യുഎസ് പ്രസിഡണ്ടായിരുന്ന ഡൊണാള്‍ഡ് ട്രംപ് 36 മണിക്കൂര്‍ ഇന്ത്യയില്‍ തങ്ങിയപ്പോള്‍ അദ്ദേഹത്തിന്റെ പരിചരണത്തിനായി ചിലവിട്ടത് 38 ലക്ഷം രൂപ. 2020 ഫെബ്രുവരി 24,25 തീയതികളിലാണ് ട്രംപ് കുടുംബസമേതം ഇന്ത്യ സന്ദര്‍ശിച്ചത്.
അദ്ദേഹത്തിന്റെ ഭക്ഷണം, താമസം സുരക്ഷ എന്ന ഇനത്തില്‍ മാത്രമാണ് ഇത്രയും രൂപ ചിലവിട്ടത് എന്നാണ് വിദേശകാര്യമന്ത്രാലയം കേന്ദ്ര വിവരാവകാശ കമ്മീഷന് നല്‍കിയ മറുപടിയില്‍ പറയുന്നത്.മിഷാല്‍ ബദനി എന്നയാളാണ് ഇതുമായി ബന്ധപ്പെട്ട ചോദ്യം വിവരാവകാശമായി തിരക്കിയത്.
സന്ദര്‍ശനത്തിന് എത്തിയ ഡൊണാള്‍ഡ് ട്രംപ് മഹാത്മാഗാന്ധിക്ക് ആദരം അര്‍പ്പിക്കലും, 22 കിലോമീറ്റര്‍ റോഡ് ഷോയും, നമസ്‌തേ ട്രംപ് പരിപാടിയിലും പങ്കെടുത്തിരുന്നു. കൂടാതെ താജ്മഹലും അദ്ദേഹം സന്ദര്‍ശിച്ചിരുന്നു.