ന്യൂ ഡൽഹി :ക്യാമ്പസിൽ പ്രവേശിക്കണമെങ്കിൽ മലയാളി വിദ്യാർത്ഥികൾ നിപ നെഗറ്റീവ് സർട്ടിഫിക്കറ്റ് ഹാജരാക്കണമെന്ന ഇന്ദിര ഗാന്ധി നാഷണൽ ട്രൈബൽ യൂണിവേഴ്സിറ്റി അധികൃതരുടെ നിലപാട് അംഗീകരിക്കാനാവില്ലെന്ന് എം. എസ്. എഫ്. അഡ്മിഷൻ നടപടികൾക്കായി അമർഖണ്ഡക്കിലെ യൂണിവേഴ്സിറ്റി ക്യാമ്പസിൽ എത്തിയ വിദ്യാർത്ഥികളാണ് യൂണിവേഴ്സിറ്റി നടപടിയിൽ പെട്ടെന്നുള്ള നടപടിയിൽ ബുദ്ധിമുട്ട് നേരിട്ടത്.അഡ്മിഷൻ കൗൺസിലിംഗിൽ പങ്കെടുക്കാത്ത പക്ഷം വിദ്യാർത്ഥികളുടെ അവസരം നഷ്ടമാകും.
സെമസ്റ്റർ അവധിക്കായി നാട്ടിൽപ്പോയി തിരിച്ചെത്തിയ വിദ്യാർത്ഥികളെയും യൂണിവേഴ്സിറ്റിയിൽ പ്രവേശിപ്പിക്കില്ലെന്ന നിലപാടിലാണ് യൂണിവേഴ്സിറ്റി. ഇതിന് മുമ്പും ക്യാമ്പസിൽ മലയാളി വിദ്യാർത്ഥികളെ ഒറ്റപ്പെടുത്താനുള്ള ശ്രമങ്ങൾ നടന്നിരുന്നു. വിദ്യാഭ്യാസം മൗലികാവകാശമാണെന്നും അതിന് വിഘാതം സൃഷ്ടിക്കുന്ന ഇത്തരം നടപടികൾ അംഗീകരിക്കാനാകില്ലെന്നും എം. എസ്. എഫ് പ്രസ്താവനയിറക്കുന്നു.വിഷയത്തിൽ കേരള സർക്കാരിന്റെ അടിയന്തര ഇടപെടൽ ഉണ്ടാകണമെന്നും എം. എസ്. എഫ് ആവശ്യപ്പെടുന്നു..വാർത്ത സമ്മേളനത്തിൽ എം. എസ്. എഫ് ദേശീയ പ്രസിഡന്റ്‌ പി. വി അഹ്മദ് സാജു, ഡൽഹി സ്റ്റേറ്റ് ട്രഷറർ പി. അസ്ഹറുദ്ധീൻ പങ്കെടുത്തു.