പാലക്കാട്: കോഴിക്കോട്ടും പാലക്കാട്ടും തേനീച്ച ആക്രമണം. തേനീച്ചയുടെ ആക്രമണത്തില്‍ പാലക്കാട്ട് കൊല്ലങ്കോട് സ്വദേശി കുത്തേറ്റ് മരിച്ചു. പാലക്കോട്ടില്‍ പഴനി (74) ആണ് മരിച്ചത്.
വീടിന് സമീപത്തെ ഹോട്ടലിലേക്ക് പോകുമ്പോഴായിരുന്നു പഴനി തേനീച്ച ആക്രമണം നേരിട്ടത്. കൊല്ലങ്കോട് തന്നെ മറ്റു രണ്ടുപേര്‍ക്കും തേനീച്ചയുടെ ആക്രമണത്തില്‍ പരിക്കേറ്റു.
കോഴിക്കോട്ട് തൊട്ടില്‍പാലം ഓടേരിപൊയിലിലാണ് കുത്തേറ്റ രണ്ടുപേര്‍. നിര്‍മ്മാണ തൊഴിലാളികളായ ഇവരെ ആശുപത്രിയില്‍ പ്രവേശിപ്പിച്ചു.