സംസ്ഥാന സ്‌കൂള്‍ കലോത്സവ വേദിയില്‍ വീണ്ടും അനിഷ്ട സംഭവം. കോല്‍ക്കളി മത്സരത്തിനിടെ വഴുതി വീണ് മത്സരാര്‍ഥിക്ക് പരിക്കേറ്റു. മത്സരം നടക്കുന്ന ഗുജറാത്തി ഹാളില്‍ സംഘാടകര്‍ക്കെതിരെ പ്രതിഷേധവുമായി വിദ്യാര്‍ഥികളും അധ്യാപകരും. മത്സരത്തിനുവേണ്ടി വിരിച്ച കാര്‍പ്പെറ്റില്‍ കാല്‍ വഴുതി വീണതില്‍ രോഷാകൂലരായാണ് പ്രതിഷേധിക്കുന്നത്.
കാര്‍പ്പെറ്റ് വിരിച്ച വേദിയില്‍ കളിക്കാന്‍ ബുദ്ധിമുട്ടാണെന്ന് നേരത്തെ അറിയിച്ചിരുന്നു. ഇത് അവഗണിച്ചാണ് പരിപാടി നടത്തിയതെന്ന് പ്രതിഷേധക്കാര്‍ പറയുന്നു. പരിക്കേറ്റ വിദ്യാര്‍ഥിയെ ആശുപത്രിയിലേക്ക് മാറ്റി. നിലവില്‍ മത്സരം നിര്‍ത്തിവെച്ചിരിക്കുകയാണ്.