Connect with us

Video Stories

വന്‍കിട എണ്ണ വ്യവസായ പദ്ധതികള്‍ തുടങ്ങി

Published

on

ദഹ്‌റാന്‍: ലോകത്തെ ഏറ്റവും വലിയ എണ്ണക്കമ്പനിയായ സഊദി അരാംകൊയുടെ വന്‍കിട എണ്ണ വ്യവസായ പദ്ധതികള്‍ സഊദി ഭരണാധികാരി സല്‍മാന്‍ രാജാവ് രാജ്യത്തിന് സമര്‍പ്പിച്ചു. ദഹ്‌റാനില്‍ അരാംകൊ നിര്‍മിച്ച കിംഗ് അബ്ദുല്‍ അസീസ് ഇന്റര്‍നാഷണല്‍ കള്‍ച്ചറല്‍ സെന്ററും രാജാവ് ഉദ്ഘാടനം ചെയ്തു.

പ്രതിദിനം ഒമ്പത് ലക്ഷം ബ യാമ്പു അരാംകൊ സിനോപെക് റിഫൈനിംഗ് കമ്പനി (യാസ്‌റഫ്), സഊദി അരാംകൊ ടോട്ടല്‍ റിഫൈനിംഗ് ആന്റ് പെട്രോകെമിക്കല്‍ കമ്പനി (സാറ്റോര്‍പ്) എന്നീ സംയുക്ത പദ്ധതികള്‍ക്ക് കീഴിലെ റിഫൈനറികള്‍ക്ക് ആവശ്യമായ ക്രൂഡ് ഓയില്‍ മനീഫ പദ്ധതിയില്‍നിന്നു ലഭ്യമാക്കും. പ്രാദേശിക, ആഗോള തലത്തില്‍ വര്‍ധിച്ചു വരുന്ന എണ്ണയാവശ്യം നേരിടുന്നതിനും ആഗോള എണ്ണ വിപണിയിലെ വിഹിതം നിലനിര്‍ത്തുന്നതിനും മനീഫ എണ്ണപ്പാടത്തെ ഉല്‍പാദനശേഷി വര്‍ധിപ്പിച്ചതിലൂടെ സാധിക്കും.

വാസിത് ഗ്യാസ് പ്ലാന്റും സല്‍മാന്‍ രാജാവ് ഇന്നലെ ഉദ്ഘാടനം ചെയ്തു. രാജ്യത്തിന്റെ ഗ്യാസ് സംസ്‌കരണ ശേഷി ഉയര്‍ത്താന്‍ പദ്ധതി സഹായിക്കും. ദിവസവും രണ്ടര ബില്യണ്‍ ക്യുബിക് അടി ഗ്യാസ് സംസ്‌കരിക്കാന്‍ ശേഷിയുളള പ്ലാന്റാണ് നിര്‍മിച്ചിരിക്കുന്നത്. ദിവസവും 1.7 ബില്യണ്‍ ക്യുബിക് അടി ഗ്യാസ് സഊദി അരാംകൊയുടെ പ്രധാന ഗ്യാസ് പൈപ്പ്‌ലൈനില്‍ എത്തിക്കുന്നതിന് വാസിത് പ്ലാന്റിന് സാധിക്കും. രാജ്യത്ത് പെട്രോകെമിക്കല്‍, വ്യവസായ മേഖലയില്‍ വലിയ വളര്‍ച്ചയുണ്ടാക്കുന്നതിനും വന്‍തോതില്‍ തൊഴിലവസരങ്ങള്‍ സൃഷ്ടിക്കുന്നതിനും പദ്ധതി വഴിവെക്കും.
ഖുറൈസ് ഓയില്‍ ഫീല്‍ഡ് വികസന പദ്ധതിയാണ് സല്‍മാന്‍ രാജാവ് ഇന്നലെ ഉദ്ഘാടനം ചെയ്ത മറ്റൊരു പ്രധാന പദ്ധതി. ഖുറൈസ് വികസന പദ്ധതി പൂര്‍ത്തിയാക്കിയതോടെ പ്രതിദിനം എണ്ണ ഉല്‍പാദന ശേഷി 12 ദശലക്ഷം ബാരലായി ഉയര്‍ത്തുന്നതിന് അരാംകൊക്കു കഴിഞ്ഞു. ലോകത്തെ ഏറ്റവും വലിയ എണ്ണ വിതരണക്കാരെന്ന പദവി നിലനിര്‍ത്തുന്നതിന് ഖുറൈസ് ഓയില്‍ഫീല്‍ഡ് വികസന പദ്ധതി സഊദി അറേബ്യയെ സഹായിക്കും. 2009 ജൂണിലാണ് ഖുറൈസ് പദ്ധതിയില്‍ എണ്ണയുല്‍പാദനം ആരംഭിച്ചത്.

