ചാമ്പ്യന്‍സ് ലീഗില്‍ ബാഴ്‌സലോണയ്ക്ക് തോല്‍വി. മൊണോക്കോക്കെതിരെ ഒന്നിനെതിരെ രണ്ടു ഗോളുകള്‍ക്കാണ് ബാഴ്‌സലോണ പരാജയപ്പെട്ടത്. ആര്‍സനല്‍ ഇറ്റാലിയന്‍ ക്ലബ്ബായ അറ്റ്‌ലാന്റയുമായി സമനിലയില്‍ കളി അവസാനിപ്പിച്ചു. ആര്‍ ബി ലെപ്‌സിഗും അത്‌ലറ്റിക്കോ മാഡ്രിഡും തമ്മിലുള്ള പോരാട്ടത്തില്‍ അത്‌ലറ്റിക്കോ മാഡ്രിഡ് വിജയിച്ചു. ഫെയര്‍നൂദിനെ പരാജയപ്പെടുത്തി ലെവര്‍ക്യൂസണും മുന്നേറി.
എന്നാല്‍ ചാമ്പ്യന്‍സ് ലീഗിലെ ആദ്യ മത്സരത്തില്‍ തന്നെ ബാഴ്‌സലോണയുടെ ചുവട് പിഴച്ചു. 11ാം മിനുറ്റില്‍ തന്നെ എറിക് ഗാര്‍ഷ്യ ചുവപ്പ് കാര്‍ഡ് കണ്ട് പുറത്തായതോടെ ബാഴ്‌സലോണയുടെ അടിതെറ്റി. ഈ അവസരം മൊണോക്കോയ്ക്ക് നന്നായി ഉപയോഗിക്കാന്‍ കഴിഞ്ഞു. 16ാം മിനുറ്റില്‍ മാഗ്നസ് അക്ലൗച്ചോ മൊണോക്കോയെ മുന്നിലെത്തിച്ചു. 28ാം മിനിറ്റില്‍ ലാമിന്‍ യമാലിലൂടെ ബാഴ്‌സലോണ തിരിച്ചടിച്ചു. 71ാം മിനുറ്റിലെ ജോര്‍ജ് ഇലോനികേനയുടെ ഗോള്‍ മൊണോക്കോക്ക് വിജയം നല്‍കി.
പുതിയ കോച്ച് ഹാന്‍സി ഫ്‌ളിക്കിന് കീഴില്‍ ബാഴ്‌സലോണയ്ക്ക് ഇത് ആദ്യ തോല്‍വിയാണ്. മൊണോക്കോ ബാഴ്‌സലോണയെ 2-1നാണ് പരാജയപ്പെടുത്തിയത്.