അബുദാബി: അബുദാബി സെന്റ് ജോര്‍ജ്ജ് കത്തീഡ്രലില്‍ ഒരുക്കുന്ന 47-ാമത് കൊയ്തുത്സവം ഇന്ന് നടക്കും. കാര്‍ഷിക മേഖലയില്‍നിന്ന് ലഭിക്കുന്ന ആദ്യഫലം ദേവാലയത്തില്‍ സമര്‍പ്പിക്കുകയെന്ന പാരമ്പര്യം പിന്തുടര്‍ന്നുകൊണ്ട് സംഘടിപ്പിക്കുന്ന കൊയ്ത്തുത്സവം വിപുലമായ രീതിയിലാണ് ഇത്തവണയും ആഘോഷിക്കുന്നതെന്ന് ഇടവക വികാരി ഫാദര്‍ ഗീവര്‍ഗ്ഗീസ് മാത്യു വാര്‍ത്താ സമ്മേളനത്തില്‍ വ്യക്തമാക്കി. മെട്രോപോളിറ്റന്‍ ബ്രഹ്‌മവാര്‍ ഭദ്രാസന യാകോബ് മാര്‍ ഏലിയാസ് സന്നിഹിതനായിരുന്നു.
രാവിലെ ഏഴുമണിക്ക് കുര്‍ബാനയോടെയാണ് പരിപാടിക്ക് തുടക്കം കുറിക്കുന്നത്. വൈകീട്ട് മൂന്നുമണിക്ക് ഔദ്യോഗിക ഉല്‍ഘാടനം മെട്രോപോളിറ്റന്‍ ബ്രഹ്‌മവാര്‍ ഭദ്രാസന യാകോബ് മാര്‍ ഏലിയാസ് നി ര്‍വ്വഹിക്കും. ഇന്ത്യന്‍ അംബാസ്സഡര്‍ സജ്ഞയ് സുധീര്‍ മുഖ്യാതിഥിയായിരിക്കും. കൊയ്തുത്സവ ദിനത്തില്‍ അബുദാബി സെന്റ് ജോര്‍ജ്ജ് ഓര്‍ത്തഡോക്‌സ് പള്ളിയങ്കണത്തില്‍ ആയിരങ്ങളാണ് ആഘോഷങ്ങളില്‍ പങ്കെടുക്കാനെത്തുക. വിനോദവും വിജ്ഞാനവും പകരുന്ന വ്യത്യസ്ഥമായ പരിപാടികളും നിരവധി മത്സരങ്ങളുമുണ്ടാകും. തനതായ കേരളീയ രുചിക്കൂട്ടുകളുമായി നിരവധി ഭക്ഷണ സ്റ്റാളുകള്‍ പ്രവര്‍ത്തിക്കും. കപ്പ-മീന്‍കറി, തട്ടുകട വിഭവങ്ങള്‍, നസ്രാണി പലഹാരങ്ങള്‍, ബിരിയാണി, ഗ്രില്‍ ഇനങ്ങള്‍, വിവിധയിനം പായസങ്ങള്‍, പുഴുക്ക്, കുമ്പിളപ്പം,ഇറ്റാലിയന്‍ പലഹാരങ്ങള്‍ മുതലായ തനിനാടന്‍ വിഭവങ്ങളും ലഭ്യമായിരിക്കും.
കുട്ടികള്‍ ഉള്‍പ്പെടെയുള്ള കത്തീഡ്രല്‍ അംഗങ്ങള്‍ അവതരിപ്പിക്കുന്ന ഇന്ത്യയുടെ വിവിധ നൃത്ത രൂപങ്ങള്‍ ഉള്‍പ്പെടെയുള്ള സാംസ്‌കാരിക ഫെസ്റ്റ്, മാസ്‌ട്രോ മെജോ ജോസഫിന്റെ നേതൃത്വത്തിലുള്ള നേതൃത്വത്തിലുള്ള സംഗീത മേള, എന്നിവ ഉത്സവത്തിന്റെ പ്രധാന ആകര്‍ഷണമായിരിക്കും. അന്‍ജേല മ്യൂസിക് ബാന്‍ഡ് അവതരിപ്പിക്കുന്ന ബാന്‍ഡ് മേളം പരിപാടിയുടെ മാറ്റ് കൂട്ടും.
വസ്ത്രങ്ങള്‍, ഇലക്ട്രോണി ക്ക് ഉല്‍പന്നങ്ങള്‍ വീട്ട് സാമഗ്രികള്‍ തുടങ്ങി ഹൈപ്പര്‍ മാര്‍ക്കറ്റുകളില്‍ ലഭിക്കുന്ന നിത്യോപയോഗ വസ്തു ക്കളുടെ വില്‍പ്പനയും ഉണ്ടായിരിക്കും. കൂടാതെ കരകൗശല വസ്തുക്കള്‍, ഔഷധച്ചെടികള്‍, പുസ്തകങ്ങള്‍ എന്നിവ മിതമായ നിരക്കില്‍ ലഭിക്കും. ഭക്ഷ്യ സുരക്ഷാ ഗുണനിലവാരം കര്‍ശനമായി പാലിച്ചു ഇടവാകാംഗ ങ്ങള്‍ വീടുകളി ലും പള്ളിയിലും പാകം ചെയ്യുകയോ ചെയ്യുന്നവയാണ് സ്റ്റാളുകളില്‍ വില്‍പ്പനക്കെത്തിക്കു ന്നത്.
സഹ: വികാരി ഫാ. മാത്യു ജോണ്‍, കത്തീഡ്രല്‍ ട്രസ്റ്റി ബിനോയ് ഫിലിപ്പ് ഗീവര്‍ഗ്ഗീസ്, സെക്രട്ടറി ഐ തോമസ്, ജോയിന്റ് ജനറല്‍ കണ്‍വീനര്‍ യു. റജി, ജോയിന്റ് ഫൈനാന്‍സ് കണ്‍വീനര്‍ നൈനാന്‍ ഡാന്യല്‍, മീഡിയ ആന്റ് പബ്ലിസിറ്റി കണ്‍വീനര്‍ റോയ് തോമസ് എന്നിവരും വാര്‍ത്താസമ്മേളനത്തില്‍ സന്നിഹതിരായിരുന്നു.