ഖുറൈസ് പദ്ധതിയുടെ പ്രതിദിന ഉല്‍പാദന ശേഷി 12 ലക്ഷം ബാരല്‍ ക്രൂഡ് ഓയിലാണ്. വാതക സംസ്‌കരണത്തിനുള്ള മറ്റൊരു പ്ലാന്റും ഇവിടെയുണ്ട്. എഴുപതിനായിരം ബാരല്‍ സാന്ദ്രീകൃത വാതകവും 42 കോടി ക്യുബിക് അടി പ്രകൃതി വാതകവും ഉല്‍പാദിപ്പിക്കുന്നതിന് പ്ലാന്റിന് ശേഷിയുണ്ട്. മുന്നൂറിലേറെ എണ്ണ, പ്രകൃതി വാതക കിണറുകള്‍ ഖുറൈസില്‍ കുഴിച്ചിട്ടുണ്ട്.
റുബ്ഉല്‍ഖാലി മരുഭൂമിയിലെ അല്‍ശൈബ എണ്ണപ്പാട വികസന പദ്ധതിയും സല്‍മാന്‍ രാജാവ് ഇന്നലെ രാഷ്ട്രത്തിന് സമര്‍പ്പിച്ചു. ജനവാസ കേന്ദ്രത്തില്‍ നിന്ന് കിലോമീറ്ററുകള്‍ ദൂരെയാണ് അല്‍ശൈബ എണ്ണപ്പാടം.

വികസന പദ്ധതി നടപ്പാക്കിയതിലൂടെ അല്‍ശൈബ പദ്ധതിയുടെ പ്രതിദിന ഉല്‍പാദന ശേഷിയില്‍ രണ്ടര ലക്ഷം ബാരലിന്റെ വര്‍ധനവുണ്ടായി. ഇതോടെ അല്‍ശൈബ പദ്ധതി പ്രദേശത്തെ പ്രതിദിന ഉല്‍പാദനം പത്ത് ലക്ഷം ബാരലായി ഉയര്‍ന്നു. 1998 ല്‍ പദ്ധതി പ്രവര്‍ത്തനം ആരംഭിച്ചപ്പോള്‍ അഞ്ച് ലക്ഷം ബാരലായിരുന്നു ഉല്‍പാദന ശേഷി. പലഘട്ടങ്ങളിലായി നടപ്പാക്കിയ വികസന പദ്ധതിയിലൂടെ ഉല്‍പാദന ശേഷി ഇരട്ടിയായി ഉയര്‍ന്നു.

അല്‍ ശൈബയില്‍ വാതകം വേര്‍തിരിച്ചെടുക്കുന്നതിനുള്ള പുതിയ പ്ലാന്റും അരാംകൊ ആരംഭിച്ചിട്ടുണ്ട്. 2015 അവസാനത്തില്‍ ഇത് പ്രവര്‍ത്തിച്ച് തുടങ്ങി. പ്രതിദിനം 2.4 ബില്യണ്‍ ക്യുബിക് അടി പ്രകൃതി വാതകവും ഈഥെയ്ന്‍ അടങ്ങിയ രണ്ടേമുക്കാല്‍ ലക്ഷം ബാരല്‍ പ്രകൃതി വാതകവും ഉല്‍പാദിപ്പിക്കുന്നതിന് പ്ലാന്റിന് ശേഷിയുണ്ട്. അരാംകൊ സഊദി സമൂഹത്തിന് നല്‍കുന്ന ഏറ്റവും വലിയ ഉപഹാരമാണ് കിംഗ് അബ്ദുല്‍ അസീസ് അന്താരാഷ്ട്ര കള്‍ച്ചറല്‍ സെന്ററെന്ന് ഊര്‍ജ, വ്യവസായ വകുപ്പു മന്ത്രി എഞ്ചിനീയര്‍ ഖാലിദ് അല്‍ഫാലിഹ് പറഞ്ഞു.

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

ഒരു പേനയുടെ ബലം കൊണ്ട് നിര്‍ണയിക്കാന്‍ കഴിഞ്ഞ മനുഷ്യനായിരുന്നു എം.ടി.വാസുദേവന്‍ നായര്‍; പ്രതിപക്ഷ നേതാവ്‌

കാലം ആവശ്യപ്പെട്ടതു കാലാതിവര്‍ത്തിയായി നിറവേറ്റിയ ഇതിഹാസമാണ്‌ എംടി.

