ഉത്തര്‍പ്രദേശിലെ ഗാസിയാബാദില്‍ വന്‍ വാഹനാപകടം. സ്‌കൂള്‍ ബസും എസ്‌യുവിയും കൂട്ടിയിടിച്ചുണ്ടായ അപകടത്തില്‍ രണ്ട് കുട്ടികളടക്കം 6 പേര്‍ മരിച്ചു. ഡല്‍ഹിമീററ്റ് എക്‌സ്പ്രസ് വേയില്‍ ഇന്ന് രാവിലെയാണ് അപകടം.
ഡല്‍ഹിമീററ്റ് എക്‌സ്പ്രസ് വേയില്‍ തെറ്റായ ദിശയില്‍ വരികയായിരുന്ന ബസ് എസ്‌യുവിയുമായി കൂട്ടിയിടിക്കുകയായിരുന്നുവെന്ന് പൊലീസ് പറഞ്ഞു. കാറിലുണ്ടായിരുന്നവരാണ് അപകടത്തില്‍ മരിച്ച ആറുപേരും. എട്ടുപേരില്‍ രണ്ട് പേര്‍ക്ക് ഗുരുതരമായി പരിക്കേറ്റു. ഇവര്‍ ഗുഡ്ഗാവിലേക്ക് പോവുകയായിരുന്നുവെന്നാണ് വിവരം.
അപകടത്തില്‍ കാര്‍ പൂര്‍ണമായി തകര്‍ന്നു. കാറിന്റെ ഡോറുകള്‍ വെട്ടിമുറിച്ചാണ് മൃതദേഹങ്ങള്‍ പുറത്തെടുത്തത്. സംഭവത്തില്‍ എഫ്‌ഐആറില്‍ രജിസ്റ്റര്‍ ചെയ്തു. ബസിന്റെ െ്രെഡവറെ അറസ്റ്റ് ചെയ്തിട്ടുണ്ട്. ഇയാളെ ചോദ്യം ചെയ്തുവരുന്നുവെന്ന് ഗാസിയാബാദ് ഡെപ്യൂട്ടി പൊലീസ് കമ്മീഷണര്‍ ദേഹത് ശുഭം പട്ടേല്‍ പറഞ്ഞു.