തിരൂരില്‍ പൊലീസ് വണ്ടി കണ്ട് വേഗം കൂട്ടിയ മണല്‍ ലോറി നിയന്ത്രണം വിട്ട് ട്രാന്‍സ്‌ഫോമറിലിടിച്ച് അപകടം. പരുക്കേറ്റ ലോറിഡ്രൈവര്‍ കടന്നുകളഞ്ഞു. പുലര്‍ച്ചെ താഴേപ്പാലം പള്ളിയുടെ മുന്‍പിലുള്ള ട്രാന്‍സ്‌ഫോമറിലാണു ലോറിയിടിച്ചത്.
ബിപി അങ്ങാടി ഭാഗത്തു നിന്ന് മണലുമായി വരികയായിരുന്നു ലോറി. പൊലീസ് ജീപ്പ് പിന്തുടരുന്നത് കണ്ടതോടെഡ്രൈവര്‍ വേഗം കൂട്ടി. പൂങ്ങോട്ടുകുളത്തിനും താഴേപ്പാലത്തിനും ഇടയിലെ വളവ് തിരിക്കുന്നതിനിടെ നിയന്ത്രണം നഷ്ടപ്പെട്ട ലോറി ട്രാന്‍സ്‌ഫോമറിലേക്ക് ഇടിച്ചു കയറുകയായിരുന്നു. ഇടിയില്‍ ട്രാന്‍സ്‌ഫോമര്‍ റോഡിലേക്കു മറിഞ്ഞു വീണു. ലോറിയുടെ മുന്‍ ഭാഗവും തൊട്ടടുത്ത് നിര്‍ത്തിയിട്ടിരുന്ന സ്‌കൂട്ടറും തകര്‍ന്നു.
പരുക്കേറ്റെങ്കിലും ലോറി ഡ്രൈവര്‍ ഓടിക്കളഞ്ഞു. പിന്നാലെയെത്തിയ പൊലീസ് ഉടന്‍ കെഎസ്ഇബിയില്‍ വിവരമറിയിച്ച് വൈദ്യുതി ബന്ധം വിഛേദിച്ചു. ട്രാന്‍സ്‌ഫോമര്‍ തകര്‍ന്നതോടെ പ്രദേശമാകെ വൈദ്യുതി മുടങ്ങി. കൂടാതെ രാവിലെ മുതല്‍ ചമ്രവട്ടം പാതയില്‍ വന്‍ ഗതാഗതക്കുരുക്കും രൂപപ്പെട്ടു. 5 ലക്ഷം രൂപയോളം നഷ്ടം വന്നെന്നാണു കെഎസ്ഇബി അധികൃതര്‍ പറയുന്നത്. പൊലീസ് ലോറി െ്രെഡവര്‍ക്കെതിരെ കേസെടുത്തിട്ടുണ്ട്.