Published

on

തിരുവനന്തപുരം : ഒരു ജനതയാകെ മാതൃഭാഷ എങ്ങനെ എഴുതണം, എങ്ങനെ പറയണം എന്ന് ഒരു പേനയുടെ ബലം കൊണ്ട് നിര്‍ണയിക്കാന്‍ കഴിഞ്ഞ മനുഷ്യനായിരുന്നു എം.ടി.വാസുദേവന്‍ നായരെന്നു പ്രതിപക്ഷ നേതാവ് വി.ഡി.സതീശന്‍ അനുസ്മരിച്ചു. ചവിട്ടി നില്‍ക്കുന്ന മണ്ണിനെയും ചുറ്റുമുള്ള മനുഷ്യരെയും പ്രകൃതിയെയും ആദരവോടെയും ആഹ്‌ളാദത്തോടെയും നോക്കിക്കാണാന്‍ അദ്ദേഹം മലയാളിയെ പഠിപ്പിച്ചു. മലയാളത്തിന്റെ പുണ്യവും നിറവിളക്കുമായി നിറഞ്ഞുനിന്ന എംടി രാജ്യത്തിന്റെ ഔന്നത്യമായിരുന്നു. മലയാള ഭാഷയുടെ ഇതിഹാസം. സ്വന്തം ജീവിതം കൊണ്ട് അദ്ദേഹം തീര്‍ത്തതു കേരളത്തിന്റെ തന്നെ സംസ്‌കാരിക ചരിത്രമാണ്. വാക്കുകള്‍ തീവ്രമായിരുന്നു. പറയാനുള്ളതുനേരെ പറഞ്ഞു. ആശയങ്ങള്‍ സ്പഷ്ടമായിരുന്നു. ഭയം അദ്ദേഹത്തിന്റെ്‌റെ ഒരു വാക്കിനെ പോലും പിറകോട്ട് വലിച്ചില്ല.അങ്ങനെയുള്ളവരാണു കാലത്തെ അതിജീവിക്കുന്നത്.

ആ പേനയില്‍നിന്ന് ‘ഇത്തിരിത്തേന്‍ തൊട്ടരച്ച പൊന്നു പോലാമക്ഷരങ്ങള്‍’ ഉതിര്‍ന്നു ഭാഷ ധന്യമായി. നിങ്ങള്‍ക്ക് എന്ത് പറയാനുണ്ടെന്ന് ലോകം നിശബ്ദമായി ചോദിച്ചു കൊണ്ടേയിരിക്കും. അത് തിരിച്ചറിയുന്നതാണ് എഴുത്തുകാരന്റെ ഉത്തരവാദിത്തം. എംടി ആ ഉത്തരവാദിത്തം അത്രമേല്‍ അവധാനതയോടും സൗന്ദര്യാത്മകമായും നിറവേറ്റി. കാലം ആവശ്യപ്പെട്ടതു കാലാതിവര്‍ത്തിയായി നിറവേറ്റിയ ഇതിഹാസം. ‘നിങ്ങള്‍ എന്തിന് എഴുത്തുകാരനായി എന്ന് ഒരാള്‍ ചോദിച്ചാല്‍ എനിക്കു പറയാനറിയാം. ആദ്യം മുതല്‍ക്കെ ഞാന്‍ മറ്റൊന്നുമായിരുന്നില്ല’- എന്ന് എംടി പറഞ്ഞത് ഒരു പരസ്യ പ്രസ്താവനയാണ്. അതിലെ ഓരോ വാക്കുകളും അര്‍ഥവത്താണ്. അതു ജീവിതം കൊവ തെളിഞ്ഞതുമാണ്. മനുഷ്യനെ ചേര്‍ത്തുനിര്‍ത്തിയ സ്‌നേഹസ്പര്‍ശം.

Continue Reading

india

വിളകൾക്ക് വിലയില്ല; കർഷകന്റെ വക മന്ത്രിക്ക് ഉള്ളിമാല

കർഷകൻ മന്ത്രിക്ക് ഉള്ളിമാല അണിയിക്കുന്ന വീഡിയോ സമൂഹ മാധ്യമങ്ങളിൽ വൈറൽ ആണ്.

