിലെ സ്ലീപ്പര്‍ സെല്ലുകളെ പുനരുജ്ജീവിപ്പിക്കാന്‍ പാകിസ്ഥാനിലെ ഭീകരസംഘടനകള്‍ നടത്തിയ കോര്‍ഡിനേറ്റഡ് ഓപ്പറേഷനാണ് പ്രാഥമിക അന്വേഷണം സൂചിപ്പിക്കുന്നത്,” ഡയറക്ടര്‍ ജനറല്‍ ഓഫ് പോലീസ് ഗൗരവ് യാദവ് എക്സില്‍ ഒരു പോസ്റ്റില്‍ പറഞ്ഞു.
ഒരു കേന്ദ്ര ഏജന്‍സിയുമായി ചേര്‍ന്ന് നടത്തിയ സംയുക്ത ഓപ്പറേഷനില്‍, എസ്ബിഎസ് നഗറിലെ ടിബ്ബ നംഗല്‍ കുലാര്‍ റോഡിന് സമീപമുള്ള വനമേഖലയില്‍ നിന്ന് രഹസ്യാന്വേഷണ വിഭാഗത്തിന്റെ നേതൃത്വത്തില്‍ നടത്തിയ ഓപ്പറേഷനില്‍ പഞ്ചാബ് പോലീസ് തീവ്രവാദ ഹാര്‍ഡ്വെയര്‍ ശേഖരം കണ്ടെടുത്തു.
രണ്ട് ആര്‍പിജികള്‍, രണ്ട് ഇംപ്രൊവൈസ്ഡ് എക്സ്പ്ലോസീവ് ഡിവൈസുകള്‍ (ഐഇഡി), അഞ്ച് ഹാന്‍ഡ് ഗ്രനേഡുകള്‍, ഒരു വയര്‍ലെസ് കമ്മ്യൂണിക്കേഷന്‍ സെറ്റ് എന്നിവ കണ്ടെടുത്തതായി അദ്ദേഹം പറഞ്ഞു.
അമൃത്സറിലെ സ്റ്റേറ്റ് സ്പെഷ്യല്‍ ഓപ്പറേഷന്‍ സെല്ലിന്റെ പോലീസ് സ്റ്റേഷനില്‍ ബന്ധപ്പെട്ട വകുപ്പുകള്‍ പ്രകാരം കേസ് രജിസ്റ്റര്‍ ചെയ്തിട്ടുണ്ട്.
-
india3 days agoസോഫിയ ഖുറേഷിക്കെതിരായ വിവാദ പരാമര്ശം; വനിതാ കമ്മിഷനില് പരാതി നല്കി ദേശീയ വനിതാ ലീഗ്
-
kerala3 days agoപള്ളിയിലെ കിടപ്പുമുറിയില് വൈദികനെ മരിച്ച നിലയില് കണ്ടെത്തി
-
News2 days agoട്രംപ് ഭരണകൂടം തടവിലാക്കിയ ഇന്ത്യന്‍ വിദ്യാര്ത്ഥിയെ മോചിപ്പിക്കാന് ജഡ്ജി ഉത്തരവിട്ടു
-
india3 days agoഇന്ത്യയുടെ എതിര്പ്പിനു പിന്നാലെ പാകിസ്ഥാന് വീണ്ടും ഐഎംഎഫ് സഹായം
-
india3 days ago‘ഞങ്ങള് രാഷ്ട്രത്തോടൊപ്പം നില്ക്കുന്നു’: ദേശീയ സുരക്ഷ ചൂണ്ടിക്കാട്ടി തുര്ക്കിയിലെ സര്വകലാശാലയുമായുള്ള കരാര് റദ്ദാക്കി ജെഎന്യു
-
india3 days agoകേണല് സോഫിയ ഖുറേഷിക്കെതിരായ വിവാദ പരാമര്ശം; ബിജെപി മന്ത്രിക്കെതിരെ കേസെടുത്ത് മധ്യപ്രദേശ് ഹൈക്കോടതി
-
kerala3 days agoപാലക്കാട് ബെവ്കോയ്ക്ക് മുന്നിലുണ്ടായ തര്ക്കത്തിനിടെ ഒരാള് കുത്തേറ്റ് മരിച്ചു
-
india3 days agoമുസ്ലിം ലീഗ് ദേശീയ കൗണ്സില് നാളെ ചെന്നൈയില്