മുക്കം ബെന്‍ഡ് പൈപ്പ് പാലത്തിന് സമീപം വെച്ച് മാരക ലഹരി മരുന്നായ എംഡിഎംഐയുമായി തിരുവമ്പാടി സ്വദേശി പിടിയില്‍. മുക്കം ഭാഗത്തേക്ക് വില്‍പ്പനയ്ക്കായി മൂന്ന് കവറുകളിലായി കൊണ്ടുവന്ന ഒന്നര ഗ്രാമോളം തൂക്കം വരുന്ന എംഡിഎംഎ യുമായാണ് തിരുവമ്പാടി സ്വദേശി ഷിബില്‍ മുക്കം പൊലീസിന്റെ പിടിയിലായത്.
മുക്കം പൊലീസ് സ്‌റ്റേഷന്‍ സബ് ഇന്‍സ്‌പെക്ടര്‍ നൗഷാദ് ടി. ടി , സീനിയര്‍ സിവില്‍ പോലീസ് ഉദ്യോഗസ്ഥന്മാരായ ബേബി ആന്‍ഡ്രൂസ്, അനീസ് കെഎം എന്നിവര്‍ ചേര്‍ന്നാണ് പ്രതിയെ പിടികൂടിയത്. പ്രതിയുടെ ആള്‍ട്ടോ കാറും പോലീസ് കസ്റ്റഡിയിലെടുത്തിട്ടുണ്ട്. താമരശ്ശേരി കോടതിയില്‍ ഹാജരാക്കിയ പ്രതിയെ കോടതി 14 ദിവസത്തേക്ക് റിമാന്‍ഡ് ചെയ്തു.