തിരുവനന്തപുരം മാറനല്ലൂരില്‍ പൊലീസുകാരന്റെ പേരെഴുതിവച്ച ശേഷം എന്‍.എസ്.എസ് കരയോഗം പ്രസിഡന്റ് ജീവനൊടുക്കി. എരുത്താവൂര്‍ കരയോഗം പ്രസിഡന്റ് അജയകുമാറാണ് പേട്ട െ്രെകംബ്രാഞ്ച് യൂണിറ്റിലെ ഡ്രൈവര്‍ കെ.സന്ദീപിനെതിരെ ആത്മഹത്യകുറിപ്പെഴുതിവെച്ചത്. വ്യക്തിവൈരാഗ്യത്തിന്റെ പേരില്‍ സന്ദീപും മാറനല്ലൂര്‍ പൊലീസും ചേര്‍ന്ന് പീഡനം ഉള്‍പ്പടെയുള്ള കള്ളക്കേസില്‍ കുടുക്കിയതാണ് ആത്മഹത്യക്ക് കാരണമെന്ന് അജയകുമാറിന്റെ കുടുംബം ആരോപിച്ചു.രുത്താവൂര്‍ എന്‍.എസ്.എസ് കരയോഗം പ്രസിഡന്റായ അജയകുമാറിനെ തിങ്കളാഴ്ച വൈകിട്ടാണ് കരയോഗം ഓഫീസിനുള്ളില്‍ തൂങ്ങിമരിച്ച നിലയില്‍ കണ്ടെത്തിയത്.
സന്ദീപ് അസഭ്യം പറഞ്ഞൂവെന്നാണ് ആത്മഹത്യാകുറിപ്പില്‍ കാരണമായി എഴുതിയിരിക്കുന്നത്.
ഈ ഒറ്റവരിയില്‍ ഒതുങ്ങുന്നതല്ല സന്ദീപിന്റെ ഉപദ്രവമെന്നാണ് വീട്ടുകാരുടെ പരാതി. വസ്തുതര്‍ക്കത്തില്‍ സന്ദീപും അച്ഛനും ചേര്‍ന്ന് അജയകുമാറിനെ മര്‍ദിച്ചിരുന്നു. അതില്‍ പരാതി നല്‍കിയതിന്റെ വൈരാഗ്യത്തില്‍ സന്ദീപിന്റെ അമ്മയെ ഉപദ്രവിച്ചെന്ന പേരില്‍ അജയകുമാറിനെതിരെ പീഡനവും വധശ്രമവും ചേര്‍ത്ത് കേസെടുപ്പിച്ചു.
ഇതിനെതിരെ മുഖ്യമന്ത്രിക്ക് വരെ അജയകുമാര്‍ പരാതി നല്‍കിയതോടെ പീഡനവും വധശ്രമവും ഉള്‍പ്പടെയുള്ള വകുപ്പുപ്പുകള്‍ ഒഴിവാക്കി. പക്ഷെ പീഡനക്കേസിലെ പ്രതിയെന്ന് സന്ദീപ് പ്രചരിപ്പിച്ചതും അധിക്ഷേപിച്ചതും മാനസികമായി തളര്‍ത്തിയെന്നാണ് ആരോപണം.