മഹാത്മാഗാന്ധി സ്ഥാപിച്ച സ്‌കൂളില്‍ സര്‍വമത പ്രാര്‍ഥനയ്ക്ക് വിലക്ക്. ഗുജറാത്ത് വിദ്യാപീഠില്‍ പ്രാര്‍ഥനയ്‌ക്കെത്തിയ വിദ്യാര്‍ഥിനികളെ സ്‌കൂളിലെ ഹിന്ദി അധ്യാപകനാണ് വിലക്കിയത്. ഇയാള്‍ വിദ്യാര്‍ഥികളെ പൊതുമധ്യത്തില്‍ അധിക്ഷേപിച്ചതായും പരാതിയുണ്ട്.
ആഗസ്റ്റ് 4നായിരുന്നു സംഭവം. പ്രാര്‍ഥന വിലക്കിയ അധ്യാപകന്റെ നടപടിയെ എതിര്‍ത്ത് മറ്റ് അധ്യാപകര്‍ രംഗത്തെത്തിയെങ്കിലും സംഭവത്തില്‍ വിദ്യാര്‍ഥികള്‍ ശക്തമായ പ്രതിഷേധം രേഖപ്പെടുത്തി. പ്രതിഷേധസൂചകമായി വിദ്യാര്‍ഥികള്‍ തിങ്കളാഴ്ച സ്‌കൂളില്‍ കറുത്ത റിബണ്‍ ധരിച്ചാണെത്തിയത്.
സ്‌കൂള്‍ പ്രവര്‍ത്തനമാരംഭിച്ചതു മുതല്‍ ആചരിച്ചു വരുന്നതാണ് സര്‍വമത പ്രാര്‍ഥന. നിലവില്‍ സംസ്ഥാന സര്‍ക്കാരിന്റെ കീഴിലാണ് സ്‌കൂള്‍.