പാലക്കാട് കല്ലടിക്കോട് കാട്ടാനയുടെ ആക്രമണത്തില്‍ യുവാവിന് ഗുരുതരമാ.ി പരിക്കേറ്റു. പുല്ലാട്ടു വീട്ടില്‍ സഞ്ജുവിനാണ് ആനയുടെ ചവിട്ടേറ്റ് സാരമായി പരിക്കേറ്റത്. ഇന്ന് ഉച്ചയ്ക്ക് 2 മണിയോടെയാണ് വീട്ടുവളപ്പില്‍ ആന എത്തിയത്.
വീടിന്റെ വാതില്‍ തകര്‍ക്കാന്‍ ആന ശ്രമിക്കുന്നത് കണ്ട് പുറത്തേക്ക് ഓടിയപ്പോഴാണ് സഞ്ജുവിനെ ആക്രമിച്ചത്. തുമ്പിക്കൈ കൊണ്ടു പിടിച്ചതിന് ശേഷം ചവിട്ടിയെന്നാണ് വിവരം. കുടുംബാംഗങ്ങള്‍ ബഹളം വച്ചതോടെയാണ് ആന പിന്മാറിയത്. വീടിനോട് ചേര്‍ന്നുള്ള മോട്ടോര്‍ ഷെഡും ആനക്കൂട്ടം തകര്‍ത്തു. ആക്രമണത്തില്‍ ഗുരുതരമായി പരിക്കേറ്റ സഞ്ജുവിനെ സ്വകാര്യ ആശുപത്രിയില്‍ പ്രവേശിപ്പിച്ചു.