കരിപ്പൂരില്‍നിന്ന് ദമാമിലേക്ക് പോകേണ്ടിയിരുന്ന എയര്‍ഇന്ത്യ എക്‌സ്പ്രസ് -ഐ.എക്‌സ് 385- വിമാനം യാത്രക്കാരെ പുറത്തിറക്കി. 12.15നു ലാന്‍ഡ്ചെയ്തു.തകരാര്‍ പരിഹരിച്ചതിനെതുടര്‍ന്ന് ഈ വിമാനം തന്നെ ദമാമിലേക്ക് പോകുമെന്നാണ് അറിയിപ്പ്. സാങ്കേതികതകരാര്‍ കാരണം രാവിലെ തിരുവനന്തപുരത്തേക്ക് തിരിച്ചുവിട്ടിരുന്നു. 8.40നാണ് കരിപ്പൂരില്‍നിന്ന് പുറപ്പെട്ടത്. പറന്നുയര്‍ന്ന ഉടനെയാണ് തിരിച്ചുവിട്ടത്. 176 യാത്രക്കാരാണ് വിമാനത്തിലുള്ളത്. നെടുമ്പാശേരിയില്‍ ഇറക്കാനാണ് ആദ്യം ആലോചിച്ചത്. സുരക്ഷ കുടുതല്‍ കണക്കിലെടുത്ത് തിരുവനന്തപുരത്തേക്ക് മാറ്റുകയായിരുന്നു. യാത്രക്കാരെല്ലാം സുരക്ഷിതരാണ്.