Published

on

വിളകളുടെ വില ഇടിഞ്ഞതിനെ തുടർന്ന് പ്രതിഷേധാത്മകമായി മന്ത്രിയെ ഉള്ളിമാലയണിയിച്ച് കർഷകൻ. മഹാരാഷ്ട്ര ഫിഷറീസ് മന്ത്രി നിതീഷ് റാണെയെയാണ് കർഷകൻ ഉള്ളിമാല അണിയിച്ചത്. കർഷകൻ മന്ത്രിക്ക് ഉള്ളിമാല അണിയിക്കുന്ന വീഡിയോ സമൂഹ മാധ്യമങ്ങളിൽ വൈറൽ ആണ്.

ഒരു മതപരിപാടിയിൽ പങ്കെടുക്കാൻ മന്ത്രി എത്തിയപ്പോഴായിരുന്നു സംഭവം.മന്ത്രി പ്രസംഗിക്കുന്നതിനിടയിൽ ഉള്ളി കർഷകനായ യുവാവ് സ്റ്റേജിലേക്ക് കയറി വരികയും മന്ത്രിയെ ഉള്ളിമാലയണിയിക്കുകയുമായിരുന്നു. തുടർന്ന് കർഷകൻ അൽപനേരം മൈക്കിൽ പ്രസംഗിക്കുകയും ചെയ്തു. എന്നാൽ സ്റ്റേജിൽ ഉണ്ടായിരുന്ന പൊലീസ് കർഷകനെ ബലമായി പിടിച്ച് മാറ്റുകയായിരുന്നു.

വിളകൾക്ക് വിലയിടിഞ്ഞത് മൂലം കർഷകർ ആകെ അസ്വസ്ഥരാണ്.കഴിഞ്ഞ പത്ത് ദിവസത്തിനുള്ളിൽ ഉള്ളിവില ക്വിന്റലിന് 2000 രൂപയോളം കുറഞ്ഞു. വിലയിൽ ഏർപ്പെടുത്തിയിട്ടുള്ള 20 ശതമാനം എക്സ്പോർട്ട് ഡ്യൂട്ടിയാണ് വില ഇടിയുന്നതിന് കാരണമെന്നാണ് കർഷകർ പറയുന്നത്.

ദിവസങ്ങൾക്ക് മുമ്പ് മഹാരാഷ്ട്ര ഉപമുഖ്യമന്ത്രി അജിത്ത് പവാർ എക്സ്പോർട്ട് ഡ്യൂട്ടി നീക്കണമെന്ന് ആവശ്യപ്പെട്ട് കേന്ദ്രസർക്കാരിന് കത്തെഴുതിയിരുന്നു. കാലംതെറ്റി പെയ്ത മഴയും കാലാവസ്ഥാ വ്യതിയാനവുമാണ് കർഷകരെ ദുരിതത്തിലാക്കുന്നത്.

Continue Reading

Video Stories

‘അവിടെ മെത്രാന്മാരെ ആദരിക്കുന്നു, ഇവിടെ പുൽക്കൂട് നശിപ്പിക്കുന്നു’: മോദിയുടെ ക്രിസ്മസ് ആഘോഷത്തെ വിമർശിച്ച് ഓർത്തഡോക്‌സ് ബിഷപ്പ് മാർ മിലിത്തിയോസ്

ഊതിക്കൊണ്ട് കഴുത്തറുക്കുന്ന സമീപനമാണ് ബി.ജെ.പിയുടേതെന്നും മെത്രാപ്പോലീത്ത പറഞ്ഞു.

Published

on

ബിഷപ്പുമാര്‍ക്കൊപ്പമുള്ള പ്രധാനമന്ത്രി നരേന്ദ്ര മോദിയുടെ ദല്‍ഹിയിലെ ക്രിസ്മസ് വിരുന്ന് നാടകമെന്ന് ഓര്‍ത്തഡോക്‌സ് സഭ തൃശൂര്‍ ഭദ്രാസന മെത്രാപ്പൊലീത്ത യൂഹാനോന്‍ മാര്‍ മിലിത്തിയോസ്. ഡല്‍ഹിയില്‍ നടന്നത് നാടകമെന്നാണ് മെത്രാപ്പോലീത്ത പറഞ്ഞത്.

ഊതിക്കൊണ്ട് കഴുത്തറുക്കുന്ന സമീപനമാണ് ബി.ജെ.പിയുടേതെന്നും മെത്രാപ്പോലീത്ത പറഞ്ഞു. ദല്‍ഹിയില്‍ പുല്‍ക്കൂടിനെ വണങ്ങുന്ന പ്രധാനമന്ത്രിയുടെ അതേ പാര്‍ട്ടിക്കാര്‍ പാലക്കാട് പുല്‍ക്കൂട് തകര്‍ക്കുന്നുവെന്നും അദ്ദേഹം ചൂണ്ടിക്കാട്ടി.

