കെ.എസ്.ആര്‍.ടി.സി ജീവനക്കാരുടെ ശമ്പള വിതരണം വീണ്ടും അവതാളത്തില്‍. കഴിഞ്ഞ മാസത്തെ ശമ്പളത്തിന്റെ രണ്ടാം ഗഡു ഇതുവരെ കൊടുത്തില്ല. സര്‍ക്കാര്‍ അനുവദിച്ച 30 കോടിയില്‍ നിന്നാണ് ഒന്നാം ഗഡു നല്‍കിയത്. കൂടുതല്‍ തുക അനുവദിക്കുന്നതില്‍ ധനവകുപ്പ് അനുകൂല നിലപാടെടുത്തിട്ടില്ല. നാല്‍പ്പത് കോടി രൂപ ഉണ്ടെങ്കിലെ ശമ്പളം നല്‍കാന്‍ കഴിയൂ. എന്നാല്‍ കെ.എസ്.ആര്‍.ടി.സി, സി.എം.ഡി ബിജു പ്രഭാകര്‍ അവധി ഈ മാസം 31 വരെ നീട്ടി.
അതേസമയം സാമ്പത്തിക പ്രതിസന്ധിയില്‍ വീര്‍പ്പുമുട്ടുന്ന കെ.എസ്.ആര്‍.ടി.സിയില്‍ നിന്ന് രക്ഷപെടാന്‍ കോര്‍പ്പറേഷന്‍ വാഗ്ദാനം ചെയ്ത ഡെപ്യൂട്ടേഷന്‍ വ്യവസ്ഥയിലേക്ക് ജീവനക്കാരുടെ ഒഴുക്കെന്ന് റിപ്പോര്‍ട്ടുകളുണ്ടായിരുന്നു. മറ്റ് സര്‍ക്കാര്‍ വകുപ്പുകളിലേക്കും വിവിധ കോര്‍പറേഷനുകളിലേക്കുമാണ് ജീവനക്കാര്‍ക്ക് ഡെപ്യൂട്ടേഷനില്‍ ജോലിക്ക് പ്രവേശിക്കാന്‍ അവസരം.
കെ.എസ്.ആര്‍.ടി.സി പരിഷ്‌കരണത്തിനുള്ള സുശീല്‍ഖന്ന റിപ്പോര്‍ട്ട് നടപ്പാക്കുന്നത് പ്രകാരം പതിനായിരം ജീവനക്കാരെ കുറയ്ക്കാന്‍ ലക്ഷ്യമിടുകയാണ്. അതിന്റെ ഭാഗമായാണ് ഡെപ്യൂട്ടേഷന്‍ പരിപാടിയെ സ്ഥാപനം തന്നെ പ്രോത്സാഹിപ്പിച്ചത്.