പ്രകടനങ്ങള്‍ നടത്തുന്നതിന് ഫീസ് ഈടാക്കുമ്പോള്‍ അപേക്ഷയുമായി വരുന്നയാളെ പൊലീസ് നല്‍കുന്ന സേവന വിവരങ്ങള്‍ അറിയിക്കണമെന്ന് ഹൈക്കോടതി. സര്‍ക്കാര്‍ പുറത്തിറക്കിയ ഉത്തരവില്‍ പൊലീസ് നല്‍കുന്ന സേവനങ്ങളെ കുറിച്ച് വ്യക്തതയില്ലെന്നും കോടതി ചൂണ്ടിക്കാട്ടി.
ഉത്തരവ് സ്‌റ്റേ ചെയ്യണമെന്നാവശ്യപ്പെട്ട് അസോസിയേഷന്‍ ഫോര്‍ പ്രൊട്ടക്ഷന്‍ ഓഫ് സിവില്‍ റൈറ്റ്‌സ് നല്‍കിയ ഹരജിയിലാണ് കോടതി ഉത്തരവ്.
രാഷ്ട്രീയ പാര്‍ട്ടികളുടേതടക്കമുള്ള പ്രകടനങ്ങള്‍ക്കും ഘോഷയാത്രകള്‍ക്കും പൊലീസ് അനുമതി ലഭിക്കാന്‍ ഇനി ഫീസ് നല്‍കണമെന്നായിരുന്നു ഉത്തരവ്. എഫ്.ഐ.ആര്‍, ജനറല്‍ ഡയറി, സീന്‍ മഹസര്‍ ഉള്‍പ്പെടെയുള്ളവയുടെ പകര്‍പ്പ് ലഭിക്കാനും ഫീസ് അടയ്‌ക്കേണ്ടിവരും.
ഇതിന് പുറമെ സ്വകാര്യ ചടങ്ങുകള്‍ക്ക് സുരക്ഷയ്ക്കായി പോവുന്നതിനുള്ള ഫീസും പൊലീസിന്റെ സാധനങ്ങളും സ്‌റ്റേഷനും സിനിമാ ഷൂട്ടിങ്ങിന് നല്‍കുന്നതിന് വാടകനിരക്കിലും വര്‍ധനയുണ്ടാകുമെന്ന് ഉത്തരവിലുണ്ടായിരുന്നു.’