‘അവിടെ മെത്രാന്മാരെ ആദരിക്കുന്നു, ഇവിടെ പുല്‍ക്കൂട് നശിപ്പിക്കുന്നു. ഇത്തരം ശൈലിക്ക് മലയാളത്തില്‍ എന്തോ പറയുമല്ലോ,’  മണിപ്പൂരില്‍ നടക്കുന്നതും നാടകമാണെന്നും അദ്ദേഹം പറഞ്ഞു. രാജ്യത്ത് അംബേദ്കറുടെ പ്രതിമ തകര്‍ക്കപ്പെട്ടുവെന്നും തെരഞ്ഞെടുപ്പുകള്‍ ഒന്നിച്ചാക്കാനുള്ള നിയമഭേദഗതി പാര്‍ലമെന്റില്‍ എത്തിയെന്നും മെത്രാപ്പൊലീത്ത ചൂണ്ടിക്കാട്ടി.

ക്രിസ്ത്യന്‍ ദേവാലയങ്ങളില്‍ ഹൈന്ദവ പ്രതീകങ്ങളുണ്ടെന്ന് വാദിച്ച് കോടതിയില്‍ പോകുന്നതും അതിനുവേണ്ടി വഴക്കുണ്ടാക്കുന്നതും വിചാരധാരയിലേക്കുള്ള ലക്ഷ്യത്തെയാണ് കാണിക്കുന്നതെന്നും അദ്ദേഹം പറഞ്ഞു.

ഇരട്ടത്താപ്പോട് കൂടിയ നിലപാട് ഉള്ളതിനാലാണ് തൃശൂരില്‍ ഒരു ബി.ജെ.പി സ്ഥാനാര്‍ത്ഥി ജയിച്ചതെന്നും മെത്രാപ്പൊലീത്ത കൂട്ടിച്ചേര്‍ത്തു. ക്രിസ്ത്യാനികളും ന്യൂനപക്ഷങ്ങളും ഇത് മനസിലാക്കണമെന്നും അദ്ദേഹം ആവശ്യപ്പെട്ടു.

സവര്‍ക്കറുടെ ‘സവര്‍ണ ഹൈന്ദവ നേതൃത്വം മാത്രം മതി’യെന്ന ചിന്തയെ ഇപ്പോഴത്തെ സാഹചര്യങ്ങള്‍ക്കനുസരിച്ച് നടപ്പാക്കാനാണ് ശ്രമിക്കുന്നതെന്നും അദ്ദേഹം ചൂണ്ടിക്കാട്ടി. ഇക്കാര്യങ്ങള്‍ മറച്ചുപിടിക്കാനുള്ള ശ്രമങ്ങളാണ് ഇപ്പോള്‍ നടക്കുന്നതെന്നും അദ്ദേഹം വിമര്‍ശനം ഉയര്‍ത്തി.

പ്രധാനമന്ത്രിയെ കാണാന്‍ പോകുന്ന ക്രൈസ്തവ ന്യൂനപക്ഷ നേതാക്കള്‍ ഇക്കാര്യങ്ങള്‍ അദ്ദേഹത്തോട് തുറന്ന് സംസാരിക്കേണ്ടതാണെന്നും യൂഹാനോന്‍ മാര്‍ മിലിത്തിയോസ് പറഞ്ഞു.

സി.ബി.സി.ഐ ആസ്ഥാനത്ത് നടന്ന ആഘോഷത്തില്‍ വിവിധ കത്തോലിക്ക സഭകളിലെ വ്യക്തികളടക്കം മൂന്നോറോളം പേര്‍ പങ്കെടുത്തു. ക്രിസ്മസ് സന്ദേശത്തില്‍ സമൂഹത്തില്‍ അക്രമം പടര്‍ത്തുന്നവര്‍ക്കെതിരെ ഒന്നിച്ച് നില്‍ക്കാന്‍ ക്രൈസ്തവ സഭകളോട് നരേന്ദ്ര മോദി ആവശ്യപ്പെട്ടു. ജര്‍മന്‍ ക്രിസ്മസ് മാര്‍ക്കറ്റില്‍ അടക്കം നടന്ന അക്രമങ്ങള്‍ ഉദ്ധരിച്ചായിരുന്നു പ്രധാമന്ത്രിയുടെ ക്രിസ്മസ് സന്ദേശം.

Continue Reading

Trending