താമരശ്ശേരി ചുരത്തില്‍ ഇന്നലെ ഉച്ച മുതല്‍ തുടങ്ങിയ ഗതാഗത കുരുക്ക് അഴിക്കല്‍ ശ്രമകരം. ഇന്നലെ തുടങ്ങിയ ഗതാഗതക്കുരുക്ക് ഇന്ന് രാവിലെയും തുടരുന്നു. വാഹനങ്ങളുടെ എണ്ണം കൂടുന്നതിനാല്‍ കുരുക്ക് വര്‍ധിക്കുന്ന സ്ഥിതിയാണ്.
രണ്ടുദിവസത്തെ അവധി ആഘോഷിക്കാന്‍ വയനാട്ടിലേക്കും അന്യസംസ്ഥാനങ്ങളിലേക്കും ആളുകള്‍ കൂട്ടമായി എത്തിയതാണ് ഗതാഗതക്കുരുക്കിന് കാരണമായത്. അതിനിടെ ഇന്നലെ രാവിലെ ലോറിയും ബസ്സും കൂട്ടിയിടിച്ച് എട്ടാം വളവില്‍ അപകടം ഉണ്ടായിരുന്നു. ഗതാഗതകുരുക്ക് പരമാവധി പരഹരിക്കാന്‍ ചുരം സംരക്ഷണ സമിതിയും പൊലീസും ചേര്‍ന്ന് ശ്രമിക്കുന്നുണ്ട്.