രണ്ട് വര്‍ഷമായി ഉപയോഗിക്കാത്ത ഇരുചക്ര വാഹനത്തിന് പിഴ. പാലക്കാട് തൃത്താല പരുതൂര്‍ സ്വദേശി പാക്കത്ത് ജമാലിനാണ് പിഴ വന്നത്. 4000 രൂപ പിഴയടക്കണമെന്നാണ് നോട്ടീസ്.
കഴിഞ്ഞ രണ്ട് വര്‍ഷമായി യമഹ ജി.എല്‍.എക്‌സ് എന്ന ഈ ബൈക്ക് 2 വര്‍ഷമായി പുറത്തിറക്കിയിട്ടില്ല. ഇതിനിടെയാണ് പിഴയടക്കണെമന്ന നോട്ടീസ് വാഹന ഉടമക്ക് ലഭിച്ചത്. തൃശൂര്‍ ഒല്ലൂരിലെ ആര്‍.ടി.ഒ എന്‍ഫോഴ്‌സ്‌മെന്റ് വിഭാഗമാണ് പിഴ ചുമത്തിയത്. വാഹനത്തിന്റെ ഇന്‍ഷുറന്‍സ്, പൊലൂഷന്‍ എന്നിവയിലെ പ്രശ്‌നങ്ങള്‍ക്കായി നാലായിരം രൂപ പിഴ ചുമത്തിയതായാണ് നോട്ടീസിലുള്ളത്. ആര്‍ടിഒ ഓഫീസില്‍ ബന്ധപ്പെട്ടിരുന്നെനും വിഷയം പരിശോധിക്കാമെന്ന് ഓഫീസര്‍ അറിയിച്ചതായും ജമാല്‍ പറഞ്ഞു.്