തൃശൂര്‍ തളി സ്വദേശി രാജീവ് ( 61)ആണ് മരിച്ചത്. വീട്ടിനടുത്ത് തേങ്ങ ശേഖരിക്കുമ്പോഴായിരുന്നു ആക്രമണം. ഇന്ന് വൈകീട്ട് നാല് മണിക്കാണ് സംഭവം നടന്നത്. രാജീവിന്റെ അടുത്തേക്ക് പാഞ്ഞെത്തിയ കാട്ടുപന്നി നെഞ്ചിലിടിക്കുകയായിരുന്നു. നിലത്ത് വീണ ഇയാളെ പന്നി രണ്ട് തവണകൂടി കുത്തിയ ശേഷം ഓടി രക്ഷപ്പെട്ടു.
നിലവിളികേട്ട് ഓടിയെത്തിയ വീട്ടുകാര്‍ ഉടന്‍ തന്നെ രാജീവിനെ തൃശൂരിലെ സ്വകാര്യ ആശുപത്രിയില്‍ എത്തിച്ചെങ്കിലും മരണം സംഭവിക്കുകയായിരുന്നു. നാളെ പോസ്റ്റ് മോര്‍ട്ടം നടത്തും.