മുബൈ- ആരോഗ്യനില മോശമായതിനെ തുടര്‍ന്ന് എന്‍.സി.പി ദേശീയ അധ്യക്ഷന്‍ ശരദ് പവാറിനെ ആശുപത്രിയില്‍ പ്രവേശിപ്പിച്ചു. മൂബൈയിലെ ബ്രീച്ച് കാന്‍ഡി ആശുപത്രിയിലാണ് ശരാദ് പവാറിനെ പ്രവേശിപ്പിച്ചത്.
ആരോഗ്യനില മെച്ചപ്പെടുന്നുണ്ടെന്നും ബുധനാഴ്ച ആശുപത്രി വിടാനാകുമെന്നും എന്‍.സി.പി അധികൃതര്‍ അറിയച്ചു. നവംബര്‍ നാല്, അഞ്ച് തീയതികളില്‍ ഷിര്‍ദിയില്‍ നടത്തുന്ന പാര്‍ട്ടി ക്യാമ്പുകളില്‍ പങ്കെടുക്കുമെന്നും പ്രവര്‍ത്തകര്‍ അറിയിച്ചു. കഴിഞ്ഞ ഏപ്രില്‍ 11 നും ശാരീരിക അസ്വാസ്ഥ്യം പ്രകടമായതിനെ തുടര്‍ന്ന് ശരദ് പവാറിനെ ആശുപത്രിയില്‍ പ്രവേശിപ്പിച്ചിരുന്നു.