ഇന്ത്യൻ സമയം നാളെ രാവിലെ 7.30 ക്ക് പെറുവിലെ എസ്റ്റേഡിയോ ലിമയിൽ നടക്കുന്ന മത്സരത്തിൽ അർജന്റീന ആതിഥേയരെ നേരിടും.
2026 വേൾഡ്കപ്പ് സൗത്ത് അമേരിക്കൻ ക്വാളിഫിക്കേഷൻ മത്സരങ്ങളിൽ മൂന്നിൽ മൂന്നു മത്സരവും വിജയിച്ചു അർജന്റീന ഒന്നാം സ്ഥാനത്തും ഒരു സമനില മാത്രം നേടാനായ പെറു ഒൻപതാം സ്ഥാനത്തുമാണ്.
പരിക്കിൽ നിന്ന് മുക്തിനേടിയ ലയണൽ മെസ്സി ആദ്യ ഇലവനിൽ ഇറങ്ങാൻ സാധ്യതയുണ്ട്. അങ്ങെനെയെങ്കിൽ ലൗതാറോ മാർട്ടിനെസോ ഹുലിയൻ ആൽവരെസോ ബെഞ്ചിലായേക്കും. അവസാന പരിശീലന സെഷനിൽ അസ്വസ്ഥത പ്രകടിപ്പിച്ച മൊളിനക്ക് പകരം ഗോൺസാലോ മോന്റിയാൽ ആദ്യ ഇലവനിൽ സ്ഥാനം പിടിച്ചേക്കും. ആദ്യ ഇലവനിൽ വേറെ മാറ്റങ്ങളൊന്നും ഉണ്ടാവാൻ സാധ്യതയില്ല.