സംസ്ഥാന സ്‌കൂള്‍ കായികമേളയില്‍ ഹാട്രിക് കിരീടവുമായി പാലക്കാട്. മലപ്പുറത്തെ പിന്തള്ളിയാണ് പാലക്കാട് ഹാട്രിക് കിരീടം ചൂടുന്നത്. നേരത്തെ കണ്ണൂരിലും തിരുവനന്തപുരത്തും നടന്ന സ്‌കൂള്‍ മീറ്റില്‍ പാലക്കാട് കിരീട ജേതാക്കളായിരുന്നു.
പാലക്കാടിന് 266 പോയിന്റാണ്. രണ്ടാമതുള്ള മലപ്പുറത്തിന് 168 പോയിന്റാണുള്ളത്. ചാംപ്യന്‍മാര്‍ 28 സ്വര്‍ണവും 27 വെള്ളിയും 12 വെങ്കലവും നേടിയപ്പോള്‍, മലപ്പുറം 13 സ്വര്‍ണവും 22 വെള്ളിയും 20 വെങ്കലവും നേടി. 95 പോയിന്റുമായി കോഴിക്കോടാണ് മൂന്നാം സ്ഥാനത്ത്. നാലാമതുള്ള എറണാകുളത്തിന് 88 പോയിന്റാണ്.
അതേസമയം സ്‌കൂളുകളില്‍ ഐഡിയല്‍ ഇ എച്ച് എസ് എസ് കടകശ്ശേരിയും മാര്‍ ബേസില്‍ എച്ച് എസ് എസ് കോതമംഗലവും തമ്മില്‍ ഇഞ്ചോടിഞ്ച് പോരാട്ടത്തില്‍ ഐഡിയലാണ് ഒന്നാം സ്ഥാനത്തെത്തിയത്.