കോഴിക്കോട് നഴ്‌സിംഗ് വിദ്യാര്‍ഥി കൂട്ട ബലാത്സംഗത്തിനിരയായ കേസില്‍ രണ്ട് പ്രതികള്‍ കസ്റ്റഡിയില്‍. ഒളിവില്‍ താമസിക്കുന്നിടത്ത് നിന്ന്് പോലീസ് ഇവരെ മൊബൈല്‍ ടവര്‍ ലൊക്കേഷന്‍ മനസ്സിലാക്കിയാണ് കസ്റ്റഡിയിലെടുത്തത്. വിശദമായ ചോദ്യം ചെയ്യലിന് ശേഷം അറസ്റ്റ് രേഖപ്പെടുത്തും.
കഴിഞ്ഞ ദിവസമാണ് നഴ്‌സിംഗ് വിദ്യാര്‍ത്ഥിയെ മദ്യം നല്‍കി രണ്ടുപേര്‍ കൂട്ട ബലാത്സംഗം ചെയ്ത വാര്‍ത്ത പുറത്തുവരുന്നത്. എറണാകുളം സ്വദേശിയായ നഴ്‌സിംഗ് വിദ്യാര്‍ഥിയാണ് പീഡനത്തിനിരയായത്. പീഡിപ്പിച്ചത് സുഹൃത്തുക്കള്‍ തന്നെ എന്നായിരുന്നു പെണ്‍കുട്ടിയുടെ മൊഴി.
ശനിയാഴ്ച രാത്രി പ്രതികളുടെ താമസസ്ഥലത്തേക്ക് പെണ്‍കുട്ടിയെ വിളിച്ചു വരുത്തിയായിരുന്നു പീഡനം. മദ്യം നല്‍കി ബലമായി പീഡിപ്പിക്കുകയായിരുന്നുവെന്ന്് പെണ്‍കുട്ടി പോലീസിന് മൊഴി നല്‍കി.