തിരുവനന്തപുരം : നെടുമങ്ങാട്-ആനാട് വീട്ടില്‍ സൂക്ഷിച്ച 20 ചാക്ക് നിരോധിത പുകയില ഉല്‍പന്നങ്ങള്‍ എക്‌സൈസ് സംഘം പിടികൂടി. ഓട്ടോറിക്ഷാ ഡ്രൈവറായ ആനാട് സ്വദേശി പ്രമോദിന്റെ (37) വീട്ടിലെ ഗോഡൗണില്‍ സൂക്ഷിച്ചിരുന്ന പാന്‍മസാല ഉല്‍പന്നങ്ങളാണ് പിടകൂടിയത്. വിപണയില്‍ ഇതിന് ഏകദേശം മൂന്ന് ലക്ഷത്തോളം രൂപ വിലവരും.എക്‌സൈസ് സി.ഐ. എസ്.ജി അരവിന്ദിന്റെ നേതൃത്വത്തിലെ സംഘമാണ് കണ്ടെത്തിയത്.
നെടുമങ്ങാട് താലൂക്കിലെ മലയോര മേഖലകളെ കേന്ദ്രീകരിച്ചാണ് വില്പന. വിതുര, പാലോട്, ഭരതന്നൂര്‍, കല്ലറ ആര്യനാട് എന്നിവിടങ്ങളിലാണ് കൂടുതലും വില്‍പ്പന നടത്തുന്നത്. തമിഴ്‌നാടില്‍ നിന്ന് കൊണ്ട് വന്നതാണെന്നാണ് പ്രതി മൊഴി നല്‍കിയത്. പുകയില ഉല്‍പന്നങ്ങള്‍ തെന്‍മല വഴിയാണ് തമിഴ്നാട്ടില്‍ നിന്നും കേരളത്തിലേക്ക് എത്തിക്കുന്നത്.