ലൈഫ് മിഷന്‍ കോഴക്കേസില്‍ ചോദ്യം ചെയ്യലിനോട് എം. ശിവശങ്കര്‍ സഹകരിച്ചില്ലെന്ന് ഇ.ഡി. കേസില്‍ ആകെ 8 പേരെയാണ് ഇ.ഡി പ്രതിപ്പട്ടികയില്‍ ചേര്‍ത്തിരിക്കുന്നത്. കള്ളപ്പണം വെളുപ്പിക്കല്‍ നിരോധന നിയമപ്രകാരമാണ് അറസ്റ്റ്. കേസില്‍ അഞ്ചാംപ്രതിയാണ് എം.ശിവശങ്കര്‍.
സ്വപ്‌ന സുരേഷും ശിവശങ്കറും തമ്മിലുള്ള വാട്സ് ആപ് ചാറ്റുകള്‍ വലിയ തെളിവായെന്നും ഇത് കേസിനെ നല്ല രീതിയില്‍ സഹായിക്കുമെന്നും ഇ.ഡി വ്യക്തമാക്കി. അറസ്റ്റിന് ശേഷം വൈദ്യപരിശോധന കഴിഞ്ഞ ശേഷം ശിവശങ്കറിനെ വീണ്ടും ഇ.ഡി ഓഫീസിലേക്ക് എത്തിച്ചു. വിശദമായ റിമാന്‍ഡ് റിപ്പോര്‍ട്ട് നല്‍കിയതിന് ശേഷമെ ശിവശങ്കറിനെ എറണാകുളം പ്രിന്‍സിപ്പല്‍ സെക്ഷന്‍ കോടതിയിലെത്തിക്കൂ.