ഒഡീഷയില്‍ തെരുവുനായകള്‍ കൂട്ടമായി ആക്രമിക്കാന്‍ പിന്തുടര്‍ന്നതിനെ തുടര്‍ന്ന് സ്‌കൂട്ടര്‍ നിര്‍ത്തിയിട്ട കാറിലിടിച്ച് അപകടം. ഒഡീഷയിലെ ബെര്‍ഹാംപുര്‍ സിറ്റിയിലാണ് അപകടം. അപകടത്തില്‍ സ്‌കൂട്ടറിലുണ്ടായിരുന്ന ഒരു കുട്ടി ഉള്‍പ്പെടെ മൂന്ന് പേര്‍ക്ക് പരിക്കേറ്റു.
തെരുവുനായകള്‍ കൂട്ടമായി ആക്രമിക്കാന്‍ വന്നതോടെ നിയന്ത്രണം വിട്ട സ്‌കൂട്ടര്‍ റോഡിന് വശത്തായി നിര്‍ത്തിയിട്ട കാറിന് പിന്നില്‍ ഇടിക്കുകയായിരുന്നു. ഇയിയുടെ ആഘാതത്തില്‍ സ്‌കൂട്ടറിലുണ്ടായിരുന്ന രണ്ട് സ്ത്രീകളും കുട്ടിയും റോഡിലേക്ക് തെറിച്ചുവീഴുകയായിരുന്നു. അപകടത്തിന്റെ സിസിടിവി ദൃശ്യങ്ങളും പുറത്തുവന്നു.